“আবোওয়াঃ কাথা” গে উছৗনঃডিজিটাল ডেস্ক
রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা।
তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায়
কো সেলেদ্ আকান- ᱥᱩᱵᱩᱫᱤᱭᱟ.ᱢᱩᱨᱢᱩ, ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱨᱟ ᱢᱯᱚᱫᱚ ᱠᱤᱥᱠᱩ, ᱯᱚᱨᱤᱢᱚᱞ
ᱦᱟᱸᱥᱫᱟ, বাড়তাং সরেন, সনাতন টুডু,
সুচাঁদ হাঁসদা, সিতেন মান্ডি, সমরলাল টুডু, দুগাই টুডু।
ᱵᱟᱞᱮ ᱵᱮᱞᱛᱮᱧ
ᱵᱮᱲᱟ ᱟᱦᱽᱞᱟ
ᱠᱩᱰᱟᱹᱢ ᱨᱮᱜᱮ ᱠᱟᱰᱟᱜ।
ᱜᱷᱟᱸᱥ ᱪᱮᱛᱟᱱ
ᱵᱟᱹᱭᱦᱟᱹᱲ ᱞᱟᱛᱟᱨ
ᱛᱟᱦᱮᱸᱱ ᱜᱮᱭᱟ ᱡᱟᱴᱟᱜ।
ᱡᱮᱰᱮᱨ ᱠᱮᱴᱮᱡ
ᱡᱮᱞᱮᱧ ᱩᱢᱩᱞ
ᱵᱟᱹᱭ ᱵᱟᱹᱭᱛᱮ ᱠᱷᱟᱴᱚᱜ।
ᱨᱟᱠᱟᱵᱽ ᱵᱮᱲᱟᱭ
ᱨᱟᱠᱟᱵᱽ ᱪᱟᱞᱟᱜ
ᱥᱟᱺᱜᱤᱧ ᱨᱮᱜᱮᱭ ᱪᱚᱴᱚᱜ ।
ᱵᱮᱲᱟ ᱮᱞᱟᱝ
ᱛᱤᱠᱤᱱ ᱛᱤᱠᱤᱱ
ᱡᱤᱣᱤᱭ ᱟᱹᱨᱤᱫ ᱠᱩᱨᱤᱫ ।
ᱚᱲᱟᱜ ᱛᱮᱞᱮ
ᱟᱜᱩ ᱠᱚᱣᱟ
ᱜᱟᱹᱭ ᱢᱮᱨᱚᱢ ᱩᱨᱤᱪ ।
ᱛᱤᱠᱤᱱ ᱛᱟᱨᱟᱥᱤᱧ
ᱥᱟᱲᱟ ᱥᱟᱹᱛᱤᱧ
ᱠᱩᱞᱦᱤ ᱨᱮᱞᱮ ᱮᱱᱮᱪ ।
ᱟᱹᱪᱤᱨ ᱯᱟᱹᱪᱤᱨ
ᱫᱷᱩᱲᱤ ᱚᱲᱟᱜ
ᱱᱟᱯᱟᱭ ᱜᱮᱱᱮᱪ ᱜᱮᱱᱮᱪ ।
ᱵᱮᱲᱟ ᱟᱦᱽᱞᱟ
ᱞᱟᱰᱮ ᱦᱤᱡᱩᱜ
ᱩᱢᱩᱞ ᱡᱮᱞᱮᱧ ᱡᱮᱞᱮᱧ ।
ᱵᱟᱜᱤ ᱠᱟᱛᱮ
ᱫᱟᱠᱟ ᱩᱛᱩ
ᱫᱷᱩᱲᱤ ᱞᱮᱢᱮᱧ ᱞᱮᱢᱮᱧ ।
ᱵᱮᱲᱟ ᱟᱦᱽᱞᱟ
ᱵᱟᱹᱫᱽ ᱵᱟᱹᱭᱦᱟᱹᱲ
ᱞᱟᱹᱵᱤᱫ ᱞᱟᱹᱵᱤᱫ ᱦᱤᱡᱩᱜ ।
ᱵᱟᱞᱮ ᱵᱮᱞᱛᱮᱧ
ᱞᱩᱭᱩᱢ ᱟᱦᱽᱞᱟ
ᱟᱹᱭᱩᱵᱚᱜ ᱠᱟᱱ ᱵᱩᱡᱩᱜ ।
ᱞᱮᱻᱪᱟᱸᱣᱨᱟ
ᱞᱮᱻᱵᱷᱟᱸᱣᱨᱟ!
ᱯᱟᱣᱨᱟ
ᱠᱚ ᱡᱷᱟᱸᱣᱨᱟᱜ
ᱪᱮᱸᱬᱮ
ᱠᱚ ᱡᱟᱣᱨᱟᱜ᱾
ᱥᱟᱸᱫᱮᱥ
ᱰᱷᱟᱸᱣᱨᱟᱜ
ᱥᱟᱜᱩᱱ
ᱵᱮᱣᱨᱟ
ᱦᱟᱸᱰᱤ
ᱯᱟᱸᱣᱨᱟᱸ
ᱡᱤᱭᱤ
ᱠᱟᱸᱣᱨᱟᱜ᱾
ᱵᱤᱨ
ᱵᱟᱸᱣᱞᱟ
ᱟᱛᱳ
ᱜᱟᱸᱣᱞᱟ᱾
ᱢᱚᱱᱮ
ᱵᱷᱟᱸᱣᱨᱟᱜ
ᱦᱚᱲᱢᱚ
ᱥᱟᱸᱣᱨᱟᱜ᱾
ᱵᱟᱸᱣᱲᱟ
ᱵᱟᱸᱣᱲᱤ
ᱫᱷᱟᱸᱣᱲᱟ
ᱫᱷᱟᱸᱣᱲᱤ᱾
ᱜᱷᱟᱣᱲᱟᱻᱦᱟᱣᱲᱟ
ᱥᱟᱜᱩᱱ
ᱫᱟᱸᱣᱲᱟᱸ᱾
ᱵᱟᱸᱧ
ᱥᱮᱱᱚᱜ ᱨᱟᱸᱣᱛᱟᱲᱟ
ᱵᱟᱸᱧ
ᱚᱞᱟ ᱟᱸᱛᱷᱟᱸᱣᱲᱤ᱾
========== ᱞ ᱧ =========
৩।।
ᱦᱟᱯᱤᱦᱟᱯᱤ
ᱠᱤᱥᱠᱤᱱᱫᱷᱟ ᱢᱩᱨᱢᱩ
ᱛᱟᱠ
ᱵᱩᱡᱷᱛᱮ ᱦᱟᱯᱤᱦᱟᱯᱤᱛᱮ
ᱦᱟᱱᱤ ᱛᱚᱨᱟ ᱡᱟᱫᱩ
ᱡᱚᱡᱚ
ᱵᱩᱴᱟᱹᱨᱮ ᱧᱟᱯᱟᱢ ᱢᱤᱫᱛᱮ
ᱦᱚᱦᱚ
ᱟᱠᱟᱫᱮ ᱵᱤᱫᱩ ᱾
ᱫᱟᱱᱟᱝ
ᱫᱟᱱᱟᱝᱛᱮ ᱠᱷᱤᱞᱰᱩ ᱜᱟᱛᱮ
ᱫᱷᱩᱲᱤᱨᱮ ᱩᱛᱩ ᱫᱟᱠᱟᱭ
ᱚᱲᱟᱜ
ᱫᱩᱭᱟᱨ ᱵᱮᱱᱟᱣ ᱱᱛᱮ
ᱟᱰᱤ ᱱᱟᱯᱟᱭ ᱱᱟᱯᱟᱭ ᱾
ᱯᱩᱠᱷᱨᱤ
ᱛᱳᱯᱳᱱ ᱡᱷᱩᱲ ᱜᱟᱡᱟᱲ
ᱫᱟᱲᱟᱱ ᱦᱟᱯᱤᱦᱟᱯᱤ
ᱩᱠᱩ
ᱪᱩᱠᱩ ᱫᱟᱹᱲ ᱮᱱᱮᱪ
ᱫᱟᱱᱟᱝᱨᱮ ᱫᱩᱲᱩᱵ ᱦᱟᱯᱤ ᱾
ᱚᱲᱟᱜ
ᱨᱮᱠᱚ ᱯᱟᱸᱡᱟ ᱵᱟᱲᱟᱭ
ᱵᱟᱵᱩ ᱚᱠᱟᱨᱮ ᱦᱮᱱᱟᱭ
ᱜᱟᱛᱮ
ᱥᱟᱣᱛᱮ ᱩᱞᱟᱹᱢᱟᱞᱟᱭ
ᱠᱷᱮᱞ ᱵᱷᱮᱫᱨᱮ ᱢᱮᱱᱟᱭ ᱾
========== ᱞ ᱧ =========
ᱥᱤᱸᱜᱟᱹᱲ
ᱵᱮᱲᱟ ᱥᱮᱨᱢᱟ ᱪᱮᱛᱟᱱ
ᱢᱚᱱᱮ ᱠᱟᱛᱮᱢ ᱠᱚᱭᱚᱜ ᱞᱮᱠᱷᱟᱱ
ᱢᱚᱱᱮ
ᱦᱳᱭᱳᱜ ᱤᱛᱩᱱ ᱟᱥᱲᱟ
ᱟᱰᱤ
ᱢᱟᱨᱟᱝ ᱯᱟᱲᱦᱟᱣ ᱚᱲᱟᱜ ᱿
ᱪᱟᱸᱫᱳ ᱠᱷᱟᱱ ᱫᱚ ᱢᱟᱪᱮᱫ ᱽ ᱠᱟᱱᱮ
ᱤᱯᱤᱞ
ᱠᱚᱫᱚ ᱯᱟᱹᱴᱷᱣᱟᱹ ᱚᱱᱮ
ᱫᱩᱲᱩᱵ ᱠᱟᱛᱮ ᱠᱚ ᱞᱟᱲᱦᱟᱜ ᱠᱟᱱ
ᱯᱮᱨᱮᱪ
ᱟᱠᱟᱛᱽ ᱠᱚ ᱜᱚᱴᱟ ᱟᱥᱢᱟᱱ।
ᱢᱤᱫ
ᱧᱤᱫᱟᱹ ᱠᱚ ᱚᱞ ᱯᱟᱲᱦᱟᱣ
ᱛᱤᱱᱟᱹᱜ
ᱞᱮᱠᱟᱱ ᱪᱤᱛᱟᱹᱨ ᱠᱚ ᱵᱮᱱᱟᱣ
ᱥᱤᱧ
ᱪᱟᱸᱫᱳᱭ ᱨᱟᱠᱟᱵ ᱮᱱ
ᱤᱥᱠᱩᱞ
ᱛᱟᱠᱚ ᱪᱷᱩᱴᱤᱭᱮᱱ।
ᱪᱟᱸᱫᱳ
ᱤᱯᱤᱞ ᱢᱤᱫ ᱛᱮ ᱡᱚᱠᱷᱚᱱ
ᱥᱮᱨᱢᱟ
ᱪᱮᱛᱟᱱ ᱧᱮᱞᱚᱜ ᱟᱠᱚ
ᱩᱱᱜᱮ ᱱᱚᱝᱠᱟ ᱢᱚᱱᱮ ᱦᱳᱭᱳᱜ
ᱫᱤᱱᱟᱹᱢ
ᱫᱤᱱ ᱫᱚ ᱵᱟᱝ ᱦᱳᱭᱳᱜ ।
==========
ᱞ ᱧ =========
ᱵᱷᱟᱫᱚᱨ
ᱪᱟᱸᱫᱳ ᱛᱟᱭᱚᱢ
ᱥᱮᱴᱮᱨ ᱦᱤᱡᱩᱜ ᱫᱟᱸᱥᱟᱭ
ᱜᱟᱰᱟ
ᱟᱲᱮᱨᱮ ᱠᱟᱥᱤ
ᱜᱮᱞᱮᱜ ᱫᱟᱞᱟᱭ ᱫᱟᱞᱟᱭ
ᱨᱟᱥᱤ
ᱟᱛᱳᱨᱮ ᱵᱷᱩᱣᱟᱹᱝ
ᱥᱟᱰᱮ ᱦᱟᱞᱟᱭ ᱦᱟᱞᱟᱭ
ᱟᱭᱱᱚᱢ
ᱠᱟᱡᱚᱞ ᱯᱟᱸᱡᱟ ᱞᱟᱜᱤᱫ
ᱠᱚᱲᱟ ᱠᱚᱫᱚ ᱯᱟᱣᱲᱤᱠᱚ ᱞᱟᱦᱟᱭ᱾
ᱠᱷᱮᱛ
ᱵᱟᱹᱫᱽᱨᱮ ᱦᱳᱲᱳ ᱫᱟᱨᱮ
ᱧᱮᱞᱚᱜ ᱦᱟᱞᱤ ᱦᱟᱹᱲᱭᱟᱹᱲ
ᱫᱟᱞᱟᱦᱤᱨᱮ
ᱡᱚᱸᱰᱨᱟ ᱵᱮᱞᱮᱛᱮ
ᱪᱟᱥᱤ ᱠᱚᱠᱚ ᱦᱳᱭᱳᱜ ᱡᱤᱭᱟᱹᱲ
ᱥᱮᱨᱢᱟᱨᱮ
ᱛᱩᱞᱟᱹᱢ ᱞᱮᱠᱟ
ᱢᱚᱡᱽᱜᱮ ᱧᱮᱞᱚᱜ ᱨᱤᱢᱤᱞ ᱨᱟᱦᱞᱟ
ᱚᱱᱟ
ᱯᱷᱟᱸᱠᱛᱮ ᱛᱟᱯᱤᱧ ᱧᱩᱨᱩᱜ
ᱦᱚᱲᱢᱚ ᱜᱟᱭᱜᱚᱢ ᱵᱮᱲᱟ ᱟᱦᱞᱟ᱾
========== ᱞ ᱧ
=========
হুডিঞ হুডিঞ কাথা কোতে
চেৎ কচো ইঞ অল
চেতান রেমা চরক চিকৗড়
ভীতরী একেন খল ।
বাংদ হুয়ুঃ অনড়হেঁ অল
বাংদ হুয়ুঃ গাম
অল অলা তেঞ চাপাৎ গিডিয়
কলম খাতা খাম।
সেতাঃ তরাঞ গোটা কেদা
অলাঞ নাপায় বৗউলী
খাতা চেতান হটর হটর
রৗপুৎ কলম কৗলি।
শাবাদ কাথা বাং ইঞ ঞামা
বহঃ উপিঞ রাচাক্
ছন্দ কাথা মিলৗও তেমা
বহঃ গেচো লাড়াক্ ।
দুখ দুখৗলি কাথাঞ অলা
লান্দা গেচো সানা
রৗস্কৗ রমজ অনল রেদ
রা রাঃ হালে সানা।
বৗউলী ইঞাঃ আঁজম তরা
অকয় বহঃ গৗদুর
অকয়কো দ বাং বুজাতে
পুশি লেকায় ফৗদুর।
ইঞাঃ অনল পাড়হাও লেখান
মেরম সেতা পুশি
একাল গেকো দন বাড়ায়া
বৗনুঃ তাকো কুশি।
দুক জ্বালাতে ইঞ দ হালেঞ
সেনঃ দারে বুটৗ
কিকয়ৗও আতেঞ লৗয় আকোয়া
বৗউলী রেনাঃ ভিটৗ।
==========
ᱞ ᱧ=========
তাড়াম
মেসে
আমদ
বিটি
আলসেরেম কয়গ ,
হরদ
আডি
সাঁগিঞ গেয়া
বাং তিয়ুগঃ কয়ঃ।
তাড়াম
হোয়োঃ লাঁগাঃ রেহঁম
আড়িস
দেয়া
কাতেদ,
জিয়ন
রেনাঃ
সেলেদ ভেগেদ
বুঝৗঃও
পারম
কাতেদ ।
লাহাঃ
হররে
ঞামঃ
গেয়া
ধিরি
জৗনুম
এমান ,
সাহা কাতেদ লাহাঃ হোয়ো:
নিজেরাঃ খৗতির
সামাং ।
অল: পড়হন
সেচেদ
কাতেদ
আমদ
জুলুঃ
মেসে,
বাম
কমা
চেদ
তেহঁ
হড়কো
বুঝৗও
দেসে ।
========== ᱞ ᱧ=========
সেরমা লাফাংরে পিড়িৎ পিড়িৎ ,
তাঁহে কান ক কাহু কিসনি ,
==========
ᱞ ᱧ =========
সিম সাঁডি কুকড়ু
ঞিদৗ জৗপিদ বুকড়ু।
হহ আমায় দেলা
এভেনঃ মে ভালা।
সিঞ চাঁদ পুব নাখা
ধৗরতি মারশালঃ আ।
আলম তায়মঃ আ
হড় ক বৗগিয়ামা।
সেতাঃ জৗপিদ হেওয়া
একাল বাং গে বেশা।
সেতাঃ সেতাঃ আম
নাপায় হয়েম ঞাম।
কৗমি আমাঃ সামটাঃ
অক্ত আমাঃ কুলাঃ।
কৗমি আলম এতম
লগন জগাও যতন।
এভেনঃ মে দে আম
কুড়িয়ৗ মনে কটায়তাম।
মৗনমি জানাম সরেশ
সৗরি নোওয়া সাঁদেশ।।
========== ᱞ ᱧ=========
হপন হপন গিদরৗ আলে
ইতুন চালাঃ হররে,
আরাঃ কাকড়া সেঁদরা ঞেঁলতে
হড়কো লৗইয়ৗ দুররে ।
হুরুৎ কুনটুৎ মনে মুরুক্
অলঃ পাড়হাও সেঁড়ায়পে,
আয়ো বাবাওয়াঃ কাথা আঁজমপে
বাংখান উদমৗ দাঁড়ায়পে ।
অলঃ পাড়হাওতে মনেয় সাফায়
বহঃএ সাফায় নাড়কা,
গায়ুর টাপুর নাচার নিধৗন
ঞেঁলতেয় উরুমঃ লাড়কা ।
অলঃ আকিলতে মাসটার উকিল
সুঠিক হড়কো উরুমক,
আকিল বাংতে বায়ার কাডাহঁ
দেয়ারে লেবেদতেক বুরুমক ।
রায় কাকড়া রুপতায়ে বদল
আয়াঃ কৗমিয়ে সিগিল,
লাঁবেদ্ কাতেদ্ জজমে ছুটৗ
গুরিব কোওয়াঃ বেরেলজিল ।
হড় হপন আরাগেৎএ বহঃ
ঘানেয় বদলেৎ দল্,
সিবোড় কোওয়ায় রেঁগেচ্ নাচার
মনেতায় তিনাঃ খল্ ।
হড়লে হপন বুরধি মারাং
সেঁদরা কোওয়ালে কাকড়া,
কুদাও কোওয়ালে আরাঃ কাকাড়া
খেতবৗইদ গোটা সকড়া ।
অলঃ পাড়হাও চেমাৎ কাতেদ
যথাৎ বুরধিলে হামেট,
অড়াঃ দুওয়ৗর পকতয় লৗগিদ্
লাগাওয়ালে নাপায় সিমেট্ ।
========== ᱞ ᱧ=========
ঞূতুম তায়দ রামদাস টুডু
জানাম কাড়ুওয়া কাটা,
পুরুব সিংভূম জিলৗ কানা
আঁজম গদঃ গটা।
সীতারাম টুডু আপাৎ তায়দ
এঁগাৎ দ মঞ্জদুরী,
মারাং বেটা কান তৗকিন
মেনকো ভালা সৗরি।
মিডল ক্লাস পাশ কাতে
ঘাঁরঞ্জ বাড়াও আনে,
সংসার জিয়ন নে উনরে
খেমাও লেৎগে হানে।
মাঝি হপন তাঁহে কানতে
আতো মাঝি এনে,
খাজনা আদায় করে অনে
বাহাল তাঁহে লেনে।
অলরে বেলরে ঞুতুম মুচৗৎ
‘রৗস্কৗ’ অললেৎ দ,
বাডায় লৗগিৎ আযোদিয়ৗ বুরু
দাঁড়া লেদা আদ।
লাকচার আরিচৗলি চেৎ বাবৎ
দিশমে সাঁঘার কেদা,
‘খেরওয়াল বংশ ধরম পুঁথি’
অনে উনরেয় অল লেদা।
ধরম রায়রীত নেমেচার কদ
একাল পুসটাও অনা,
সাঁওহেৎ অলঃ সিরজৗও রেদ
আডিয় লাহা লেনা।
আজাঃ সিরজৗও ঞেল আতে
হড়কো ভাগে মেনা,
কলকাতা জেগেৎ বিদ্যাগাড়াঃ কাথায়
ঞাম লেৎ ডি.লিট. অনা।
বৗনুয় রেহঁ কৗমি এনেম
হেনাঃ বাড়া তায়া,
যুগে যুগগে অন্তর তালা
হড়কো দিসৗয় এয়া।
========= মুচৗৎ =========
.webp)
.webp)
.webp)
