সাঁগিন সাঁগিন তাঁহেনগে বাঁনচা হর এ উদুগা

জিউয়ি জালা সাহা  সাহাতে।

আবোওয়াঃ ওয়েব পেজ : লক ডাউন। লক ডাউন। লক ডাউন। লক ডাউন। তেহেঞ খন আরহঁ এহব এনা মঁড়ে তেখার লক ডাউন। নোওয়া লক ডাউন চালাঃআ ৩০ জুন ধৗবিচ্‌। মেনখান পছিম্‌ বাংলা রেদ নোওয়া লক ডাউন ১৫ জুন ধৗবিচ্‌ চালাঃআ মেনতে নিৎ ধৗবিচ্‌ বাডায় ঞাম আকানা। তবে তালমা আর পনৎ সরকার বানার পাহ্‌টা খনগে একাল সাফা কাথা রড় আকানা বাংমা মঁড়ে তেখার লক ডাউনদ এখেন কন্টে্নমেন্ট জোন করেগে চালাঃআ। বানার সরকার গেকিন খজ কানা আর জায়গাকদ ,বৗই বৗইতে সোঘোঁড় হোয় হচওয়ান। অনাতে লক ডাউন মঁড়ে দ বাং “আনলক ওয়ান” মেনেৎ জুন চাঁদ খনগে নোওয়া লক ডাউন খনাঃ অডক কাতে পৗহিল লেকা জিয়ন খাঁডাও ইদিরেনাঃগে লাহা চালাও হোয়োঃআ। চেদাসে বাডায়ঃ কানা নওয়া দিশম নোওয়া ধৗরতি খন তিস করোনা সাহাঃআ নোওয়া কুক্‌লি রেনাঃ যথাৎ তেলা নিৎহঁ চিকিচ্ছা সাঁড়েশিয়া কঠেন বানু আন। বরং করোনা যে নুনৗ আলগাতে বায় অচগঃআ,অনা সেনগে ইঙ্গিৎ এদা কিন ঞুতুমান ধৗরতি জাকাত সাঁওয়ার গাঁওতা (WHO) আর আইসিএমআর। মেনখান নংকান আবস্থারে অৗডি ঢের লেনখান বিপদ রেনাঃ মুচৗৎ বাং তাঁহেনা মেনতেহঁ চিকিচ্ছা গৗখুড়িয়ৗক বাডায় অচ কানা।

নংকান তালারেগে আরহঁ তেহেঞ খনগে আয়মা জায়গা করেগে সরকারি আর বেসরকারি বাস মিৎ বার চালুওয়াকানা। মেনখান বাডায়ঃ কানা দেজঃ হড়দ লেখা ঠঃ গে। আর যাঁহারে বাডায় আকানা সিট সুমুংগে প্যাসেঞ্জারক তাঁহে দাড়েয়াঃআ। তবে নোওয়াহঁ ৮ জুন ধৗবিচ্‌ চালু বিডৗও লেকাতেগে চালু হাতাড়ঃআ।

নতে  আরহঁ ৮ জুন খন খুলৗঃ কানা ধরম ঠাঁও, হোটেল, শপিং মল, গেস্ট হাউস, জায়গাক। ইনৗতায়ম খুলৗঃআ বিরদৗ গাড় খন এহব কাতে সানাম লেকান সেচেৎ তালমাক। অনাতায়ম ধাপকে ধাপ খুলৗঃআ খেলোড গডা, ধরম আখড়া এমান এমান ঠাঁওক। মেনখান নিৎ ধৗবিচ্‌হঁ লোকাল ট্রেন চালু রেনাঃদ অৗওরি ঠাড় গটা আ। তবে স্পেশাল ট্রেন কদ নামালিয়ৗক হিজুঃকান খৗতির চালু হাতাড়গে মেনাঃআ। ঞিদৗ কার্ফু বদল কাতেৎ হোয় আকানা ঞিদৗ ৯টাড়াং খন ভোর ৫টাড়াং ধৗবিচ্‌।

মেনখান নওয়াক অৗডি কিছু খুলৗও কাতেৎহঁ দিশম রেন আয়মা হড়গে তেমন মিৎটাং কুশি রৗস্কৗদ বাক সদর আকাদা মেনতেগে বাডায় আকানা। বরং নুনৗ লগন নুনৗ খুলৗমেলা বাং হোয় লেনখানগে নাপায় কঃআ মেনতে আয়মা হড় গেক লৗই সদর এদা। চেদাসে নিৎ নোওয়া করোনা আজারতে দিনকে দিন অৗডি ঢের রুগিক বাড়হাও চালাঃ কান গেয়া।

আরহঁ নতে নামালিয়ৗক আতো অড়াঃরে এটাঃ এটাঃ পনৎ  খনক হেচ্‌ জাওরাও আকানা,আরহঁক হিজুঃ কান গেয়া। আর নতে ঞেলঃগঃ কানা জিলৗ পিছি রুগি হঁক ঢের ইদি কানা। যাঁহাক জিলৗ মিৎ অক্তে গ্রিন জোন লেকাতে লেখা লেনা। অনাকহঁ নিৎ আর গ্রিন জোন মেনতে বাং লেখা কানা। চেদাসে অনা করেহঁ নিৎ করোনা রেনাঃ রাবুড় চিনহৗক ঞেলঃগঃ কানা।

নংকান তালারে আতো-অড়াঃ হড় খন এহব কাতে শাহার–বাজার গটায় রেন হড়গে অৗডি মারাং ধাদশ রেক পাড়াও আকানা মেনতে বাডায়ঃ কানা। আয়মা হড়াঃ মনেরেগে নিৎ কুক্‌লি রাকাপ্‌ কানা তাহলে চেৎ নিৎ আপনার তেগে আপনার জিউয়ি বাঁঞ্চাও হোয়োঃআ ?