 |
| রৗস্কৗ মহল রেন রৗসিয়ৗক। |
নোওয়া লক ডাউন রেনাঃ মুহিম অক্ত বেড়ারে নংকান গড় ঞাম কাতেৎ মিশন রেন গৗলিম মানতান নরেন হাঁসদাদ রৗস্কৗ মহল সারহাও এ চাল আকাদেয়া মেনতে বাডায় আকানা।
রৗস্কৗ মহল রেন সুৎরেৎ মানতান ডঃ সুরেন্দ্র নাথ মান্ডি গম্কে ঠেন খন বাডায় ঞাম এনা বাংমা আবোওয়াঃ কাথা ওয়েব পেজ রে সিধু-কানু মিশন রেনাঃ অ্যাড ঞেল কাতেৎ গে মহলরেন আর রৗসিয়ৗ কঠেন সিধু-কানু মিশনরে গড় এম লাগিৎ আরদাশ এ দহ হোয় লে্না। রৗস্কৗ মহল রেন রৗসিয়ৗ কঁহঁ নংকান কাথা আঁজম কাতেৎ মিশনরে গড় এম লৗগিৎ সায়ক এম কেদা। মহলরেন গৗখুড়িয়ৗ দেবেন্দ্র নাথ হেম্ব্রম গম্কেদ অনাতে নংকান গড় এম চাল লৗগিৎ মহলরেন সানামক সারহাও এ চাল আকাদ কওয়া।
নওয়াহঁ বাডায় আকানা ‘আবোওয়াঃ কাথা’ ওয়েব পেজ রে সিধু-কানু মিশন রেনাঃ নংকানা অ্যাড বাং তাঁহেক, এনখান আকোহঁ সিধু-কানু মিশন লৗইতে ঞূতৗৎ রেগেক তাঁহেকঃআ। অনাতে ডঃ মান্ডিদ ‘আবোওয়াঃ কাথা’ রেন সাসাপাড়াওয়িচ্ গমকেহঁ সারহাও এ চাল আকাদেয়া।
রৗস্কৗ মহলাঃ রৗস্কৗদ আডি বাড়তিয়াঃ মেনতেহঁ বাডায় আকানা। অনাতে পুরুব মিদিনপুর লেকান জিলৗরে তমলুকউরে গিরৗ বাস আকান হড় হপন লাইতে বছর সাল হুল মাহা মানাও, সাধু রামচাঁদ মুর্মু জানাম মাহা, ডঃ বি.আর.আম্বেদকর জানাম মাহা, গুরু গমকেয়া জানাম মাহা মানাও খন এহব কাতে বাহা সহরায় লেকান পরবহঁ লাকচার আখড়া তালাতেক মানাও অৗগুয়েদা।
নওয়া মিশনদ পুরুলিয়া জেলা আড়ষা থানা রেনাঃ মিৎ বুরু ধাসনা লাতার ভালি ডুংরিরে মেনাঃ আ। ঞুতুম সিধু কানু মিশন। পুরুলিয়া জেলা খন ৩৫ কিমি সাগিঞরে। নওয়া মিশন বেরেৎ আকানা ২০১৪ সালরে। নিৎ ধাবিচ্ অনকান সরকারি গড়দ বায় ঞাম আকাদা। তবে আয়াঃ দুখ রেনাঃ কাথা তায়দ নোওয়া লক ডাউন রে অকা তেহঁ বায় অডোক দাড়েয়াঃ কানা মেনতে। বাংখান্ নংকান আনাটদ হোয়ো রেনাঃ বাং তাঁহে কানা।
নওয়া মিশনরে ১২০ গটাং পাঠুওয়া গিদার পাড়হাঃ আক। নিৎ নওয়া লক ডাউনরে ২৫ গটাং গিদার মেনাঃ আকাৎ কোওয়া। যাঁহায় করেনদ গ-বাবাগে বানুঃ কতা কোওয়া। নিৎ নোকো গিদার করেন গ-বাবাদ সেরেঞ কারিগল মানতান নরেন হাঁসদাগে। গিদৗর কঁহঁ উনি বাংখান আডি ঢেরতেৎগে টুওয়ৗরক বুঝৗওয়া মেন্তেহঁ বাডায় আকানা।
.webp)
.webp)
.webp)
