আবোওয়াঃ ওয়েব পেজ – আদিবাসী সাঁওতা সেচেৎ লাকচার সেমলেৎ,পুরুব
সিংভূম জিলৗ পাহ্টা খন ঝাড়খন্ড রে সান্তাড়ি পৗরশি রাজভাষা লেকাতে চালুয় লৗগিৎ দাবিক
দহ কেদা আদিবাসী সাঁওতা সেচেৎ লাকচার সেমলেৎ,পুরুব সিংভূম জিলৗ পাহ্টা খন। বাডায় আকানা
অতে মাহা হিলঃ ঝাড়খন্ড পনৎ রেন মানতান মুখিয়ৗ মন্ত্রী হেমন্ত সরেন সাঁও ঞাপাম কাতে
নোওয়া দাবিক সদর সামাং কেদা। অনা সাঁওতে সান্তাড়ি অ্যাকাডেমি বেনাও,সান্তাড়ি পৗরশিতে
মাচেৎ হাতাও, সান্তাড়ি মাচেৎ অক্ত নৗপিৎ বেতন ঞাম আর সান্তাড়ি পৗরশিতে আরহঁ বিরদৗ গাড়
বেনাও রাকাপ্ এমান কাথাকঁহ ক লৗই সাডেয়াদেয়া। নোওয়াক সানাম লেকান কাথা আঁজম কাতে মানতান
মুখিয়ৗ মন্ত্রীদ আশা সাঁদেশ গে চাল আৎ কোওয়ায়।
আরহঁ বাডায় আকানা
ধৗরতি জাকাত কোবিড-১৯ চালাঃ কান অক্তে মানতান মুখিয়ৗ মন্ত্রী হেমন্ত সরেন আঃ যাঁহা
লেকা কৗমি আর এনেম তায় অনা লেকাতে পুরুব সিংভূম জিলৗ আসেকা পাহ্টা খন উনিদ মিৎ সারহাও
সাকাম হঁক চাল আদেয়া।
নোওয়া রে আসেকা
রেন রৗসিয়াক মুদ্রে সেটেরক তাঁহেকানা সুভাষচন্দ্র মান্ডি,শঙ্কর সরেন,সমায় টুডু,ডাঃ
হরিচন্দ্র মুরমু,সুরেন্দ্র টুডু,বোয়লা সরেন আর কানাই লাল হেম্ব্রম সাঁওতে আরহঁ আয়মা
গৗখুড়িয়ৗক।
বাডায় আকানা যাঁহা
পনৎ রেগে যাঁহা পৗরশিগে রাজভাষা লেকাতে ছৗটিয়ার লেনখান অনা পৗরশিরেন রড়তে হড়াঃ অৗডিগে
উবগৗর হোয়োঃআ। অনা পৗরশিরেন রড়র হড়ক সানাম বিরদৗগাড়, অফিস, আদালত করে সরকারি বাছনাও
তালাতে সরকার হাতাও হুয় তায়া। অনালেকাতে ঝাড়খন্ড পনৎ রে সান্তাড়ি পৗরশি রাজভাষা হুয়
লেনখান সান্তাড়ি পৗরশিতে রড়র হড়কগে অনা দাওক হাতাও দাড়েয়াঃআ।
তবে আয়মা গৗখুড়িয়াগে
ঝাড়খন্ড রেনাঃ রাজভাষা ইদিকাতেক রড় আকাদা বাংমা মচাতে রড় আর কৗমিরে জোওয়াঃদ সরগ-পাতাল
লেকাগে ফারাক্ মেনাঃ আকাদা। অনা লেকাতে গৗখুড়িয়ৗ কদ নাগাম রেনাঃ কাথা হঁক সাব্ রাকাপ্
আকাদা। উনকুক লৗলৗই কানা বাংমা অকা পৗরশিগে বিনা আঁদোড় তে অকারেঁহ ঠাঁও বায় ঞাম আকাদা
আর বাং সেলেদ্ আকানা। গৗখুড়িয়ৗক ২০০৩ সাল ভারত দিশমরে সান্তাড়ি পৗরশি সেলেদঃ মাড়াং
রেনাঃ আঁদোড় কাথা হঁক রাকাপ্ আকাদা। অনা লেকাতে ঝাড়খন্ড পনৎ রেদ নিৎহঁ সান্তাড়ি পৗরশি
রাজভাষা লেকাতে দাবি রেনাঃ অনকান আঁদোড়গে বাং ঞেল ঞাম আকানা মেন্তেহঁ আয়মা হড়গেক মেমেন
কানা।
.webp)
