 |
| মিশন রেন গিদৗরক সাঁও ক্লাবরেন রৗসিয়ৗক। |
বাডায় ঞাম আকানা হলা সনত্ তারাস ক্লাব রেন মিৎ দল রৗসিয়া সিধু-কানু মিশনরে সেন কাতেৎ ৫০ কিজি চাওলে, আলু, খৗজৗড়ি, সেনিটাইজার, সুনুম ,সাবন, সওয়াবিন, গিদৗর বাউলি এমান জিনিস পৗতিক সাঁওতে নগদ ২০০০ টাকা সিধু-কানু মিশনরেন গৗলিম মানতান নরেন হাঁসদা-আঃ তিরেক চাল আদেয়া। নিৎ নওয়া লক ডাউন বাজাররে নংকান মুহিম অক্তরে নংকান গড় ঞাম কাতেৎ মানতান হাঁসদা রৗস্কৗ সালাঃ আতাং কাতেৎ সনত্ তারাস ক্লাব সারহাও-এ চাল আদেয়া। ক্লাব রেন রৗসিয়াক মানতান হাঁসদা সাঁও দুড়ুপ পান্তে কাতেৎ চেৎ লেকা কাতেৎ মিশন বাঁঞ্চাও দহ আর মিশন রেনাঃ আগাম লাহান্তি লৗইতেক গাপাল মারাও এনা মেন্তেহঁ বাডায় আকানা। ক্লাব সুৎরেৎ মানতান বুদ্ধেশবর বাস্কে আরহঁ তায়ম দারাম মিশন সোররে ক্লাব নংকাগে গড় আর তলাশরে তাঁহেনায় মেন্তেহঁয় সদর আকাদা।
আবোওয়া ওয়েব পেজরে আয়মা হড়গে দান এমঃ হোয়োঃখান সরাসরি রেঁগেচ্-নাচার হড় আর বাংখান নংকান মিশন করে এমঃ রেনাঃ কাথাগেক লাই সদর আকাদা। বাডায় আকানা রৗস্কৗ মহল সিধু-কানু মিশনরে দান খৗতির আয়মা হড়গেক সারহাও আকাদেয়া।
বাডায় আকানা নোওয়া লক ডাউনরেনাঃ মুহিম অক্তরে এলাকারেন রেঁগেচ্–নাচার হড়ক বার-পে তেখার গড় এম কাতে মিশন রেহঁ গড় এম খৗতির অৗডি আয়মা হড়গে সনত্ তারাস ক্লাব সারহাওকো চাল আয় কানা।
সনত্ তারাস ক্লাবদ এতহব খনগে রেঁগেচ্–নাচার পৗঠুওয়া গিদৗরক পুঁথি –পতব এম কাতেৎ গড়, রেঁগেচ্–নাচার হড় লুগ্ড়িচ্, কম্বল দান, পৗঠুওয়া গিদৗরক ফ্রিতে কোচিং পাড়হাও, মুহিম অক্তরেন রুগীক মায়াং দান লেকান আয়মা কৗমিক আয়াঃ তাঁরেনরে ভৗরিয়া কাতেৎ কৗমি কানায় মেনতে এলাকারেন আয়মা হড়গেক লৗই সদর আকাদা।
সনত্ তারাস ক্লাব রেনাঃ ২৫ সেরমা পুরৗও রুপে গড় হাসেলাং নোওয়া ২০২০ সালরেনাঃ অক্টোবর চাঁদোরে হোয়োঃআ আর অনা রেনাঃ সাজাও সাপ্ড়াও কৗমি হরা হঁক এহব আকাদা মেনতে মিৎ ভিডিও কনফারেন্স রেনাঃ গাপাল মারাও তালাতে বাডায় ঞাম আকানা। নোওয়া রুপে গড় হাসেলাং রে লাকচার আর সাঁওহেদ্ চেতানরে ক্লাব বৗড়তি নজরে এমাঃ কানায় মেন্তেহঁ বাডায় আকানা।
“আবোওয়া কাথা’রে অ্যাড ঞেল কাতে সিধু-কানু মিশনরে আয়াঃ কৗমি কুড়ৗয় খন ২০০০ টাকা গড়য় এম চাল কেদা পুরুব মিদিনপুর জিলৗ কাঁথি মডেল হাই স্কুল রেন মিৎ মাচেৎ মানতান গোবিন্দ মুরমু।মানতান মুরমুহঁ মিশন পাহ্টা খন সারহাওক চাল আকাদেয়া মেন্তে বাডায় আকানা।
.webp)
.webp)
.webp)
