লক ডাউনরে রেগেঁচ্‌ নাচার হড় সামাংরে সনত্‌ তারাস ক্লাব

আবোয়িজ্‌ খবরিয়াঃ গোটা দিশম নিত্‌ লক ডাউন কবলরে। করোনা ভাইরাস  খাতির সানাম হড়গে অড়াঃরে। অনাতে রেঁগেচ্‌ নাচার আর  দিন আগু দিন জম হড়দ আডি হালত রেক পাড়াও গৎ আকানা। দিনাম কামি লেখান দিনাম জমাঃ ঞামঃ আ নংকাগে হেওয়া তাঁহে লেন তাকোওয়া। অনা হেওয়া নিত্‌ তপাঃ আকানা । নিত বাহ্‌রে চালাঃ হঁ বন্দ কামিহঁ বন্দ। অনাতে আতো অড়াঃরে দুরিব হড় ঠেনদ কামি অভাবতে জমাঃ ঞুয়াঃ রেঁহ আনাটদ পাড়াও গৎ আকানা। নংকান মুহিম অক্তরে এলাকারেন রেঁগেচ্‌ নাচার হড় সামাংরে সনত্‌ তারাস ক্লাব চাওলে,ডাল,আলু,সাবন এমান লাইতে দুয়ার দুয়ার এ সেটের এনা। পুরুলিয়া জিলা আড়শা থানারে মেনাঃ নওয়া ক্লাব নওয়া মাড়াংহঁ  রেঁগেচ্‌ হড় কম্বল দান ,লুগড়িচ্‌ দান এমান সুসার কামিরে ঞেল আকানায়। বাডায় আকানা নওয়া কদিন তে ৭০ গটাং পরিবার চাওলে,ডাল,আলু,সাবন এমান এ চাল আকাৎ কওয়ায়। ক্লাব সুৎরেত্‌ মানতান বুদ্ধেশ্বর বাস্কে লাই সদর কেদা্য বাংমা যাঁহা তি্ন দিন লক ডাউন তাঁহেনা উনদিন ধাবিচ্‌ গে নংকা কামি হরায় চালাও ইদিয়া। যাতে নওয়া লক ডাউনরে রেগেঁচ্‌ নাচার হড় রেঁগেচ্‌ তেতাংতে অসুবিধারে আলক পাড়াঃমা। ক্লাব রেন সহেদ্‌ কঁহ আডি জুগুত্‌ তালাতেক কামি কানা মেনতে বাডায় আকানা সাঁওতে নংকান অক্ত চেৎলেকা তাঁহে হোয়ো আ অনকান দিশ হুদিস হঁক চাল হট আক কানা।