গিদৗর কোওয়াঃ সাইকোলজিরে গ-বাবাহাঃ এনেম

   

 গিদৗর কোওয়াঃ সাইকোলজিরে গ-বাবাহাঃ এনেম

                             প্রফেসর নিতাই টুডু

বেড়ামায় রাকাব্‌ এনা অনা সাঁওতেন মঞ্চ পুরিহঁ মার্শাল এনা। ঠিক অনকাগে বসমতারে যাঁহাতিনৗ  গিদৗরক জানামঃআ উনকুদ অৗডি মঁজ আর নাপায় তেগে মনেদ সাদা কাগজ লেকা সাদাগে তাঁহেন তাকোওয়া। অনা নিফুট, নিঢৗড়,বঁগা বারাবারি মনেদ দিনৗম দিনৗমতে আয়মা লেকান গেয়ানক (knowedge) আরজাও ইদিয়া। সানাম গিদৗরকগে এঁগাতাঃ হড়মরে তাঁহেন অক্ত রেগে মনেদ development আঃ। ইনৗতায়ম বসমতারে হেচ্‌ কাতেৎ পৌ্ল Friend, Philosopher & Guider দকিন হোয়োঃ কানা আয়ো-বাবা। অনাতে গিদ্‌রৗহাঃ মনেরে চেৎ এ খজঃ কানা অনাদ উনিয়াঃ মনেরে সাইকোলজি চেৎ আবস্থারে মেনাঃআ অনাদ বুঝৗও হোয়োঃআ।  যেলেকা মিৎটাং বালে গিদৗর চেৎ এ ককয় কানা অনাদ একাল গে এঁগাৎ বেগর অকয়হঁ বাংক বুঝৗও দাড়েয়াঃআ। অনকাগে উনি গিদৗর যখন বৗই বৗইতে হারা বুরুঃ আয় উনদ মনে (mind ) রেনাঃ যাঁহা তেতাং অনাদ বুঝৗও হোয়ো আ। হড়ম রেনাঃ যেলেকা রেঁগেচ্‌ হাসু মেনাঃ আকাদা  অন কাগে গিদ্‌রৗহাঃহঁ সাইকোলজিরে রেঁগেচ্‌ তেতাং দ মেনাঃআ। অনাক বুঝৗও লৗগিৎতে আয়ো-বাবাক আকোওয়া মনেহঁ সাফাসাফি,পুস্টৗও,গৗহির দিসৗহঁ তাঁহেন লৗগ্‌তি কানা। তবেয়ানা উনি গিদৗর হাপেন দিন রে হড় লেকায় হড়ঃআ। মিৎটাং গিদৗর আগামরে চেৎতে specilisation সানায়ে কানা অনাদ আয়াঃ বেওহার, চাল-চলন তালা তেগেবন বুঝৗও দাড়েয়াঃআ। যেলেকা মিৎটাং গিদৗর এখেন পাড়হাও ইদি লেখান দ বাং অনা সাঁওতে Co-Curicular Activities যাঁহাদ এনেচ্‌,সেরেঞ,খেলোড, তি-রেয়াঃ যস এমান এমান skill development লৗগ্‌তি কানা। তবেয়ানা উনি গিদৗর হাপেন জিয়ন আচ্‌ আচ্‌ তেগে লাহা ইদি দাড়েয়াঃআয়। আর বাগান রিনিচ্‌ মৗলি লেকা যতন জগাওগে আয়ো-বাবাহাঃ কৗমিদ। অনা সাঁওতে অড়াঃরে সি-পুরুষ একালতে খৗপারি, বৗড়িচ্‌ কাথা মেন আর বৗড়িচ্‌ ডাহারতে তাড়াম নোওয়াক এঁডাঃ হোয়োঃআ। অনাখান গে বাগানরে দারে আকান গুলাচ্‌ বাহা লেকাগে মিৎটাং গিদারৗহাঃ মনের কাথা বুঝৗও কাতেৎ যতন জগাও লেখান আবোওয়া ঘাঁরঞ্জরে,সাঁওতারে,দিশমরে মিৎটাং অৗডি মারাং মৗনমি বন তেয়ার দাড়েয়াকোয়া।