 |
| ৺ কৌশল্যা হেম্বরম |
আবোওয়াঃ ওয়েব পেজ : বিলমতে ঞাম আকান খবররে বাডায় আকানা যে ঞুতুমান অনলিয়ৗ বাদল হেম্ব্রম রেন অড়াঃ গমকে কৌশল্যা হেম্ব্রমদ আদ বানু গেয়া ।
বাডায় আকানা পারমেন ২০মে, সেতাঃ ৫ টাড়াং অক্তে কলকাতা রেনাঃ রুবি হাসপাতালরে উনিয়াঃ জিউয়ি বৗতি যায় যুগ লেকা ইড়িচ্ এন তায়া। উমের দ হোয় লেন তায়া ৪৭সেরমা লেকা। বাডায় আকানা উনিদ ২০১৭ সাল খনগে কলকাতা রেনাঃ অ্যাপোলো হাসপাতালরে তিকিচ্ছা হুয় হিজুঃকান তায় তাঁহেনা।
কৌশল্যা হেম্ব্রমদ কলকাতা এন্টালী অ্যাকাডেমী রেন মাচেতানি তাঁহে কানায়। বা্ডায় আকানা কৌশল্যা হেম্ব্রমদ ঞুতুমান অনলিয়ৗ সে অনড়হিঁয়ৗ বায় তাঁহেকান রেহঁ অনলিয়ৗ সে অনড়হিঁয়ৗ সাঁওতে মিৎ ঞুতুমান পাঠকিয়ৗ লেকাতে উপরুম তাঁহে কান তায়া। অনালেকাতে উনিয়াঃ সাঁন্তাড়ি সাঁওহেদ্ চেতান অৗডি গৗহির দুলৗড় তাঁহেলন তায়া। বাডায় আকানা উনিদ আয়মা অনলিয়ৗ আর অনড়হিঁয়ৗঃ কওয়াঃ পুঁথি পতব ক অৗডি গৗহির আর তজ্বিজ্ কাতেৎ এ পাড়হাও এদ্ তাঁহে কানায়। আরহঁ বাডায় আকানা উনিদ আয়মা সাঁন্তাড়ি গাঁওতা সালাঃ জপড়াও এ তাঁহেকানা। উনিদ গাঁওতারেন সে আর হড়ক সালাঃ অৗডি লগনে মেশা দাড়েয়াঃ কান তাঁহে কানা। উনিয়াঃ হেড়েম রড় যাঁহায় মিৎ ধাও এ আজঁম আকাদা সে উনি সালাঃক গাতেয়াকানা উনকুদ হাপেন দিনহঁ উনিয়াঃ আড়াং আর বেওহার বাক হিড়িঞ দাড়েয়াঃ মেনতে আয়মা হড়গেক সদর আকাদা। বাডায়ঃ কানা উনিয়াঃ মিৎটাং সরেশ গুণ তাঁহেকান তায়া যে আখড়ারে আয়াঃ সেরেঞ যেলেকা হড়ক আঁজমেৎ তাঁহেন তায়া অনকাগে উনিহঁ হড়াঃ সেরেঞ হঁয় আঁজমেৎ তাঁহে কানা।
কৌশল্যা হেম্ব্রমদ বৗগি হটওয়াৎ কোওয়ায় অনলিয়ৗ বাদল হেম্ব্রম, মিৎ কড়া আর মিৎ কুড়ি। উনিয় দাঃ দড়মেন খৗতির অড়াঃ হড় সাঁওতে অনলিয়ৗ, অনড়হিঁয়ৗ, সাঁওহেদিয়ৗ আরহঁ আয়মা দরদিয়ৗগে গৗহির দুক্ ক সদর আকাদা মেনতে বাডায় আকানা।
.webp)
.webp)
.webp)
