"হায়রে আযোদিয়ৗ”

অঁনড়হিয়ৗ গুলন চন্দ্র মুরুমু

"হায়রে আযোদিয়ৗ”

অঁনড়হিয়ৗ- গুলন চন্দ্র মুর্মু

আযোদিয়ৗ চট্ রেমা সাঁগে সান্তাড় হড়গে,

এনহঁ ছৗতিক্ গুলৗম রেগে সানাম কক তঁগেঃ ।।

গল্ বুনুম গুলৗচ বাহা গল্ তেগে ঞুরুঃ,

সুতৗন টৗন্ডি "ল-বির বৗইশি"চেদাঃ চং বাক সুরুঃ ।।

পে সেরমায়্ আকাল লেৎরে কুড়ি কক বঙ্গা লেন্,

তবে গৗনিচ্ “কুড়ি ক জাহের্"ঞুতুম্ তাঁহে এন্ ।।

রেঁগেচ্ জ্বালা অৗডি জ্বালা,মিৎ বিৎতা লাচ্ জ্বালা,

কুল,তৗরুপ,হৗতি সাঁও ক গিরৗ বৗসি লেন্।।

বির বুরু সেঁদরা কাতেৎ,তেরেল, তারপ্,তিয়োঃ কাতেঃ,

সাং,বাঁওলা তিকি কাতেৎ দিন্ ক খেমাও লেৎ।।

বুরু রেমায় রাকাব্ লেন্ কোম্পানি লুথার,

নংগর্ খানা লেটো জমরে একেন রেঁগেচ্ নাচার্ ।।

বির বুরু অৗখরিং এনা কূপ বেনাও বেনাও তে,

দারে নৗড়ি উজৗড় এনা দিনৗম দিনৗম তে।।

তাঁহে মাক তাঁহে লেন্ গে সেলেপ্,শুকরি,হৗতি,বানা,

কুল,তৗরুপ,সাল,সারাম্ সানাম্ গেক ঞির জং আনা।।

বুরু রেন চেঁড়ে চিপরুৎ রাঃগাক কাঁহিস্ তে,

দায়াগেক মহডায়েনা বিলৗৎ দিশম তে।।

জাপান সরকার কোম্পানি হাইড্রোল কৗমি খুলৗও কেৎ,

হাজার হাজার মৗনমি ক টাকা পয়সা কেৎ।।

টাকা পয়সা চাবায়েনা,চাষ জমি আধিয়েনা,

বঙ্গা বুরু থান্ বাথান্ জত মালট এনা।।

গিদৗর হঁক হারায়েনা,অলঃ হঁক বৗগি য়ানা,

দিশম কৗমি সেয়ান্ কৗমি যত ক জুটাও আনা।।

বতর জ্বালা হারে ফারে "করোনা"মা মেলে মেলে,

ধৗরতি জাকাৎ সানাম মৗনমি অৗডিগে হালে ডালে।।