( হুডিঞ মাছা কৗহ্নি )
বার জড়া মেৎ
জ্যোৎস্না সোরেন
ছিধর (শ্রীধর) হপনবা দ সেদায় রিনিচ মেট্রিক পাশ,গুড়ধৗ এনেচরেনাঃ "বেষ্ট প্লেয়ার"ট্রফি তে কলংগা, বাস্কা সানামাঃ পেরেচ ৷ তুরুই ফুট লেকা উসুল হপনবা দ সেদায় হানে চন্দ্রকোনা রোড রেনাঃ"ডিগ্রি কুমারী"রে যখন উডৗন গৗডি আড়গো কঃআ উন অক্ত"সিআরপি"চৗকরিয়ঞামলেদা৷মেনখানজানামআয়োয়াঃরাঃহমরঞেলতে বায় চালাওলেনা "দিশম আয়োয়াঃ"কৗমিরে ৷ যা উডুচ বৗদ বৗয়হৗড়,বির হাসামেনাঃ অনাকতেগে ভাগেঞঃ ঞেল সামটাও লেখান বৗবু কঠেন গামছা আটেৎ দ বাং হোয়োঃ আ ৷
ছিধর হপনবা দ যুয়ৗন রেনাঃ পৌয়লো বেড়ারেগে দুলৗড় সার তেয় ঘৗল এন খান ধৗরতি রেন সানাম "কুড়ি"গে ছুয়ৗৎ লেকায় মনেকেৎ কওয়া ৷ জানাম আয়ো বাবায়াঃ সানাম কাথাতে বহঃএ ডঁবঃ লেৎ রেহঁ বাপ্লা কাথারেদ একাল বহঃ এ রুকু কেদা ৷ হারা গদঃ গিদৗর মেন গেম বাডায়া,আদ বায় আঞ্জম খান চিকৗয়াম ? আদ,আচরেন আয়ো বাবাকিন চাবায়েন খান,নিতদ ছিধর হপনবা দ এসগার গে ৷ আঁশদ, কাকাখুড়্যে বয়হা গে হাপেন ক কারন ধারন এয়া জুমি জায়গা খৗতির ৷মেন কাথা,বয়েস লেনখানেম মনে দাড়ে হঁ চাবাঃ আ,আর উনদ হুরুৎ হম বাবায়াঃআ ৷ ছিধর হপনবা দ নেতার ঞিদৗ একাল বায় জৗপিৎ দাড়েয়াঃ কানা ! লৗই কাথা বাংমা আয়াঃ গিতিচ অড়াঃরেনাঃ কাতরে চিপকৗও ফট খন বার জড়া মেৎ ঞুতৗত খানগে জোলোঃকানা ৷ নে হুড়ু হুড়ুয় জৗপিৎ খানগে তায়ম খন অকয় চয় ঠেলাও বেরেদে কান লেকায় বুঝ এদা ৷৷
অনা আঞ্জম কাতে আতোরেন অকয় কদ খ্যাপা,অকয় কদ "ঞিদৗ আরশাল"ক ক নেয়াদ কাওদেয়া , অকয় কদ নংকা হঁক মেন কেদা বাংমা, "কিসৗড় বঙায়িচ বৗহুত বায় বাগাও দাড়েয়ায় কানতে নংকান হালত ৷ অকয়হঁ বায় পৗতয়ৗও হচ দাড়েয়াঃকওয়া আয়াঃকাথা ৷দিনৗম রেনাঃ খবর কাগজ পাড়হাও কাতে জৗপিৎ রেনাঃ উভ্যৗস দ হানে গিদরৗ বিদৗল খনগে হপনবা য়াঃদ ৷ সৗরি গে,ধৗরতিরে হেঁন্দে মৗনমী আর রেঙ্গেচ কাতে জানাম দ "পাপ হৗর" লেকা ৷ অকা রেহঁ সুলুক মেৎ তেদ বাক ঞেল লেৎ বনা ৷
বাংলা, বিহার,উড়িষ্যা,অসম,ঝাড়খন্ড...সানাম পনত রেগে' অকারেদবন রেচ হচঃ কানা,অকাখন দ বন লাগা হচঃ কানা ৷মটা ঞঃ সাঁহেৎ কাতে হপনবা দ জৗপিৎ এ চালাও এনা ৷ জৗনিচ খান ভর ঞিদৗগে হোয় গৎ আকানা ৷ আচকাগে অকয়ে ঠেলাও কেদে লেকায় অৗইকৗও কেদা ৷ তেরদেচ রেনাঃ আরশাল জাঁজলা সেৎ তে বল কাতে কাত রেনাঃ ফটরে ডিগডিগঃ কানা ৷ অনা আল তেয় ঞেল কেদা "হাসারেনাঃ কাতরে মিৎ লিন্দির জম ফট চিপকৗও মেনাঃ আ ৷ আচ বাবা বিদৗল খন ৷ ডান্ডা খন লাতার সেৎ লিন্দির হাসাতে থোরো থোপো,কড়াম রে চুপুৎ আকাৎ বারয়া তি, বহঃউব উসকৗ খুসকৗ, আর বার জড়া মেৎ রে ধৗও ধৗও সেঙ্গেল ৷ অনা সেঙ্গেল মেৎগে জৗনিচ ঞুতৗত এ ঞেল লেখান ঠেলাও বেরেদ কাতে চেঠাঃ এ মেতায়া ৷ এগো, অকয় কি পে মিতৗঞৗ ছিধর হপন বাদ চেৎ রেয় চিকৗয়েনা ?
.webp)
