 |
| আমফান গুরলৗও ভান্ডতে রৗপূৎ আকান অড়াঃ রেনাঃ চিতৗর। |
আবোওয়াঃ ওয়েব পেজ : ২০মে হলানাঃ আমফান গুরলৗও হয় ভান্ড আর
ঝমর দাঃ জৗড়িতে বানার পরগনা, কলকাতা, হাওড়া, হুগলী, পুরুব মিদিনপুর জিলৗকরে আয়মা খয় খতি
রেনাঃ খবর বাডায় ঞাম আকানা।
হলা তারাসিঞ ২
বাজা খনগে গুরলৗও হয় ভান্ড আর ঝমর দাঃ জৗড়ি ঞুর এহব লেনা, সিগাঁড় ৬ বাজা ধৗবিচ্
মিৎ লেতাড় গে তাঁহে কানা। বাডায় আকানা নংকান হয়দ ১৭৩৭ সালরে নওয়া বাংলা রেন হড় ক ঞেল
লেদা।
নোওয়া আমফান গুরলৗও
হয় ভান্ড লৗইতেদ মাড়াং খনগে সন্তর তাঁহেন রেনাঃ কাথা প্রশাসনিয়ৗ পাহ্টা খন বাডায় হচঃ
হোয় লেনা। বাডায় আকানা ৫লাখ গান হড় লাহা খনগে সরাও কাতে নিরৗলা ঠাঁওরে দহ হোয় লেনা।
বাংখান অৗডি গান হড়াঃ খুতি হোয় দাড়েয়াঃকেয়া মেনতে মুখিয়ৗ মন্ত্রী লৗই সদর আকাদায়।
বাডায় আকানা বানার
পরগানা একালতে তছ্নছ্ চাবাও আকানা সাঁওতে কলকাতা, হাওড়া, হুগলী আর পুরুব মিদিন পুর
জিলৗক পুরা ভান্ডতে লন্ড ভন্ড চাবাও আকানা। আয়মা দারে হর বির করে হয়তে রৗপুদ আকানা, ভিঁদৗড়
আকানা, আয়মা জায়গারে বিজলি খুঁন্টি ঞুর আকানা, বিজলি তার তপাগ্ আকানা। আয়মা মারে অড়াঃক
রৗপুদ আকানা, আয়মা ঝুপড়ি অড়াঃক অটাং আকানা আর আয়মা জায়গারে দাঃতে চেহেল চেপেল পেরেচ্
আকানা মেনতে বাডায় আকানা। সেতাঃ ধৗবিচ্তে ১০-১২ গটাং হড়াঃ গচ্ খবর বাডায় ঞাম আকানা
নিৎহঁ বিজলি বৗতি রেনাঃ তার অৗওরিক জুৎ সাতা।
বাডায় আকানা সানামা পৗহিল লেকা ঠিক ঠাকতে বার মাহা খন পে মাহা ধৗবিচ্ অক্ত লাগাও দাড়েয়াঃআ।
.webp)
.webp)
.webp)
