আবোওয়াঃ ওয়েব পেজ : নাপায় খবর আদিবাসীক লৗগিৎ। নাপায় খবর আদিবাসী
তিরলৗক লৗগিৎ। নাপায় খবর ভারত দিশম লৗগিৎ। জে এন ইউ রেন কম্পিউটার সায়েন্স হৗটিঞরেন প্রফেসর আর জে এন ইউ
মাচেৎ ইউনিয়নরেন মারেনিচ্ প্রিন্সিপাল, সোনা ঝারিয়া মিনজদ সিধু কানু মুরমু জেগেত বিরদৗগাড়
রেন ভাইস চ্যান্সলার লেকাতে বাহাল কেদেয়ায় ঝাড়খন্ড সরকার। আর নোওয়া লেকাতে আরহঁ মিৎ
ধাও ঝাড়খন্ড রেন আদিবাসী কোওয়াঃ মনে জয় কেৎ
তাকোওয়া ঝাড়খন্ড রেন মানতান মুখিয়া মন্ত্রী হে্মন্ত সরেন।
ফুরগৗল ভার্ত দিশম রিনীচ্ পৌল আদিবাসী তিরলৗ ভাইস
চ্যান্সলার লেকাতে বাহাল এনতে দিশমরেন আয়মা সাঁগে হড় সারহাওক চাল আকাদেয়া।
প্রফেসর সোনা
ঝারিয়া মিনজদ দিল্লি জহর লাল নেহরু বিশ্ববিদ্যালয় রেন কম্পিউটার আর সিস্টেমস সায়েনন্সরেন
প্রফেসর কানায়। উনিগে সিধু কানু মুরমু জেগেত বিরদৗগাড় রেন ভাইস চ্যান্সলার লেকাতে বাহাল কেদেয়ায়
ঝাড়খন্ড রিনিচ্ মানঅৗন রাজ্যপাল দ্রৌপদী মুরমু।
প্রফেসর সোনা
ঝারিয়া মিনজদ চেন্নাই রেনাঃ তাম্বরাম মাদ্রাজ ক্রিশ্চিয়ান কলেজ খন আর দিল্লিরেনাঃ জহর
লাল নেহরু বিশ্ববিদ্যালয়খন লাফানাং সেচেদ্ এ হামেট আকাদায়। উনিদ মাদ্রাজ ক্রিশ্চিয়ান
কলেজ খন গণিত সাতাম লৗইতে এমএসসি আরজাও কাতে নাওয়া দিল্লিরেনাঃ জহর লাল নেহরু বিশ্ববিদ্যালয়খন
কম্পিউটার সায়েনন্সতে এমফিল আর পিএইচডিহঁয় করাও আকাদা।
বাডায় আকানা পারমেন
সৗগুন মাহা হিলঃ ঝাড়খন্ড রেনাঃ গভরনর সচিবালয় নোওয়া বাহাল রেনাঃ কাথায় বাডায় হচঃ লেদেয়া।
সৗরদি মাহা সেতাঃরে মিজ যখন নওয়া সৗগুন বেওরায় ঞামা উনদ উনি আয়াঃ অড়াঃ রাঁচিরে। যাঁহারেদ
গটা দিশমগে লক ডাউনরে। মিজ আচ্ বাবাদ কানায় লুথেরান বিশপ ইমেরিটাস নির্মল মিনজ। যাঁহায়দ
রাঁচি গসনা রেনাঃ কলেজ এ থাপন আকাদায়।
বাডায় আকানা প্রফেসর
সোনা ঝারিয়া মিনজ নওয়া খবর বাডায় কাতে আয়াঃ সেচেদ জিয়ন রেনাঃ মিৎ উনুইহৗর কাথায় দিশৗ
কেদা-মিৎ গণিত রিনিচ্ মাচেতাঃ কাথা “ তুমসে না হো পায়েগি”(আমদ সেচেদিয়ৗ লেকাতে উনাঃ
বাম ভাগেয়াঃ) মেতাদে তাঁহে। যাঁহায় মাচেদ্ আদিবাসীদ বায় তাঁহে লেনা। মেতাদে তাঁহে
বিএসসি পাস কাতেৎ আদ চেতান সেন গণিত সাতাম লৗইতেদ আলম পাড়হাঃআ। মিজ লৗই আকাদায় নওয়াতে
আরহঁ জেদ্ ঢের এন তায়া আর নওয়া গণিত সাতাম লৗইতেগে আরহঁয় পাড়হাঃআ। মিজ এ লৗই আকাদা
“ইঞ চ্যালেঞ্জ হাতাওদ অৗডিঞ কুশিয়াঃআ”। উনি আরহঁয় লৗই আকদা –“ ইঞ নাওয়া চ্যালেঞ্জ হাতাও
কাতেৎ আরহঁ জেএনইউ রে হেচ্তে গণিত খন কম্পিউটাররিঞ হেচ্ আকানা”।
বাডায় আকানা মিজ
আয়াঃ জিয়নরে আয়মা লেকান এঁটকে টঁড়ে আর চ্যালেঞ্জ চেতান চ্যালেঞ্জ হাতাও কাতেৎগে তেহেঞ
নংকান ঠাঁওরে হেচ্ দাড়েওয়াকাদায়। বাডায় আকানা মিৎ দশক মাড়াং পুরুব ভারত রেন আয়মা সেচেদিয়ৗক
অড়াঃসুর গার্জেন লেকাকো ঞেলে কান তাঁহেকানা। বিশ্ববিদ্যালয় করেনাঃ আয়মা আদিবাসী আঁন্দোড়রে
লাহারে তাঁহেন কান তাঁহে কানায়। ২০১৮-২০১৯ সালরে উনি জেএনইউ মাচেৎ সংগঠন রেন সভাপতি
তাঁহেলেনরে আয়মা আঁন্দোড়রে অৗডি গারজাও আতেৎ এ লৗড়হৗই কান তাঁহেকানা।
নিৎ তামাম ঝাড়খন্ড
পনত রেন আদিবাসীক সোনা ঝারিয়া মিনজ সিধু কানু মুরমু জেগেত বিরদাগাড় রেন ভাইস চ্যান্সলার লেকাতে
ঞাম কাতেৎ অৗডি কুশি রৗস্কৗক সদর আকাদা মেনতে বাডায় আকানা।
.webp)
.webp)
.webp)
