বৗজৗল সরেনাঃ ১৯৩ সেরমা পুরৗও জানাম মাহা মানাওয়েনা বাহা মালা এম তালাতে

বৗজৗল সরেন মুঠৗনরে বাহা মালা চাল অক্ত রেনাঃ চিতৗর

আবোওয়া ওয়েব পেজ : সান্তাড় হুলরেন আর মিৎ বীরবান্টা বৗজৗল সরেনাঃ ১৯৩ সেরমা পুরৗও জানাম মাহা মানাও এনা ২৮ মে বীরভূম জিলৗ সিউড়ি রেনাঃ আব্দারপুর ডৗহিরে আর ঝাড়খন্ড পনৎ গোড্ডা জিলৗ রেনাঃ কালহাজোড় আতোরে। বাডায় আকানা নেসদ করোনা ভাইরাস (কোবিদ-১৯) খৗতির গে বৗজৗল সরেন পাতাদ বাং সাপড়াও লেনা। অনাতে নেশদ বৗজৗল সরেনাঃ মুঠৗনরে বাহামালা আরাও আর উনিয়ৗঃ জানাম মাহা লৗইতে মিৎ বার কাথা বাঁখেড় তালাতেগে অৗডি মানত সালাঃক উইহৗর কেদেয়া।

নোওয়া জানাম মাহা উনুইহৗর আখড়ারে সেটেরক তাঁহেকানা মানতান চন্দ্র মোহন সরেন, বড় টুডু, আদিবাসী গাঁওতারেন সুৎরেৎ মানতান রবিন সরেন আর আব্দারপুর আদিবাসী সুসৗর গাঁওতারেন রৗসিয়ৗকো।

নতে কালহাজোড় রেক সেটের তাঁহেকানা  মারাং মৗই হাঁসদা, মারাং মৗই মান্ডি, হিরৗ টুডু, সুরেন্দ্র নাথ টুডু সাঁওতে বৗজৗল সরেন বংশরেন অড়াঃ হড়ক।

১৮২৭ সাল রেনাঃ ২৮মে বিহার রেনাঃ নাহাঃদ ঝাড়খন্ড  গোড্ডা জিলৗ রেনাঃ কালহাজোড় আতোর জানাম লেনায়। বাডায় আকানা বৗজৗল সরেনদ মিৎ সুদখোর মাহাজন রূপসিং তাম্বুলিয় হেলেচ্‌ গচ্‌ লেদেয়া। ইনৗতায়ম ইংরেজ সরকার বৗজৗল সরেনক সাব্‌ কেদেয়া আর তি-জাঁগা রে বেড়ি কাতেৎ বিহার রেনাঃ গোড্ডা খন ১৫০কিমি.তাড়াম তে উনরেনাঃ বীরভূম সিঊড়ি সেন্ট্রাল জেলক আগুকেদেয়া আর অঁডে খঁনগে উনিয়ৗঃ ফাঁসি হুয় লেনা সে বাং ? সে ক চিকৗকেদেয়া ? অনাদ নিৎহঁ বাং বাডায় আকানা।