মারেয়াঃ গে সরেশাঃ আর যথাতা

           মারেয়াঃ গে সরেশাঃ আর যথাতা
               ডাঃ সুরেন্দ্র নাথ মান্ডি
          ডি.এম.ও( আয়ুষ), পূর্ব মেদিনীপুর

করোনা ঞুতুমান ভাইরাস বতরতে ধৗরতি পুরিরেন মৗনমি তেহেঞ লুকুৎ লুকুৎ। জাওগে চৗরিৎ কো পালাট্‌ এৎ তাকোয়া বতরান রাক্ষস লেকান নোকো করোনা ভাইরাস।। অকা ডাহারতে অকা পান্‌থাতে করোনা খৗতির হোয়োঃ আজার রেনাঃ টেকাও দারাম (Vaccination), তিকিচ্ছা (Treatment) সম্ভব, অনাগে বাং ঠাড় গটা আকানা। নোওয়া রেয়াঃ উপৗয় পাঁজা অডক তে ভাঁওতি মেরম লেকা ঘুর ঘুরৗঃ কানা নেবেতারাঃ আধুনিক তিকিচ্ছা শাসতর। নোওয়া আওহালরে ঝতম মারে তিকিচ্ছা শাসতর আয়ুর্বেদ মত্‌ তে বেওহারঃ হিনৗনিয়ৗ দারে-নৗড়ি-সাকাম-রেহেৎ-জ এমান সামগিরি দিনৗম হিলঃ বেওহার দারায় তেগে আপনারাঃ হড়ম দ করোনা ভাইরাস কোওয়াঃ তাঁড়্গম (Attack) খন রিহৗই ঞাম দাড়েয়াঃআ মেনতে গৗহিরাকিলান কো নিতঃ অৗডি কাজাক তেকো মেমেন কানা।

নোওয়া লাসাড়হেঁৎতে করোনা খৗতির হোয়োঃ আজার টেকাও দারাম রে “আয়ুষ প্রোটোকল” লেকাতে আয়ুর্বেদিক রান মুরগৗন বেওহার রেনাঃ কাথা হঁয় হেঁ সৗরিয়াকাদা দিসম রেনাঃ সাঁওয়ার আর আইন মন্ত্রক। করোনা খৗতির আজার টেকাও সে তিকিচ্ছা রে নিৎ হৗবিচ্‌ যেহেতু vaccine সে নিরিখ Treatment বানুঃ আকাদা, অনা খৗতির হড়ম রে আজার টেকাও দারাম দাড়ে বাড়হাওগে মারাং উপৗয়দ।

নোওয়া আওহালরে সারাদিন ভর্‌ রেয়াড়-লল দাঃ ঞু আর কম সে কম পে গেল টিড়িচ্‌ গান অক্তে যোগাসন, প্রাণায়াম, ব্যায়াম (জোরতে তাড়াম, দাঁড়া, দাঃরে পায়রাঃ সাইকেল চালাও, হামাল কৗমি জং এমান হঁ ব্যায়াম কান গেয়া); সাঁওতে দিনৗম দিন রেয়াঃ লাচ্‌ পেরেচ্‌ জমাঃ ঞুওয়াঃরে সেলেদ্‌ তাঁহেনমা সাসাং, জিরৗ, আদা, রৗসুন, পিঁয়ৗজ, ধুনয়ৗ, দৗরুচিনি, হিং, এলাচ্‌, গোলমরিচ্‌ এমান লেকান মশলা। নোওয়াতেগে আপনারাঃ হড়ম করোনা ভাইরাস কোওয়াঃ তাঁড়্গমে টেকাও দারামা, মেনমা হড়ম রে আজার টেকাও দারাম দাড়ে তেয়ারঃআ। দিনৗম দিন রেনাঃ জমাঃ ঞুওয়াঃরে তাঁহেনমা জৗসতি কায়তে হৗড়িয়ৗড় আড়াঃ সাকাম কারলা, মুনগৗ, নিম, জাম, থানকুনি, তুরসি, গাঁদাল এমান এমান জ-সাকাম,যাঁহা কদ জম-ঞু গানঃ, সাঁওতে সানাম লেকানা দৗল জ-বিলি, আর জুড়িবুটি পাচন (চ্যবন প্রাস-সেতাঃরে দিনৗম হিলঃ) ক।

করোনা খৗতির হোয়োঃ আজার টেকাও দারাম লৗগিৎতে কম সে কম বার বেড়া তুরসি, দৗরুচিনি, গোলমরিচ্‌ আর রহড় আদা গুঁডৗ রেয়া সরবত ঞুয় লেক্‌ কানা। দিনৗম হিলঃ তিলমিঞ, উতিঞ আর বাংখান নারকোল সুনুম মু হররে এমাঃ নাপায়া। খুঃ-মাঁদা লেকান আজার তাঁহে লেন খান (বাং তাঁহেলেন রেহঁ) পুদিনৗ সাকাম আর জোয়ান মেশাঃ কাতেৎ হেডেচ্‌ লল দাঃ রেয়াঃ ধুঁওয়ৗ মু হররে সুঁগরৗও খৗড় জং আন হোয়োঃআ। হটঃ নৗড্‌রিরে হাসো আইকৗউ লেনখান লবঙ্গ গুঁডৗ সাঁওতে দুমুর রাসা মেসা কাতে জম হোয়োঃআ আর নাসেনাঃ লল দাঃরে বুলুং মেসা কাতেৎ ঘড় ঘড়ি (gurgle)য় হোয়োঃআ। 

করোনা ভাইরাস হড়মরে বাং বাসা অচোওয়াকো লৗগিৎতে ভিটামিন “সি” মেনাঃ জমাঃ ঞুওয়াঃ বিশেষ কায়তে লিবু রাসা সাঁওতে দুমুর রাসা নাসেনাঃ লল দাঃরে মেসা কাতে দিনৗম হিলঃ সেতাঃরে ঞুয় হোয়োঃআ। আর বার/পে বেড়া লল দাঃ রেনাঃ  ভাপ সাঁহেৎ খাড় জং হঁ আডিতেৎগে লৗগতিয়ানাঃকানা।

নোওয়াকো জমাঃ ঞুওয়াঃ জম-ঞু,লেগ্‌ভেগ্‌ আচার সাঁও সাঁওতে ভিড় করে বাং সোরোঃ সে বাং জপটেৎ,সাফাসাফি তাঁহেন আর মু-মচা এসেৎ “মাস্ক” বেওহার লেখান করোনা আর এমান খৗতির হোয়োঃ আজার কগে বতরতে কুকুচ্‌ বাডায়া।