নিতাই টুডু : দিশম জাকাত কোভিড-১৯ তে নিৎ সানাম হড়গে কেক্লেসেৎ। লক ডাউন রেনাঃ হুকুম জৗরিহঁ অৗওরি মুচৗদঃআ। নওয়া তালামালা রেগে পশ্চিমবাংলারে ঞুতুমান পিএসসি রেনাঃ অরসং অডক আকানা ৪ জুন, ২০২০। পশ্চিমবঙ্গ পাবলিক সার্ভিস কমিশনার রেনাঃ মিসলেনিয়াস সার্ভিস রিক্রু্টমেন্ট হুয় লেনা চালাওয়েন ২০১৮ সালরে। নিৎ পারসোনালি টেস্ট লৗগিৎ যাঁহা তালিকা অডক আকানা। অনারে দাস, গুপ্ত্, সাঊ, রায়, সিংহ লেকান অ-আদিবাসী টাইটেল মেনাঃ আকাদ্ কোওয়া। নোওয়া তিনাঃ নিছরা কানা নোওয়া লৗইতে্ নিৎ আদিবাসী তালারে হুলৗচামকাও গটা পাকাড়গে। মেনখান পুশি হটঃরে ঘান্টি অকয়ে তল আয়া? অনা লেকাতে মেনদ আর তিসবন এভেনঃআ ?
পশ্চিমবাংলা চেদাঃ নিয়ৗ সিয়ঁত দিশমররিন আদিবাসীক অৗডি মুহিম অক্তরেবন সেটের আকানা। নিয়ৗ অক্তরে যুদি বাংবন চেঁঘাঃ আ তাহলে হাপেন দিনেরে আবরিন পপংড়াক চাকরি ঞাম লাগিৎক হিমশিম উতৗরঃআ। সিঁয়ত দিশম ফুরগৗল আকানরেঁহ আবদ নিতহঁ ফুরগৗলগে বানুঃ বনা। আর তিনৗঃ দিন নংকা থির গেবন তাঁহেনা? নিতঃদ এটাঃ জৗতি আবক রাঁজাও রাঁজাও তে কাঁথ মুচাদ রেক সেটের আকাদবনা। নিতঃদ আদ বেঁগেদ্ কাতেত জৗপিদ্ লেখান একালগে বাং গানঃ আ। অনাতিঞ মেনা " এভেনঃ পে খেরওয়াল " চেঁঘাঃ পেহো আদিবাসী, আপনার তালারে এঁপের- হেড়েজ্ বৗগি কাতে সানামাঃ লেকান কৗমিক ঞেল সামটাও মে। পশ্চিমবাংলারে নুনৗঃ সংগঠন যেলেকা পাঠুয়ৗ গাঁওতা, মাচেদ্ গাঁওতা, ভারত জাকাত মাঝি পারগানা মহল, মাঝি মাঁডওয়া, আসেকা এমান সংগঠনক আর তিসবন আন্দোড়া ? নুনৗঃ অফিস আদালত রে আদিবাসীক মেনাঃ বনা চেদাঃ বাংবন মেৎ লুতুরাঃ কানা ? অকয়ক নিতহঁ আব আদিবাসী বেকার পাঠুয়াক চৗকরি ঞাম লৗগিদ্ সিঞ-ঞিদৗ বন খাটাঃকানা এনখান নোওয়াক ঞেল কাতে আর তিসবন ধরনায়া ? সে বন ঞেল গৎ কাঃআ নোওয়াহঁ। নওয়াক কাথা মেনরেয়াঃ অজেদ,আবওয়াঃ জুড়ু হৗটিঞঃ কান এটাঃ গাঁতাকরিন জৗতি কঠেন। যাঁহাদ আব মেৎ সামাংরে Public Service Commission রেনাঃ মিসলেনিয়াস চৗকরি লৗগিদ্ যাঁহা রেজাল্ট উডুক আকানা অনারেদ গুপ্তা, দাস, সিংহ, রায় এমান এমান পদবীরেন অ-আদিবাসীক S.T. Post রে S.T.Certificate দেখাও কাতেত চৗকরি রেক বাহাল লৗগিদঃ কানা। অনাতে তুংখি তলাশ একাল লৗগ্তিঃ কানা। উনকুক অকাখন S.T. Certificate ক ঞাম কেদা ?
আবো আদিবাসী তালারে নিৎ সানাম লেকানাঃ ভেপেগেদ্ বৗগি কাতেৎ জুমিদঃ বেগর আদ হর বানুঃ আন। আর বাংখান B.R. Ambedkar এ হৗটিঞ আকাদবন জুড়ু হঁ হাপেনদিন বন আদা বৗই বৗইতে। নোওয়া যুদি সাহাও হোয়োঃ এনখান আদিবাসী কদ বৗই বৗইতে আদিবাসী খন ক সাহাঃ গেয়াঃ আরহঁ যুদি নোওয়া রেনাঃ মুচৗৎ বাংবন ঞেল মুচৗৎ এনখান আদিবাসী কদ বৗই বৗইতেক মুচৗদঃ গেয়া অনাদ আর দিন লেখাতেগে যাঁহা তিন দিন।
তবে নিৎ ধৗবিচ্ বাডায় আকানা বীরভূম আদিবাসী সুসৗর গাঁওতা আর পাঠুওয়ৗ গাঁওতা আশা নোওয়া লৗইতে RTI তালাতে তলাশ বাডায় লৗগিৎ কিন লাহা হেচ্ আকানা। আরহঁ নোওয়া বিরুধ রে All India Confadaration of SC/ST Organization (WB) অৗডি লগনগে আইনী বন্দেজ্ এ হাতাও আ মেন্তেহঁ বাডায়ঃ কানা।
.webp)
