আবোওয়াঃ ওয়েব পেজ : গোটা ধারতি জাকাত্ করোনা ভাইরাস ( কোবিদ -১৯) রেনাঃ আডি বতরান আজারতে দিশম হড় নিৎ লোকোৎ লোকোৎ । দিশম দিশম চালাঃকানা লক ডাউন। ভারত দিশমরেহঁ নিৎ দশার তেখার লক ডাউন চালাঃকানা। নুনাদিন লক ডাউনরে তাঁহে তাঁহেতে দিশমরেন রেঁগেচ্ নাচার হড়দ রেঁগেচ্ জালাতে দিশা অটাং অঃ কান তাকোওয়া। মেৎরে ভাগি জাপিৎ বানু আকাৎ তাকোওয়া । গাপা দিন চেৎক জমাঃ সে রেঁগেচ্ তেগেক তাঁহেনা, বাডায় বানু আন তাকোওয়া। বাহ্রেরে কামি বানুঃ আন,অড়াঃরেহঁ জমাঃবানু আন। নতে জা উডাং জমাঃ সাঞ্চাও তাঁহে কানা অনাহঁ হাট-বাজাররে জিনিস পাতি রেনাঃ যা দাম অনাতে আরহঁক নাচার আকানা। নিৎ নংকা কাতেৎগে দিনের পর দিন খেমাও হোয়ো কান তাকোওয়া মেন্তে সানাম সেন খনগে বাডায় ঞামঃ কানা।
নংকান মুহিম অক্তরে রেঁগেচ্ নাচার হড়াঃ দশা ঞেলতে আয়মা রাজআরি দল কগে দুঃ দারাম কামিরেক আঁড়্গ গৎ আকানা। আয়মা জায়গারেগে রাজআরি দল কদ রেঁগেচ্ নাচার হড় লাগিৎ চাওলে, ডাল ,আলু, সুনুম ,সাবান , হ্যান্ডওয়াশ,মাস্ক এমান এমান জিনিস পাতিক এম চাল আক কানা। অকা অকা জায়গারেদ ইসিন-বাসাং কাতেৎ হঁ জমাঃক এমাকো কানা মেন্তে ঞেলঃ গঃ কানা। তবে নোওয়াক এম চাল খাতির রাজআরি দলক মুদ্রে কাইঝা-খাপারিহঁ বাং কোমা অনাহঁ অকা অকা জায়গারেনাঃ চিতারদ খবর কাগজ করে ঝাল্কাও রাকাপ গদঃ কান গেয়া। মিৎ বার গাখুড়ান হড়া মেনদ অনকান কাইঝা-খাপারিদ রাজআরি দলক মুদ্রেদ ঞলঃ গেয়া।
নতে রাজআরি দলকওয়াঃ নংকান কামি হরা ঞেলতে আর রেঁগেচ্ নাচার হড়াঃ মুহিম দশা ঞেলতে দেশ- দিশমরেন আয়মা ক্লাব সে গাঁওতা কঁহ আকোওয়া দাড়ে লেকাতে রেঁগেচ্ নাচার হড় লাগিৎ দিনাম লেকাগে হাঁনা আতো নোওয়া আতো দুয়ার দুয়ার দাঁড়া কাতেৎ জমাঃক সেটের আকো কানা মেনতে ঞেলঃ কানা। আতো দিশমরেন রেঁগেচ্-নাচার হড়হঁ নোকো ক্লাব সে গাঁওতা কোওয়া এম চালদ আডি রৌস্কা সালাঃ ক আতাং দারামেদা মেনতে ক্লাব সে গাঁওতা রেন সুৎরেৎক রড় আকাদা। নংকাহঁ বাডায়ঃ কানা ক্লাব সে গাঁওতা রেন কামিয়াকো অড়াঃ তেক সেটের লেন খান গে, চট চাঁদো্য আঁড়্গয়েন লেকাগেকো বুঝাও এদা।
নতে রাজআরি দলকওয়াঃ নংকান কামি হরা ঞেলতে রেঁগেচ্ নাচার হড়দ উনাঃ কুশি রৌস্কা বাকো আটকার এদা মেনতেহঁ আয়মা জায়গারেন হড়গেক লাই সদরেদা। চেদাঃ বাংমা আয়মা রাজআরি রেন দল কগে গড়ঃ এমঃ অক্তে মেৎতে মিৎ রকম ঈশারা আর বাংখান আলেহঁ তায়ম দারাম ঞেল লেপে নংকান কাথা হঁক মেন তরা হটঃ কাঃ কানা মেন্তে আয়মা জায়গা খনগে নংকানা কাথা রাকাপ হিজুঃকানা। মেন খান নিত্ কুক্লি রাকাপ্ গে দাড়েয়াঃআ যে রেঁগেচ্ নাচার হড়দকি নংকান কাথা বাকো বুঝাও তিয়ঃ দাড়েয়াকানা? আয়মা গাখুড়ান হড়াঃ মেনদ নোওয়া লক ডাউন খাতিরগে তেহেঞ রেঁগেচ্ নাচার হড় নংকান অসহায়রে। যাঁহায়গে যাঁহা লেকাকো এমাকো কান আর যাঁহায়গে যাঁহা লেকাকো মেতাকো কান সানাম হড়াঃগে নিৎদ বার তিতেক আতাং কাঃ কানা। মেনখান আয়মা হড় গেক বাতাও আকাদা যে নোওয়া লক ডাউন খাতিরগে রেঁগেচ্ নাচার হড়াঃ রড় দারাম দাড়েদ আদঃ কান তাকোওয়া মেনতে।
.webp)
.webp)
