“আবোওয়াঃ কাথা” গে উছৗনঃডিজিটাল ডেস্ক
রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’
লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ
বুটৗ- Whatsapp-
8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ.ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱨᱟᱢᱯᱚᱫᱚ ᱠᱤᱥᱠᱩ, ᱯᱩᱨᱱᱚ ᱪᱚᱱᱫᱽᱨᱚ ᱠᱤᱥᱠᱩ, বাড়তাং সরেন, সমর লাল টুডু, সুচাঁদ হাঁসদা,
সনৎ কুমার হাঁসদাঃ, সনাতন টুডু, সিতেন মান্ডি, দুগাই টুডু।
ᱜᱚᱲᱚᱢ ᱦᱟᱲᱟᱢ ᱡᱚᱞᱚ
ᱛᱟᱲᱟᱢᱟᱭ ᱴᱚᱞᱚ ᱢᱚᱞᱚ ।
ᱵᱚᱦᱚᱜ ᱫᱟᱹᱲᱦᱤ ᱛᱚᱞ
ᱦᱮᱱᱟᱜ ᱛᱟᱭᱟ ᱪᱚᱞ ।
ᱥᱩᱪ ᱥᱩᱪᱮ ᱜᱚᱞ
ᱱᱚᱝᱠᱟᱭ ᱞᱟᱲᱟᱣ ᱠᱚᱞ ।
ᱡᱚᱞᱚ ᱦᱟᱲᱟᱢ ᱜᱚᱲᱚᱢ
ᱯᱤᱸᱰᱟᱹ ᱨᱮᱜᱮ ᱫᱚᱲᱚᱢ ।
ᱟᱢᱫᱟ ᱠᱟᱛᱷᱟᱭ ᱟᱬᱜᱚᱢ
ᱡᱷᱚᱛᱚ ᱠᱚᱜᱮᱭ ᱞᱚᱴᱚᱢ ।
ᱨᱚᱲ ᱟᱭ ᱞᱟᱸᱫᱟᱭᱟᱭ
ᱢᱚᱱᱮ ᱡᱤᱣᱤᱭ ᱟᱫᱟᱭᱟᱭ ।
ᱦᱚᱲᱢᱚ ᱩᱢ ᱟᱹᱨᱩᱵᱽ ᱢᱮ
ᱥᱟᱯᱟ ᱥᱟᱹᱯᱤ ᱫᱚᱦᱚᱭ ᱢᱮ ᱾
ᱦᱚᱲᱢᱚ ᱪᱚᱨᱪᱟᱣ ᱫᱚᱦᱚᱭ ᱢᱮ
ᱟᱹᱰᱤ ᱱᱟᱯᱟᱭ ᱵᱮᱱᱟᱣ ᱢᱮ ᱾
ᱚᱠᱛᱚ ᱱᱟᱹᱯᱤᱛ ᱡᱚᱢ ᱢᱮ
ᱱᱤᱯᱷᱩᱴ ᱦᱚᱲᱢᱚ ᱫᱚᱦᱚᱭ ᱢᱮ ᱾
ᱨᱟᱹᱥᱠᱟᱹ ᱨᱚᱢᱚᱡᱽ ᱛᱟᱸᱦᱮᱱ ᱢᱮ
ᱡᱤᱣᱤ ᱡᱤᱭᱟᱹᱲ ᱫᱚᱦᱚᱭ ᱢᱮ ᱾
========== ᱞ ᱧ
==========
ᱮ ᱵᱮᱴᱟ ᱥᱳᱱᱟ ᱮ ᱵᱤᱴᱤ
ᱥᱩᱢᱤ
ᱪᱟᱜᱫᱚ ᱵᱤᱴᱤ ᱩᱱᱟᱹᱜ ,
ᱪᱷᱟᱴᱯᱟᱴᱟᱜ-ᱟ ᱦᱟᱞᱚᱵᱟᱛᱚᱜ-ᱟ
ᱫᱟᱹᱲ ᱧᱩᱨᱩᱜ ᱱᱩᱱᱟᱹᱜ ᱾
ᱥᱤᱧ ᱢᱟᱨᱥᱟᱞ ᱜᱷᱤᱲ ᱜᱷᱤᱲᱜᱮ
ᱵᱟᱝᱜᱮᱢ ᱵᱚᱛᱚᱨᱚᱜ ᱟᱢ,
ᱵᱟᱡᱟᱣ ᱜᱚᱫᱚᱜ ᱦᱟᱥᱩ ᱩᱫᱩᱜᱜᱮ
ᱟᱢᱟᱜ ᱛᱤ ᱡᱟᱸᱜᱟᱨᱮ ᱛᱟᱢ ᱾
ᱜᱟᱛᱮ ᱠᱷᱚᱱᱦᱚᱸ ᱟᱢᱜᱮ ᱥᱤᱨᱟᱹ
ᱠᱷᱤᱞᱰᱩ ᱮᱱᱮᱪ ᱴᱷᱮᱱ,
ᱜᱚᱲᱚᱢ ᱵᱩᱰᱦᱤ ᱫᱩᱲᱩᱵ ᱡᱤᱨᱟᱜ
ᱦᱟᱯᱮ ᱦᱟᱯᱮᱭ ᱢᱮᱱ ᱾
ᱰᱤᱝ ᱰᱟᱵᱩᱨ ᱨᱟᱪᱟ ᱪᱷᱟᱴᱠᱟ
ᱫᱟᱜᱜᱮ ᱠᱷᱟᱞᱤᱢ ᱫᱩᱞᱟ,
ᱛᱚᱨᱚᱡ ᱯᱟᱥᱠᱟᱭ ᱪᱩᱞᱦᱟᱹᱨᱮ ᱜᱷᱟᱱᱮ
ᱟᱸᱜᱨᱟ ᱠᱷᱟᱞᱤᱢ ᱨᱚᱞᱟ ᱾
ᱦᱮᱢᱮ ᱪᱮᱛᱟᱱ ᱦᱚᱵᱚᱨ ᱪᱮᱛᱟᱱ
ᱮᱱᱦᱚᱸ ᱪᱷᱟᱴᱯᱟᱴ ,
ᱵᱟᱡᱟᱜ ᱠᱟᱱᱟᱢ ᱧᱩᱨᱦᱩᱜ ᱠᱟᱱᱟᱢ
ᱫᱤᱱᱟᱹᱢ ᱟᱰᱤ ᱟᱸᱴ ᱿
========== ᱞ ᱧ ==========
ᱮ ᱪᱟᱸᱫᱳ
ᱵᱚᱸᱜᱟ
ᱥᱟᱵᱚᱜ ᱠᱟᱸ ᱱᱟᱸᱧ ᱡᱟᱸᱜᱟ
ᱟᱫᱚ ᱟᱞᱚᱢ ᱡᱟᱯᱩᱫ
ᱟᱞᱮ ᱚᱲᱟᱜ ᱨᱟᱯᱩᱫ ᱿
ᱥᱟᱨᱟ ᱫᱤᱱ ᱮ ᱫᱟᱜᱮᱫᱽ
ᱢᱮᱨᱚᱢ ᱵᱷᱤᱰᱤ ᱠᱚ ᱨᱟᱜᱮᱫᱽ
ᱡᱚᱢᱟᱜ ᱵᱟᱱᱩᱜ ᱛᱟᱠᱚ
ᱚᱠᱟᱨᱮ ᱟᱛᱤᱧ
ᱟᱠᱚ ᱿
ᱥᱤᱢ ᱵᱩᱥᱟᱹᱜ ᱠᱟᱴᱤᱪ
ᱠᱟᱴᱤᱪ
ᱫᱟᱜ ᱛᱮ ᱞᱚᱦᱚᱫᱽ
ᱥᱤᱨᱢᱤᱥᱤᱴᱤᱪ
ᱪᱤᱸᱭᱟᱹᱯ ᱪᱤᱸᱭᱟᱹᱯ ᱠᱩᱰᱟᱹᱢ
ᱠᱚᱨᱮ
ᱢᱮᱱᱟᱜ ᱠᱚᱣᱟ ᱡᱮᱨᱮ ᱡᱮᱨᱮ
᱿
ᱞᱚᱥᱚᱛᱽ ᱮᱱᱟ ᱜᱚᱴᱟ ᱨᱟᱪᱟ
ᱨᱟᱯᱩᱫ ᱮᱱᱟ ᱠᱩᱸᱫᱨᱤ ᱢᱟᱪᱟ
ᱫᱟᱜ ᱵᱚᱞᱚᱭᱮᱱ ᱚᱲᱟᱜ
ᱵᱷᱤᱛᱤᱨ
ᱰᱤᱧ ᱰᱟᱵᱩᱨᱮᱱ ᱚᱲᱟᱜ ᱠᱚᱪᱟ
᱿
========== ᱞ ᱧ
==========
ᱥᱤᱢ ᱥᱟᱸᱰᱤ ᱠᱩᱠᱲᱩ ᱭᱟ
ᱮᱵᱷᱮᱱᱚ ᱢᱮᱼᱵᱮᱨᱮᱫᱚ ᱢᱮ
ᱨᱟᱵᱟᱝ ᱫᱤᱱ ᱦᱚᱲᱢᱚᱭ ᱵᱩᱠᱲᱩᱭᱟ
ᱮᱵᱷᱮᱱ ᱚᱜ ᱢᱮᱼᱵᱮᱨᱮᱫᱚ ᱢᱮ᱾
ᱧᱩᱛ ᱟᱸᱛ ᱪᱟᱵᱟᱜᱼᱥᱮᱛᱟᱜ ᱮᱱᱟ
ᱥᱤᱢ ᱮᱝᱜᱟ ᱦᱚᱯᱚᱱ ᱥᱟᱸᱣᱛᱮ ᱵᱮᱨᱮᱫᱽ ᱮᱱᱟ
ᱢᱤᱦᱩ ᱦᱚᱯᱚᱱᱮ ᱧᱤᱨᱟᱸ ᱠᱟᱱᱟ
ᱜᱩᱛᱤ ᱠᱚᱲᱟ ᱜᱟᱸᱭ ᱥᱳᱨ ᱨᱮ ᱛᱚ ᱞᱮ ᱠᱟᱱᱟ᱾
ᱵᱟᱸᱭ ᱵᱟᱸᱭᱛᱮ ᱼᱡᱮᱰᱮᱨ ᱠᱮᱴᱮᱡᱚᱜ
ᱮᱵᱷᱮᱱᱚᱜ ᱢᱮᱼᱵᱮᱨᱮᱫᱚ ᱢᱮ
ᱜᱤᱫᱨᱟᱹ ᱵᱟᱸᱥᱤᱭᱟᱸᱢᱼᱦᱚᱲᱢᱚ ᱥᱮᱴᱮᱡ ᱚᱜ
ᱮᱵᱷᱮᱱ ᱚᱜ ᱢᱮᱼᱵᱮᱨᱮᱫᱚᱜ ᱢᱮ ᱾
ᱜᱮᱰᱮ ᱞᱮᱰᱨᱮᱼᱥᱮᱰᱮᱵᱮᱰᱮ
ᱜᱩᱭᱩᱝ ᱯᱩᱥᱤ ᱦᱟᱸᱰᱮ ᱱᱟᱰᱮ
ᱦᱟᱲᱟᱢ ᱵᱩᱰᱦᱤ ᱫᱩᱲᱩᱵ ᱦᱮᱰ ᱦᱮ ᱰᱮ
ᱯᱟᱲᱟᱜ ᱢᱚᱪᱟ ᱞᱟᱲᱟᱜ ᱦᱮᱰᱮᱵᱮᱰᱮ᱾
========== ᱞ ᱧ ==========
আডি গেয়ে বাডায় তালে
বুডি গ আলেরেন
জম লৗগিৎ এ খজঃ তাবেন
খৗজৗড়ি আলেরেন ।
আওড়ি সৗওড়ি বাংঙে জমা
বাঙে ঞুঁয়ৗ হাঁডি
দিনৗম হিলোঃ দমেয় জমা
রেয়াড় দাকা মাঁডি ।
সেতাঃতরা বেরেৎ কাতেঃ
জগায় কুলহী রাচা
অড়াঃ দুয়ৗর দহ সানায়
একাল আডি ফারচা ।
সেতাঃ খনাঃ গেচ গুরিচায়
অড়াঃ পিণ্ডৗ ভিতৗর
কুডৗম রেনাঃ
অঁজরা জবরা
সানাম সাফা উতৗর।
বেনাও কওয়ায় ভীত করে দ
মারাঃ হৗতি সাদম
নানা হুনৗর বাহা সাঁওতে
দাঃরে লৗওকৗ বাদম ।
মৗয়লৗ লুগড়ী বাঙে বাঁদেয়
বাংগে মৗয়লৗ শাঁঙ্কা
রপড় তেগেয় সুজহে কওয়া
খড়দা কালা কংকা।
মনে হঁতায় ফারচা গেয়া
ফৗরয়ৗ রিড়িম রিড়িম
রড় লান্দারে পিলচু বুঢি
রৌস্কৌ পিদিড় দিড়িম ।
পেড়া আতাং দারাম করে
তিস গে বৗনুঃ আড়িস
জিল হাকোতেয় পেড়া কওয়া
কৗমি আডিয় তৗপিস ।
========== ᱞ ᱧ ==========
সানতাড়
আতুরে গিদরা কোওয়াঃ
আরিচৗলি তাঁহেকানা সেদায়্,
কুলহি ধুড়িরে অড়াঃ দুওয়ার্
বেনাও কাতেক লাঁদায়্ ।
মৗনমি দৗনমি হুডিঞ হাপড়াঃ
বাংতাঁহেকানা এপের হেঁডেৎ,
সানাম কোওয়াঃ সমান আইদার
কুলহি পিঁডারে লেঁডেৎ ।
রেঁগেচ্
নাচার সানাম হড়গে
ধুড়িগেক
দাকা উতুই,
পরব করেদ সানাম হড়গে
বাহা মালাক গুতুই ।
হাড়াম ঝিঁগৗ
ডাঁগরা কাডা
রুঁবড়ু
ধিরি রকজ্,
রাবাং কাবাং কাড়ুং ডাবুং
কাটকম মারাং অকজ্ ।
সানাম কোওয়াঃ আখোল বাখোল
হাসা রেয়াঃ বাসা,
সানাম হড়গে আপান আপিন
হাসা রেগেক চাষা ।
আতু অড়াঃরে হিসকৗ
হুলুং
আডিগে তাঁহেকান আকাল,
আষাড় শান ধৗরতি পুরিদ
জৗড়িদাঃতে আখাল পাখাল ।
ডঁডেৎ লৗগিৎ লৗড়হৗই তাপাম
গিদরৗ কোওয়াঃ কানড,
অড়াঃ দুওয়ৗরে অটাং রৗপুৎ
বৗইশাখ রেনাঃ ভাঁনড ।
গাপান বাংরেঁহ ঝানে ঝাপানে
বেনাও রুওয়াড়াক বুসুবচৗলি,
সামটাও কাতেদ দহয় গেয়াক
সানতাড় সমাজ আরিচৗলি ।
নেবেতার
সানতাড়
সমাজরেন
গিদরৗ
সমাজ বাংক বাডায়,
ছৗতিক জৗতিয়াঃ আরিচৗলিক আপনার
সানতাড়
সমাজদক রাঁডায় ।
========== ᱞ ᱧ ==========
সেরমা রে উডৗঃ কানা ,
পুঁড হেঁদে রিমিল ৷
সিঞ চাঁদো ঞিঁদৗ চাঁদো ,
এসেত আকান কো ইপিল ৷
মিত এসায় দাঃ এদা ,
রডঃ রডঃ ঝিপির ঝিপির ৷
অড়াঃ দুওয়ৗর লসত লহত ,
রাচা ছাটকা সিডগি বিডির ৷
সাতে সৗড়িম ভুগৗঃ খনা ,
ঝার ঝার দাঃ জরঃ ৷
লহত এনা সাহান সাকাম ,
ইসিন আর সির সর ৷
ডাংরি কাড়া মিহু মেরম ,
জিব জিয়ৗলী লুকুত লুকুত ৷
সেতাঃ আয়ুপ মিত এসা ,
সৗরদি আকান জারগে জৗপুত ৷
========== ᱞ ᱧ ==========
আলে বিটি রৗস্কৗ আতে
দনায় গটা রাচা।
কুমৗং এ হেজ এন ইদিলৗগিদ
হরঃ আতে ফুটৗ কাচা।
মৗয়ে চালাঃ হাতম অড়াঃ
সাদম চেতান খাদ-বাদ।
আচকা ঘৗড়ি, দাঃ এ জৗড়ি
সৗড়িম চেতান রাদ -বাদ।
দাঃ জরয়েন ঝার-ঝার
বতরতে মৗয় থার-থার।
========== ᱞ ᱧ
==========
সেচেদ গেতো দাড়ে বয়হা
গেয়ান গেতো সাপাব বয়হা
আমাঃ জিয়ন লৗগিদ
আমাঃ জৗতি লৗগিদ
বুরধি দিসৗ
আলম আদা বয়হা ।
(১৯৮)
রৗসকৗ রেবোন তাঁহেন
রমজ রেবোন তাঁহেন
এনেজ
আতেদ
সেরেঞ
আতেদ
ভেপেগেদ বাবোন তাঁহেন ।
==========
ᱞ ᱧ ==========
শিখনৗত সেচেৎ মৗনমি
সনা রূপা খন দৗমি।
দিশ হুদিশ বেওহার
মান মানত জহার।
রুপ রং টাকা পুইসৗ
গরব দ বাং বেশা।
হৗড়িয়ার দারে নৗড়ি
বাঞ্চাও ধুড়ি ধৗরতি।
জ বাহা আড়াঃ সাকাম
হিসিৎ হয় রহড় সাহান।
চেঁড়ে চিপরুৎ জিব জিয়ৗলি
আপনার কোওয়ায় বৗনু রৗগি।
ইকা এম দ মারাং গুন কানা
দারে ঠেন চেচেৎ বৗনুঃ মানা।
দারে নৗড়ি শিখনাথ মৗনমি
মনে জিয়ৗড় মার্শাল জিউয়ি।
হয় জিউয়ি হাসা হড় ম
নাপায় কৗমি গে বাঞ্চাঃ ধর ম।
কৗমি তালা তেগেম বাঞ্চাও তাহেনা
কৗমি গে আমাঃ উপরুম হুয়ুঃ মা।
==========
ᱞ ᱧ ==========
মুর্শিদাবাদ বুড়তলা রেন উনি
চাঁদরায় হাড়াম হড়গে,
সান্তাড় বাবৎ হুদিশ লেৎগে
ভাগে তেনাঃ হড়গে।
শশ টিকৗঃ তালা তেগেয়
হানিয় জুগুৎ কেদ্কো,
হহ কাতেৎ গেচো কাথায়
দমে জুমিৎ লেদ্কো।
অনা থেড়ং দামিন রেনহঁ
আয়ুরিচ্ তাঁহে লেনায়,
সানতাল পরগণা রেহঁ মিদুন
হানে দহ লেদায়।
রেচ্ আকান হাসা খেতকো
হাতাও রুওয়ৗড় মেনগে,
নোওয়া আঁদোড় গোটা নাখা
আডি পাসনাও লেনগে।
ইংরৗজ সরকার মনে উনরে
ভয়ন সিরজৗও এনগে,
বতর তেদ লুপুচ্ লুপুচ্
আয়কৗও বাড়াও আনগে,
খেরওয়াল লাড়াওনা হৗপিৎ লৗগিৎ
কুরু মুটু আনায়,
অনে উনগে ব্রিটিস ঠেনে
পাকড়াও অচো লেনায়।
দিশম রেদ সাহসান কৗমি
উনি উদুঃ লেদায়,
নেঁতার হঁচো হড়াঃ মনেরে
দাগ হটো কেদায়।
==========
মুচৗৎ ==========
.webp)
.webp)
.webp)
