.webp)
“আবোওয়াঃ
কাথা” গে উছৗনঃডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা
গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল
ভেজায় তাবোন পে। অল ভেজায় রেনাঃ বুটৗ-
Whatsapp-
8942955829 : E-mail Id:-
abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ.ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱯᱩᱨᱱᱚ
ᱪᱚᱱᱫᱨᱚ ᱠᱤᱥᱠᱩ ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱨᱟᱢᱯᱚᱫᱚ ᱠᱤᱥᱠᱩ,
বাড়তাং সরেন, সমরলাল টুডু, সনৎ কুমার হাঁসদাঃ , সীতেন মান্ডি, সনাতন টুডু, দুগাই টুডু ।
১।।
ᱞᱩᱥᱩ ᱵᱩᱲᱦᱤ
ᱥᱩᱵᱩᱫᱤᱭᱟᱹ ᱢᱩᱨᱢᱩ
ᱞᱩᱥᱩ ᱵᱩᱲᱦᱤᱭ ᱵᱩᱲᱦᱤ ᱟᱠᱟᱱᱟ
ᱵᱟᱝ ᱯᱩᱨᱟᱹᱜᱼᱟ ᱧᱮᱧᱮᱞ ᱥᱟᱱᱟ ।
ᱛᱩᱞᱟᱹᱢ ᱞᱟᱹᱵᱤᱫᱽ ᱞᱩᱥᱩ ᱵᱩᱲᱦᱤ
ᱵᱚᱦᱚᱜ ᱛᱟᱭ ᱯᱩᱸᱰ ᱫᱤᱲᱢᱤ ।
ᱛᱟᱲᱟᱢ ᱛᱟᱭ ᱞᱟᱵᱟ ᱞᱩᱵᱩ
ᱩᱠᱩ ᱥᱩᱨᱩ ᱞᱩᱜᱩ ᱯᱩᱜᱩ ।
ᱜᱤᱫᱽᱨᱟᱹ ᱠᱚᱫᱚᱭ ᱪᱮᱯᱮᱡ ᱠᱚᱣᱟ
ᱥᱟᱰᱮ ᱞᱮᱠᱟ ᱡᱚᱲ ᱥᱟᱸᱠᱚᱣᱟ ।
ᱦᱮᱰᱮᱡ ᱫᱟᱠᱟᱭ ᱜᱮᱡᱮᱨ ᱜᱚᱫᱟ
ᱛᱚᱜᱚᱡ ᱤᱥᱤᱲ ᱜᱮᱛᱟᱭ ᱞᱟᱸᱫᱟ ।
ᱟᱡ ᱡᱩᱨᱤ ᱠᱚᱲᱟ ᱠᱩᱲᱤ
ᱩᱰᱟᱹᱣ ᱞᱮᱠᱟ ᱠᱟᱨᱟ ᱠᱩᱨᱤ ।
ᱛᱟᱦᱮᱸ ᱞᱮᱱᱠᱚ ᱥᱮᱫᱟᱭ ᱠᱟᱛᱷᱟᱪ
ᱞᱟᱹᱭᱼᱭᱟᱭ ᱱᱮᱛᱟᱨ ᱞᱟᱪᱷᱟᱪ ᱞᱟᱪᱷᱟᱪ ।
========== ᱞ ᱧ ===========
২।। ᱴᱟᱲᱟᱝ
ᱜᱳᱯᱮᱥᱣᱚᱨ ᱢᱟᱹᱱᱰᱤ
ᱛᱩᱨᱩᱭ ᱜᱮᱞ ᱴᱤᱯᱤᱡ ᱢᱤᱫᱽ ᱢᱮ
ᱢᱤᱫ "ᱴᱤᱲᱤᱡ" ᱦᱩᱭᱩᱜ ᱢᱮᱛᱟᱜ ᱢᱮ ᱾
ᱛᱩᱨᱩᱭ ᱜᱮᱞ ᱴᱤᱲᱤᱡ ᱢᱤᱫᱽ ᱢᱮ
ᱢᱤᱫ "ᱴᱟᱲᱟᱝ" ᱦᱩᱭᱩᱜ ᱫᱤᱥᱟᱹᱭ ᱢᱮ ᱾
ᱵᱟᱜᱮ ᱯᱩ ᱴᱟᱲᱟᱝ ᱢᱤᱫᱽ ᱢᱮ
ᱢᱤᱫ "ᱢᱟᱦᱟ" ᱟᱲᱟᱝ ᱩᱭᱦᱟᱹᱨ ᱢᱮ ᱾
ᱟᱹᱪᱩᱨ ᱵᱤᱦᱩᱨ ᱦᱤᱡᱩᱜ ᱥᱮᱱᱚᱜ ᱜᱮ
ᱵᱟᱨ ᱵᱟᱨ ᱧᱩᱢ ᱦᱟᱞᱟᱧ ᱜᱮ ᱾
========== ᱞ ᱧ ===========
৩।।ᱥᱟᱰᱮ
ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ
ᱨᱚᱦᱚᱲ ᱡᱚᱡᱚ
ᱨᱚᱠᱚᱲ ᱨᱚᱠᱚᱲ
ᱫᱟᱨᱮ ᱜᱟᱞᱤᱢ
ᱵᱚᱠᱚᱲ ᱵᱚᱠᱚᱲ᱾
ᱛᱤᱨᱭᱳ ᱥᱟᱰᱮ
ᱧᱚᱸᱦᱚᱲ ᱧᱚᱸᱦᱚᱲ
ᱫᱟᱜ ᱟᱛᱳ
ᱵᱚ ᱦᱚᱲ ᱵᱚ ᱦᱚᱲ᱾
ᱨᱩᱱᱩᱡᱷᱩᱱᱩ
ᱡᱷᱩᱱᱩᱨ ᱡᱷᱩᱱᱩᱨ
ᱜᱩᱱᱩᱨ ᱜᱩᱱᱩᱨ
ᱦᱩᱱᱩᱨ ᱦᱩᱱᱩᱨ᱾᱾
ᱞᱤᱯᱩᱨ ᱥᱟᱰᱮ
ᱜᱷᱩᱱᱩᱨ ᱜᱷᱩᱱᱩᱨ
ᱦᱚᱰᱜᱚᱨ ᱥᱟᱰᱮ
ᱴᱷᱟ ᱠᱟᱨ ᱴᱷᱩᱠᱩᱨ᱾
ᱵᱷᱟᱫᱚᱨ ᱵᱚᱸᱜᱟᱵᱷᱚᱠᱚᱲ᱾
ᱠᱚᱭᱚᱜ ᱢᱮ
ᱢᱟ ᱠᱟᱨ ᱢᱩ ᱠᱩᱨ
ᱡᱚᱢ ᱢᱮ
ᱢᱩ ᱠᱩᱨ ᱢᱩᱠᱩᱨ᱾
ᱚᱠᱚᱲ ᱥᱚᱠᱚᱲ
ᱟᱸᱜᱷᱟᱲ ᱵᱚᱸᱜᱟ
ᱵᱷᱚᱠᱚᱲ
========== ᱞ ᱧ ===========
ᱯᱚᱛᱚᱵ ᱯᱟᱛᱟ
ᱠᱤᱥᱠᱤᱱᱫᱷᱟ ᱢᱩᱨᱢᱩ
ᱥᱮᱨᱢᱟ ᱨᱮᱱᱟᱜ ᱢᱮᱫ ᱚᱠᱚᱛ
ᱦᱳᱭᱳᱜ ᱯᱚᱛᱚᱵ ᱯᱟᱛᱟ,
ᱯᱟᱴᱷᱩᱣᱭᱟᱹ ᱠᱚᱠᱚ ᱧᱤᱨ ᱦᱤᱡᱳᱜ
ᱯᱚᱛᱚᱵ ᱫᱳᱠᱟᱱ ᱜᱚᱴᱟ ।
ᱱᱟᱳᱭᱟ ᱯᱚᱛᱚᱵ ᱢᱟᱨᱮ ᱯᱚᱛᱚᱵ
ᱧᱟᱢᱚᱜ ᱡᱟᱦᱟᱢ ᱠᱷᱚᱡ ,
ᱜᱤᱫᱽᱨᱟᱹ ᱠᱚᱳᱭᱟᱜ ᱞᱟᱴᱩ ᱠᱚᱳᱭᱟᱜ
ᱡᱚᱛᱚᱜᱮ ᱟᱰᱤ ᱢᱚᱡᱽ ᱾
ᱧᱟᱯᱟᱢ ᱢᱤᱫᱚᱜ ᱟᱠ ,
ᱱᱟᱳᱭᱟ ᱥᱟᱸᱫᱮᱥ ᱥᱮᱯᱮᱧ ᱠᱟᱛᱮ
ᱩᱫᱩᱜ ᱥᱚᱫᱚᱨ ᱛᱟᱠ ᱾
ᱮᱢᱟᱱ ᱛᱮᱭᱟᱜ ᱧᱟᱢᱚᱜ ,
ᱫᱟᱢᱟᱱ ᱠᱟᱛᱷᱟ ᱜᱟᱞᱚᱪ ᱠᱟᱛᱮ
ᱜᱩᱱᱟᱱ ᱠᱚᱠᱚ ᱮᱢᱚᱜ ᱾
ᱯᱚᱛᱚᱵ ᱰᱟᱹᱦᱤ ᱛᱟᱞᱟ
ᱥᱟᱱᱟᱢ ᱠᱚᱛᱮ ᱱᱟᱳᱭᱟ ᱯᱚᱛᱚᱵ
ᱩᱭᱩᱝ ᱯᱟᱥᱠᱟ ᱧᱮᱞᱟ ᱾
==========
ᱞ ᱧ ===========
৫।।ᱵᱟᱦᱟ
ᱨᱟᱢᱯᱚᱫᱚ
ᱠᱤᱥᱠᱩ
ᱛᱤᱱᱟᱹᱜ ᱞᱮᱠᱟᱱ ᱵᱟᱦᱟ
ᱦᱩᱰᱤᱧ ᱢᱟᱨᱟᱝ ᱪᱷᱤᱛᱟᱹᱨ ᱠᱟᱵᱟᱨ
ᱛᱤᱱᱟᱹᱜ ᱞᱮᱠᱟᱱ ᱵᱟᱦᱟ ᱿
ᱟᱰᱤ ᱱᱟᱯᱟᱭ ᱵᱩᱡᱷᱟᱹᱜ
ᱵᱟᱦᱟ ᱧᱮᱞᱛᱮ ᱥᱤᱥᱤᱫᱽ ᱞᱟᱜᱤᱫᱽ
ᱢᱚᱱᱮ ᱜᱮᱛᱚ ᱨᱤᱡᱷᱹᱜ ᱿
ᱦᱤᱡᱩᱜ ᱟᱠᱚ ᱵᱷᱟᱸᱣᱟᱨ
ᱜᱩᱸᱦᱩᱲ ᱜᱩᱸᱦᱩᱲ ᱟᱸᱡᱚᱢ ᱦᱤᱡᱩᱜ
ᱥᱮᱨᱮᱧ ᱛᱟᱠᱚ ᱨᱟᱸᱣᱟᱜ᱿
ᱯᱳᱸᱰ ᱜᱮ ᱛᱮᱦᱮ ᱛᱮᱦᱮ
ᱟᱴᱮᱱ ᱵᱟᱦᱟ ᱛᱤᱞᱟᱹᱭ ᱵᱟᱦᱟ
ᱛᱳᱸᱰ ᱜᱮ ᱯᱳᱨᱳᱭ ᱯᱳᱨᱳᱭ ᱿
ᱟᱨᱟᱜ ᱡᱮᱸᱜᱮᱫᱽ ᱡᱮᱸᱜᱮᱫᱽ
ᱛᱩᱲᱤ ᱵᱟᱦᱟ ᱡᱷᱤᱸᱜᱟᱹ ᱵᱟᱦᱟ
ᱥᱟᱥᱟᱝ ᱜᱮᱢ ᱵᱮᱸᱜᱮᱫ ᱿
ᱪᱤᱱᱦᱟᱹ ᱠᱟᱱᱟ ᱫᱩᱞᱟᱹᱲ ᱨᱮᱱᱟᱜ
ᱜᱤᱫᱽᱲᱟᱹ ᱟᱯᱮ ᱞᱟᱸᱫᱟᱭᱟᱯᱮ
ᱢᱚᱸᱡ ᱯᱮ ᱧᱮᱞᱚᱜ ᱵᱟᱦᱟ ᱠᱷᱚᱱᱟᱜ ᱿
==========
ᱞ ᱧ ===========
৬।।ইঞদ হড় হপন
বাড়তাং সরেন
ইঞ দ হালে হড় হপন সারি কাথাঞ রড়
সারি বেগর এড়ে কাথা একাল বাচঞ রড়।
পিলচু হাড়াম হপন ইঞদ জানাম হিহিড়ি
রিলেমালা জানাম দিশম অনাগে পিপিড়ি।
জম লাগিৎ বাঞ্চাঃ খাতির গোটাগেচঞ সাঁঘার
বেনাও লিদাঞ ধারতী তালা চাই- চাম্পা গাড়।
কিস্কু রাজায় তাঁহেকানা ইঞরেন সরেশ রাজা
দিশম হড়দ নাপায় নিরাই, বাং তাঁহেলেন সাজা।
তাঁহেকানাকো সরেন ফৌদ দিশম রফায় লাগিৎ
সাঁওতা আরি, মাঝহি আরি অণ্ডে গেচ তেয়ার
বঙ্গাবুরু দুখ জালারে দরেয়া খনকো অওয়ার।
দাঁশায় সাকরাত বাহা সহরায় নানা হুনৌর পরব
মাঝহিবাবা পারানিক আর গডেৎ নায়কেবাবা
মানত কোয়াঞ সানামকোগে আতো মড়ে হড়
ওনকো গেতো আচার বিচার নাপায় নাড়েজড়।
সাঁওতারেতিঞ ডবঃ জোহার লাটু কাটিচ হড়
বাড়িচ কাথা মানমী তালা একাল বাচঞ রড়।
আঃআপড়ি দুমদাঃ টামাক ইঞদ হালেঞ গগ্।
মারাংবুরু জাহের এরাঞ দেওয়া সেওয়া আকো
সিমৌসাড়ে মারে হাপড়াম, আর মড়ে তুরুয়কো।
বাপলাবিহা পরবপালি সানাম কতেঞ পালাও
দুক দয়িপ রুয়ৌঃ হাসো যত কতেলে সাহাও।
ভারত দিশম সেদায় মানমী ইঞদ সান্তাল হপন
ইঞাঃ অনা জানাম দিশম দারেনাড়ীঞ যতন।
==========
ᱞ ᱧ ===========
৭।।সুটিয়া
সমরলাল টুডু
দাঃদ রিমিল্ খনাং,
ঞেঁলতে গাজাড়্ দানাং ।
হুডিঞ হুডিঞ সুটিয়া,
আগুয়ে গুটিয়া পাটিয়া ।
আঁড়গনে বহড়্ বহড়্,
কামিরে তাঁহেনে জহড়্ ।
ধারতী পুরিরে জরঃ,
মারাং ধিরিহঁ হজরঃ ।
সাড়ের্ সুটিয়া পেরেজ্,
দাড়পে আলপে চেরেজ্ ।
হঁসর্ ঞুঁরুঃ লাতার্,
ধারতি হাতার্ হাতার্ ।
সতেল্ তেদয়্ বলন্,
বদলে চাইল চলন্ ।
অকারে চেকাম্ তাড়াম্,
হড়ক মেতাম্ হাড়াম্ ।
দুলাড়্ চেরেজ্ আড়াং,
গারজাও লাহাআম্ মাড়াং ।
========== ᱞ
ᱧ ===========
তিরলৗ
সনৎ কুমার হাঁসদাঃ
জনমে এমাদিঞ,
জানাম দাতা!
হড়াঃ অড়ারেঞ খাটাঃ
আজমিঞ হড়াঃ কাথা!
হেঁ-চক আপনারিঞ,
বাঁ-চক আপনারিঞ!
ইং মা আপা-বারেয়াঃ,
পারিশ্ আখরিঞ!
জানাম আয়ু-বাবা আঃ
আরজাও চাবা কাতেৎ।
ইং মাঞ চালাঃ,
বানিজ্ আয়ু-বাবা সেবাতে।
জানাম কলে তাঁহেন তুলুজ,
ইং মা জাঁওয়ায় হিরলৗ!
এন হঁয় সেবা কোওয়া,
ইং মা গুনান্ তিরলৗ!
========== ᱞ
ᱧ ===========
৯।।বাং রাবাং কোওয়া
সীতেন মাণ্ডি
উনকু দ ক রেঁগেচ্ গেয়া
লল উয়ু বানুঃ তাকোয়া।
অড়াঃ হড় ক মেতা কোওয়া
রাবাং তেগে হড় ম কেটেজঃ আ।
গগ বাবা ক ঞেল কোওয়া
রাবাং দেয়া কাতে ক কামি গেয়া।
রেঁগেচ রাবাং আনাট অভাব
কুকলি রেনাঃ বানুঃ জবাব।
কম তেগে তিরপিত মনে
সেঁড়ায়াক ঞেলতে অনে।
বানুঃ তাক রাগি আড়িশ
চট চাঁদোয়াঃ থুম আশিস।
অকয় কোওয়াঃ দমে মেনাঃ
অভাব বাড়তিঃ আর হঁ উনাঃ।
যাঁহায়াঃ লুগড়িচ্ উনিয়াঃ রাবাং
বাং আঃ দ সেঁঙ্গেল জুরুঃ ধিরি দানাং।
লাহাঃ হর রে সাহাও দাড়ে
দুঃ কোওয়ায় মানমি জিয়ন রে।
সুখ তে বাঞ্চাঃ কুকমু ক ঞেলা
উনকু দ বাং রাবাং কোওয়া।
লল উয়ু বানুঃ তাকোয়া।
অড়াঃ হড় ক মেতা কোওয়া
রাবাং তেগে হড় ম কেটেজঃ আ।
গগ বাবা ক ঞেল কোওয়া
রাবাং দেয়া কাতে ক কামি গেয়া।
রেঁগেচ রাবাং আনাট অভাব
কুকলি রেনাঃ বানুঃ জবাব।
কম তেগে তিরপিত মনে
সেঁড়ায়াক ঞেলতে অনে।
বানুঃ তাক রাগি আড়িশ
চট চাঁদোয়াঃ থুম আশিস।
অকয় কোওয়াঃ দমে মেনাঃ
অভাব বাড়তিঃ আর হঁ উনাঃ।
যাঁহায়াঃ লুগড়িচ্ উনিয়াঃ রাবাং
বাং আঃ দ সেঁঙ্গেল জুরুঃ ধিরি দানাং।
লাহাঃ হর রে সাহাও দাড়ে
দুঃ কোওয়ায় মানমি জিয়ন রে।
সুখ তে বাঞ্চাঃ কুকমু ক ঞেলা
উনকু দ বাং রাবাং কোওয়া।
========== ᱞ ᱧ ===========
রাবাং বুডহি
সনাতন টুডু
রাবাং কানা উতি সুতি
অকয় নওয়ায় আগুয়,
হয়তে লুকুয় লুকুয় ।
অকয় দোকো মেমেন কানা
রাবাং বুডহি মেনায়,
নুই বুডহিদোয় দারায় ।
হেচ তরাগেয় ঞেল সামটাও
লুগড়ি লাপো তিনৗ:,
সাসেত মেয়া উনৗ : ।
বৗঞ বতর: রাবাং বুডহি
জাঁহা রেগেম তাঁহেন,
তিঁগু রেগেম তাঁহেন ।
========== ᱞ ᱧ ===========
১১।।গেয়ান পারগানায়েৎ
দুগাই
টুডু
গেল ইরাল সাল এয়ায় গেল পোন
ডিসেম্বর চাঁদো রে,
গেয়া পারগানায়েত হতেচ্ আঁদোড়
খেরওয়াড় লাড়াওনা রে।
সান্তাড় কোদ হহ কাতেদ
জাওরা আনায় সাঁগে,
হড়কো দোঃকো বাবৎ তেদ
গাঁডন লেদায় ভাগে।
চাস লেখান খেত বাড়গে
আপনার তেগে অনা,
খাজনা কোদ বাংকো এমা
উনরে উনিয় মেনা।
অনকা লেকা মহাজন পাঞ্চা
হাতাওএ বারন কেদায়,
নিয়া কাথা সানাম কঠেন
লাই বাড়া লেদায়।
জত কোগে একাল এনতে
মানা লেৎকো গেয়া,
দামান কাথা উনকো গেচো
আডি বাতাও তায়া।
ইংরাজ-পুলিশ উনগে গেথো
উনিকো সাব লেদে,
দিলগার কামি খাতির তেগে
নেতার দিসায় এদে।
========== মুচৗৎ ===========
.webp)
.webp)
.webp)
