অনলিয়া রূপচাঁদ হাঁসদাআঃ ডায়ালিসিস

আবোওয়াঃ ওয়েব পেজ : গটা দিশমগে নিত লক ডাউন চালাঃ কানা। সানাম হড়গে অড়াঃরে। নংকান অক্তে রুওয়া হাসো লেনখান চেৎ হারখেৎ হোয় দাড়েয়াঃআ অনকান কাথাগে আলেঠেন সদর কেদায় ‘তেৎরে’ পাথাম সাসাপাওয়িচ্‌ মানতান মহাদেব হাঁসদা। আচ্‌ বয়হা ঞুতুমান সাঁওহেদিয়া, সাহিত্য একাডেমি হামেটিয়া মানতান রূপচাঁদ হাঁসদা গমকে আডি দিন খনগে কিডনি রেনাঃ আজার আনাট রেগে মেনায়া। নেবেতারদ হাপ্তারে বারধাও কাতেৎ ডায়ালিসিস হাতাও হোয়ো কান তায়া। মেনখান নিত লক ডাউন তালারে ডায়ালিসিস রেনাঃ আয়মা আনাট হোয়ো কান তায়া। মাড়াংদ উলুবেড়িয়ারে ডায়ালিসিস হোয়োঃ কান তাঁহে কান তায়া। মেনখান অডেহঁ করোনা হাসপাতাল কেৎ খানক ডায়ালিসিস হাতাও রেনাঃ আনাট আরহঁ বাড়তি য়েন তায়া। চেৎরে চিকা হোয়ো আ? নতে কোলকাতা ,টাটা ,জামসেদপুর দুরগাপুর অকারেহঁ ডায়ালিসিস রেনাঁ জায়গা বানুঃ আকাদা। গটায়গে করোনা রেনাঃ কোয়ারেনটাইনক বেনাও আকাদা। মহাদেব বাবু আডি হুলাস আড়াংতেয় লাই আকাদা উনরে M.L.A. আর M.P. ক ফোন বাড়া কাতেৎহঁ তেমন চেৎ বেবস্থাহঁ বাং হোয় লেনা। মুচাৎরে পছিম্‌ মেদিনীপুর রেন জেলা শাসনিয়া-আঃ কাথাতে অঁডেনাঃগে স্পন্দন ঞূমান মিৎ নারসিং হোমরে হলা মাঁজান বেড়া ২বাজা অক্তে রূপচাঁদ বাবুওয়াঃ ডায়ালিসিস রেনাঃ কামি এতহব এন তায়া আর ঞূহুম ৭ বাজা অক্তে ছুটিয় ঞাম কেদা। আর নাপায় তেগে অডাঃহঁয় রুয়াড় হেচ্‌ আকানা। নিৎ হাতাড় ধাবিচ্‌দ নওয়া নারসিং হোমরেগে ডায়ালিসিস হুয় ইদি হতাড়ঃ তায়া। অনা লেকাতে মহাদেব বাবুদ নিত নংকান মুহিম অক্তরে সানামক নাইতে নাপায়তে আর আডি সন্‌তররে তাঁহেন রেনাঃ কাথাহঁয় লাই সদর আকাদা।