থামাকুর নেশা
ডাঃ
সুরেন্দ্র নাথ মান্ডি
ডি.এম.ও( আয়ুষ), পূর্ব মেদিনীপুর
তেহেঞদ ৩১ মে। থামাকুর নেশা বেওহার টেকাও দারাম মাহা।
অনা দিশৗ কাতেগে থামাকুর নেশা ইদিকাতে মিৎ বার কাথা। থামাকুর রে তাঁহেন নিকোটিন,বেজোপাইরিন,আলকাতরা
সাঁওতে আরহঁ আয়মা আয়মা (পোন হাজার লেকা) রাসায়নিক যৌগক খৗতির গে মৗনমি হড়ম মনে জিউয়ীরে
নেশায় হেচ্ হচয়া। থামাকুর জম-ঞু-চেপেচ্তে থামাকুর রে তাঁহেন নোওয়াক রাসায়নিক যৌগ
সাহেঁৎ-হয়, উলিদাঃ দারায়তে মায়ামরে মেশা কাতেৎ বহঃ হাতাংরে সেটেরঃআ আর হড়ম মনে সুলগৗআ
আর নংকা কাতেৎ মিৎ ঘৗড়িচ্ লৗগিৎ রেহঁ লাঁগা ফারনা অৗইকাঃআ,টেনসন খন রিহৗই ঞামঃআ,ইচ্-আডো
আসুরা,হড়ম-মনেরে রুমুই অৗইকাঃআ, আর রৗস্কৗ সারসা আ। আদ নোওয়া নেশারে মিৎ ধাও লাবাধিয়ৗও
হোয় লেনখান নেশা খন রিহৗই ঞাম দ আঝাট ঞঃ গেয়া, বাংগে বৗগিন লৗগিদঃআ। নোওয়া নেশাতে উৎ
অচ লেনখান চেৎ লেকা কৗউডি –পুইসৗ নয়ছয়ঃআ। অনকাগে আপনার হড়ম- মনে-জৗতি-সমাজ পুরিবেশ
রেনাঃহঁ খুতি হোয়োঃআ।
মটামুটি ঞেল আকানা
১৪খন ২০ সেরমা উমের রেগে- মেনমা ইস্কুলরে পাড়হা মুচৗৎ মুচৗৎ অক্তে আর বাংখান কলেজরে
পাড়হা পৌয়লো অক্তে সে বাংখান হাট-পাতা দাঁড়া হেওয়াঃ অক্তে আর বাংখান মাহ্রা অক্তে
উমেররেগে গাতেক ঞেল ঞেলতে মিৎ-বার ধাও চুটি-চটা পুঁগি-বিড়ি-সিগরেট-খইনি-দক্তা-নস্যি,গুড়াখুর
এমান এমান, যাঁহাকদ থামাকুর আতেৎ তেয়ারঃ- অনাক
চেপেচ ঞু বিডৗও বুঝৗওয়ঃ গেয়া,চেৎ লেকা তানা অৗইকাঃআ মেনতে। পোয়লো পোয়লোদ ঝাঁজ্,হাড়হাৎ
আইকাঃ রেহঁ মিৎ অক্তেদ সাহাওয়েনগে। আদ অনা
নেশা বেওহাররে নাপায় আইকাওয়া আর নোওয়া নাপায় অৗইকাউগে হোয়োঃআ কাল দ। দিনৗম হিলঃগে হিনৗনিয়ৗ
দুর্ঘটন তে আয়মা হড়ক দায়নাশঃ কানা। মেনখান থামাখুর বেওহারতে নওয়া রেনাঃ পোন দবড় হড়
অৗধিন দিনরেগেক দায়নাসঃ কানা। থামাখুর নেসা বেওহারতে লুটি ,মাড়ি জাঁবে,মচা,আলাং, নৗডরি,আঁগাস-পগাস,মায়াম-কুঁডি,
ইনব্র মায়াম-জাল এমান রেয়াঃ ক্যান্সার হোয় দাড়েয়াঃআ। আর ক্যান্সার হোয় মানে গেথ……….। ক্যান্সার সুমুং
দ বাং অ্যাজমা, ব্রংকাইটিস,এম্ফাইসিমা, আলসার
এমান আজার হঁ হড়মরে বাসাঃআ।
মিৎটেন পুঁগি/সিগরেট
সে মিৎধৗও দক্তা চেপেচ্ মানেগে আয়ু খন ১০
মিনিট অক্ত গেদঃআ। নওয়াক নেশা দিনৗম হিলঃ বেওহার
লেখান স্বাভাবিক ভাবতে যাঁহাতিনৗঃ দিন বাঞ্চাও তাঁহে কঃআ অনাখন মঁড়ে সেরমা লাহারেগে
জিউয়ি বৗতি ইঁড়িজঃআ। যাঁহায় যুদি দিনৗম হিলঃ থামাকুরে নেশায়া তাহলে আয়াঃ জিয়ন ভররে
৪০খন ৫০ হাজার টাকা রেয়াঃ থামাকুর কিরিঞতেয় বাধ্যআ।
থামাকুররে তাঁহেন
নিকোটিন,বেঞ্জোপাইরিন এমানাঃ রাসায়নিক যৌগ কদ অৗডিতেৎগে বিষ আনা কানা। চুটি ঞু সে খইনি
জম আর বাংখান গুড়াখুরতে ডাটা ঘাসা অক্তে অনাক যৌগ কদ অৗডি থড়াগান মেনমা মিৎধাও বেওহাররে
০.২মিলিগ্রাম খন ৪/৫ মি.গ্রা. লেকা মায়াম রে মেসাঃআ। এনতেরেহঁ ইনৗ গানতেগে হড়ম রেনাঃ স্নায়ু ক সুলগৗআ যাঁহা
দক মেতাওয়াঃ কান আমেজ আর অনা আমেজগে তায়ম দারাম দ হড়ম মনে কৗউডি পৗতিয় ড্যামেজা।
চুটি থামাকুর
বেওহার তেদ বেওহারিচ্আঃ সুমুংদ খুতি বাং হোয়োঃআ উনি সোররে যাঁহায় হড় গেক তাঁহেনা উনকোওয়াঃহঁ
খুতি হোয়োঃআ। সিঞ পটম অড়াঃরে সে জানলা-দুওয়ার বন্দ বাস টেরেন এমান করে যাঁহায়ক যুদি
বিড়ি সিগরেট অক্তে হৗবিচ্ক ঞুয়ৗ আর ইনৗ অক্তে
যুদি বাং ঞু হড় অঁডেক তাঁহেনা তাহলে মিৎটেন বিড়ি/সিগরেট ঞুতে যাঁহা তিনৗঃ হড়মরে বিষ
বলনা উনৗ গানগে বলনা ওনকো বাং ঞু কোওয়াঃ হড়ম রেহঁ। নংকান কদ কো মেতা কোওয়া “প্যাসিভ
স্মোকার”। পোয়াতি হড়ম আর তোওয়া সেতেঞাকো অক্তে যুদি আয়োতেক থামাকুর নেশাক বেওহারা তাহলে
খান খুকি ভিতরিরে হারাবুরু কান গিদ্রৗয় নষ্ট দাড়েয়াঃআ।
থামাকুর নেশা
বেওহার কো নিতঃদ নিশ্চয়ই পে হুলৗস ভাঁগাওয়াকানা,নোওয়া হতেচ্তে যে নেশা হঁ বৗগিন বাং
গানঃ কানা আর নেশা খৗতির বতরান আজার খনহঁ রেহাই বাং ঞাঞামদ। মেনখান মনে মুরুক্ কাতে
কুরুমুটুই তাবোন পেসে থামাকুর নেশা বেওহার বৗগিন রেনাঃ। বৗগি দাড়েয়াঃ খান নোওয়া খন
ভৗগি আর চেৎ হঁ বাং হোয় দাড়েয়াঃআ। এনতে মৗনমি কদ আপনার সুমুং লৗগিৎ মা বাংবোন জানামাকান।
মিমিৎ মৗনমি মা মানওয়া-দুরিব (মানব সম্পদ) কান বোন। খান নাসে সুক্ নিরৗই ঞাম লৗগিৎতে
অৗধিন দিনরে হড়ম –জিউয়ী নাসাও কাতে চেদাঃ তবে মানওয়া-দুরিব বোন লয়ছয়া?
.webp)
.webp)
.webp)
