“আবোওয়াঃ কাথা” গে উছৗনঃডিজিটাল
ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা।
তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail
Id:- abowagkatha@gmail.com ।
তেহেঞাঃ আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟ.ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱜᱟᱛᱮ ᱴᱩᱭᱟ.ᱨ, ᱨᱟᱢᱯᱚᱫᱚ ᱠᱤᱥᱠ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ, বাড়তাং সরেন, দুর্গাচরণ মুরমু , সনৎ কুমার হাঁসদাঃ, সিতেন মান্ডি, সমরলাল টুডু, দুগাই টুডু।
ᱮᱼᱨᱤᱢᱤᱞ ᱥᱮᱨᱢᱟ ᱨᱤᱢᱤᱞ
ᱫᱟᱜ ᱮᱢ ᱟᱹᱜᱩᱭ ᱫᱤᱯᱚᱞ,
ᱤᱠᱤᱞ ᱥᱤᱠᱤᱞ ᱡᱩᱣᱟᱹᱱ ᱤᱛᱤᱞ
ᱨᱮᱭᱟᱲ ᱦᱚᱭᱮᱢ ᱥᱤᱜᱤᱞ ᱾
ᱧᱮᱞᱚᱜ ᱦᱟᱱᱮᱼ ᱵᱟᱹᱫ ᱵᱟᱹᱭᱦᱟᱹᱲ
ᱵᱮᱲᱦᱟᱭ ᱜᱚᱴᱟ ᱞᱚᱥᱚᱫᱽ,
ᱡᱟᱹᱯᱤᱫ ᱮᱵᱷᱮᱱ ᱱᱟᱹᱭ ᱜᱟᱰᱟ ᱫᱟᱜ
ᱞᱤᱸᱜᱤᱱ ᱵᱳᱠᱚᱫ ᱵᱚᱠᱚᱫ ᱾
ᱵᱟᱹᱛᱟᱹᱲ ᱧᱟᱢᱟᱱ ᱜᱚᱸᱜᱷᱟ ᱨᱚᱠᱚᱡ
ᱫᱟᱜ ᱨᱮ ᱦᱟᱞᱳ ᱠᱟᱴᱠᱚᱢ,
ᱵᱮᱲᱦᱟᱭ ᱵᱮᱰᱟᱼ ᱠᱚᱸᱜ ᱠᱤᱥᱱᱤ
ᱩᱰᱟᱹᱣ ᱛᱮᱠᱚ ᱯᱟᱨᱚᱢ ᱾
ᱫᱳᱞᱼᱫᱩᱞᱤ ᱨᱮ ᱠᱤᱭᱟᱹ ᱠᱟᱫᱟᱢ
ᱡᱷᱟᱨᱱᱟ ᱫᱟᱜ ᱠᱤᱱ ᱠᱟᱨᱟᱣ,
ᱟᱢᱟᱜ ᱧᱮᱯᱮᱞ ᱧᱟᱯᱟᱢ ᱠᱷᱟᱹᱛᱤᱨ
ᱨᱟᱹᱥᱠᱟᱹ ᱫᱚᱠᱤᱱ
ᱪᱷᱟᱨᱟᱣ ᱾
ᱮᱼ ᱨᱤᱢᱤᱞ ᱥᱮᱨᱢᱟ ᱨᱤᱢᱤᱞ
ᱢᱚᱱᱮ ᱟᱞᱚᱢ ᱢᱚᱥᱚᱫ,
ᱫᱷᱟᱹᱛᱤ ᱦᱚᱲ ᱠᱚ ᱠᱚᱭᱚᱜ ᱟᱠᱟᱫ
ᱛᱤᱨᱮ ᱚᱛᱮᱢ ᱞᱚᱦᱚᱫ ?
========== ᱞ ᱧ
==========
ᱨᱤᱢᱤᱞ ᱥᱟᱰᱮ
ᱦᱟᱸᱰᱮ ᱱᱟᱰᱮ
ᱵᱤᱡᱽᱞᱤ ᱵᱤᱞᱤᱫᱽ ᱵᱤᱞᱤᱫᱽ ।
ᱞᱚᱥᱚᱫ ᱠᱩᱞᱦᱤ
ᱮᱠᱟᱞ ᱡᱟᱹᱨᱦᱤ
ᱯᱤᱸᱰᱟᱹ ᱡᱤᱞᱮᱫᱽ ᱡᱤᱞᱮᱫᱽ ।
ᱥᱟᱛᱮ ᱫᱟᱜᱫᱚ
ᱟᱛᱩᱜ ᱠᱟᱱᱫᱚ
ᱨᱟᱪᱟ ᱫᱷᱟᱨᱮ ᱫᱷᱟᱨᱮ ।
ᱵᱟᱱᱩᱜ ᱡᱚᱛᱚᱱ
ᱥᱤᱢ ᱦᱚᱯᱚᱱ
ᱩᱢᱩᱞᱚᱜᱠᱚ ᱪᱩᱨᱮ ᱢᱟᱨᱮ ।
ᱫᱟᱜ ᱡᱩᱠᱷᱟᱹᱱ
ᱫᱷᱟᱹᱨᱛᱤ ᱢᱩᱸᱠᱷᱟᱹᱱ
ᱦᱚᱭ ᱦᱩᱞᱩᱭ ᱦᱩᱞᱩᱭ ।
ᱧᱮᱞᱚᱜ ᱟᱵᱟᱝ
ᱟᱨᱟᱝ ᱵᱟᱨᱟᱝ
ᱥᱮᱨᱢᱟ ᱡᱩᱞᱩᱭ ᱡᱩᱞᱩᱭ ।
ᱡᱟᱹᱯᱩᱫ ᱨᱤᱛᱩ ᱵᱤᱫᱟᱹᱭ ᱟᱠᱟᱱ
ᱦᱮᱢᱟᱞ ᱨᱤᱛᱩ ᱞᱟᱦᱟᱣ ᱟᱠᱟᱱ ᱾
ᱦᱮᱸᱫᱮ ᱨᱤᱢᱤᱞ ᱪᱟᱞᱟᱣ ᱟᱠᱟᱱ
ᱯᱳᱸᱰ ᱨᱤᱢᱤᱞ ᱩᱰᱟᱹᱣ ᱟᱠᱟᱱ ᱾
ᱜᱟᱹᱰᱭᱟᱹ,ᱜᱟᱰᱟ ᱯᱮᱨᱮᱡ ᱟᱠᱟᱱ
ᱛᱩᱯᱩ ᱟᱹᱨᱩᱵ ᱱᱟᱯᱟᱭ ᱟᱠᱟᱱ ᱾
ᱦᱩᱲᱩ ᱜᱟᱹᱪᱷᱤ ᱦᱟᱹᱨᱭᱟᱹᱲ ᱟᱠᱟᱱ
ᱪᱟᱹᱥᱤ ᱢᱚᱱᱮ ᱡᱤᱭᱟᱹᱲ ᱟᱠᱟᱱ ᱾
ᱵᱟᱹᱫᱽ,ᱵᱟᱹᱭᱦᱟᱹᱲ ᱜᱷᱟᱥ ᱟᱠᱟᱱ
ᱦᱮᱲᱦᱮᱫ ᱥᱟᱯᱟ ᱫᱷᱩᱨᱟᱹᱣ ᱟᱠᱟᱱ ᱾
ᱯᱚᱨᱟᱭᱱᱤ ᱵᱟᱦᱟ ᱯᱷᱩᱴᱟᱹᱣ ᱟᱠᱟᱱ
ᱯᱩᱠᱷᱨᱤ ᱟᱹᱰᱤ ᱥᱚᱵᱷᱟᱣ ᱟᱠᱟᱱ ᱾
ᱠᱟᱹᱥᱤ ᱜᱮᱞᱮ ᱵᱟᱦᱟᱣ ᱟᱠᱟᱱ
ᱜᱟᱰᱟ ᱟᱲᱮ ᱥᱟᱡᱟᱣ ᱟᱠᱟᱱ ᱾
ᱜᱷᱟᱥ ᱪᱮᱛᱟᱱ ᱥᱤᱥᱤᱨ ᱟᱠᱟᱱ
ᱵᱮᱲᱟ ᱛᱟᱨᱟᱥ ᱴᱷᱤᱞᱠᱟᱹᱣ ᱟᱠᱟᱱ ᱾
ᱫᱟᱥᱟᱭ ᱫᱟᱬᱟᱱ ᱳᱰᱳᱠ ᱟᱠᱟᱱ
"ᱦᱟᱭᱨᱮ" ᱥᱮᱨᱮᱧ ᱨᱟᱦᱟᱣ ᱟᱠᱟᱱ ᱾
ᱚᱠᱟ ᱥᱮᱨᱢᱟ ᱧᱮᱞ ᱟᱠᱟᱱ ?
ᱦᱚᱭ ᱫᱟᱜ ᱥᱟᱢᱟᱝ ᱟᱠᱟᱱ ᱾
ᱚᱲᱟᱜ ᱫᱩᱣᱟᱹᱨ ᱨᱟᱹᱯᱩᱫ ᱟᱠᱟᱱ
ᱦᱩᱲᱩ ᱦᱮᱲᱮ ᱠᱷᱚᱛᱤ ᱟᱠᱟᱱ ᱾
ᱥᱩᱠᱷ ᱫᱩᱠᱷ ᱛᱟᱞᱟᱣ ᱟᱠᱟᱱ
ᱦᱮᱢᱟᱞ ᱨᱤᱛᱩ ᱵᱤᱫᱟᱹᱭ ᱟᱠᱟᱱ ᱾
========== ᱞ ᱧ
==========
ᱥᱮᱨᱢᱟ ᱡᱟ.ᱲᱤ
ᱟᱸᱜᱚᱡ ᱟᱵᱚᱱ ᱫᱮᱞᱟ ᱜᱟᱛᱮ ᱫᱮᱞᱟ
ᱡᱟ.ᱲᱤ ᱫᱟᱜ
ᱨᱮ ᱨᱟᱹᱥᱠᱟᱹᱭ ᱟᱵᱚᱱ ᱫᱮᱞᱟ ᱥᱮᱵᱚᱱ ᱠᱷᱮᱞᱟ
ᱡᱷᱚᱢ ᱡᱷᱚᱢ
ᱡᱷᱚᱢ ᱫᱟᱜ ᱫᱚ ᱡᱚᱨᱚᱜ ᱫᱟᱨᱮ ᱫᱟᱠᱟᱢ ᱫᱟᱱᱟᱝ
ᱱᱟᱱᱟ ᱦᱩᱱᱟᱹᱨ
ᱵᱟᱦᱟ ᱧᱩᱨᱩᱜ ᱫᱮᱞᱟ ᱥᱮᱵᱚᱱ ᱦᱟᱞᱟᱝ ᱾
ᱚᱠᱚᱭ ᱜᱟᱛᱮ
ᱵᱟᱭ ᱥᱮᱴᱮᱨᱟ ᱵᱷᱮᱡᱟ ᱟᱭᱟᱵᱚᱱ ᱵᱮᱣᱨᱟ
ᱦᱟᱱᱤ ᱛᱚᱨᱟ
ᱛᱮᱭᱟᱨ ᱢᱮᱱᱟᱭ ᱯᱤᱭᱚᱱ ᱦᱟᱲᱟᱢ ᱜᱷᱮᱣᱨᱟ
ᱚᱞ ᱟᱭᱟᱵᱚᱱ
ᱱᱮᱣᱛᱟ ᱜᱤᱨᱟ. ᱚᱞ ᱟᱭᱟᱵᱚᱱ ᱰᱚᱜᱚᱨ
ᱦᱤᱡᱩᱜ ᱛᱮᱜᱮ
ᱦᱳᱭᱳᱜ ᱛᱟᱭᱟ ᱨᱟ.ᱥᱠᱟ.ᱭᱟᱵᱚᱱ ᱡᱚᱵᱚᱨ ᱾
ᱧᱩᱛᱟ.ᱛ
ᱦᱤᱡᱩᱜ ᱨᱤᱢᱤᱞ ᱜᱷᱳᱨᱛᱮ ᱢᱮᱱᱟᱭ ᱱᱟᱥᱮ ᱵᱮᱲᱟ
ᱨᱟᱦᱞᱟ ᱨᱤᱢᱤᱞ
ᱫᱟᱱᱟᱝ ᱨᱮ ᱵᱮᱲᱟ ᱫᱚ ᱩᱥᱟ.ᱫ ᱯᱮᱲᱟ
ᱫᱟᱨᱮ ᱱᱟ.ᱲᱤ
ᱞᱟᱸᱫᱟᱭᱮᱛ ᱠᱚ ᱥᱤᱨᱡᱚᱱᱤᱭᱟ.ᱵᱚᱱ ᱞᱟᱹᱭᱟᱭ
ᱟᱢᱟᱜ ᱥᱤᱨᱡᱚᱱ
ᱥᱚᱨᱮᱥ ᱥᱤᱨᱡᱚᱱ ᱢᱚᱱᱮ ᱡᱤᱣᱤᱭ ᱟᱫᱟᱭ ᱾
ᱥᱤᱸᱜᱟᱲ ᱤᱯᱤᱞ
ᱵᱟᱝᱠᱚ ᱧᱮᱞᱚᱜ ᱛᱮᱦᱮᱧ ᱛᱟᱠᱚ ᱪᱷᱩᱴᱤ
ᱧᱤᱫᱟᱹ
ᱪᱟᱸᱫᱳᱦᱚᱸ ᱵᱟᱭ ᱞᱟᱲᱟᱣ-ᱟ ᱛᱮᱦᱮᱧ ᱫᱚ ᱢᱮᱫ ᱠᱩᱴᱤ
ᱛᱮᱦᱮᱧ ᱧᱤᱫᱟᱹ
ᱛᱟᱸᱦᱮ ᱚᱪᱚ ᱛᱮᱨᱫᱮᱡ ᱧᱤᱫᱟᱹ ᱟᱯᱷᱪᱷᱟ
ᱫᱮᱵᱟᱞᱳ ᱠᱚ
ᱥᱟᱸᱣ ᱠᱷᱤᱞᱰᱩ ᱮᱱᱮᱪ ᱜᱟᱛᱮ ᱢᱤᱫᱚᱜ ᱵᱚᱱ ᱟᱪᱠᱟ ᱾
ᱵᱤᱨ ᱵᱩᱨᱩᱠᱚ
ᱪᱚᱦᱟᱱ ᱟᱠᱟᱱ ᱱᱟᱱᱟ ᱦᱩᱱᱟ.ᱨ ᱵᱟᱦᱟᱛᱮ
ᱪᱚᱞᱚᱵᱚ
ᱯᱟᱸᱡᱟᱭ ᱥᱚᱸᱫᱷᱟᱲ ᱵᱟᱦᱟ ᱚᱠᱚᱭ ᱵᱚ ᱪᱟᱞᱟᱜ ᱞᱟᱦᱟᱛᱮ
ᱠᱩᱠᱢᱩ ᱫᱤᱥᱚᱢ
ᱛᱤᱢᱤᱱ ᱥᱟᱸᱜᱤᱧ ᱥᱮᱱᱚᱜ ᱟᱵᱚᱱ ᱯᱟ.ᱨᱤ
ᱟᱞᱚᱢ ᱟᱥᱳᱲ
ᱥᱮᱨᱢᱟ ᱠᱟ.ᱲᱤ ᱱᱤᱛᱨᱮ ᱟᱞᱚᱢ ᱟᱹᱲᱤ ᱾
========== ᱞ ᱧ ==========
ᱟᱥᱟᱲ ᱥᱟᱱ
ᱵᱚᱸᱜᱟ
ᱦᱚᱲᱢᱚ ᱠᱟᱢᱤ
ᱞᱟᱸᱜᱟ
ᱪᱟᱥᱤ ᱦᱚᱯᱚᱱ
ᱵᱟᱹᱫᱽ ᱠᱷᱮᱛ ᱨᱮ
ᱠᱟᱢᱤ ᱟᱭᱩᱵ
ᱟᱸᱜᱟ ᱿
ᱥᱮᱛᱟᱜ ᱯᱟᱭᱟᱜ ᱯᱩᱭᱩᱜ
ᱪᱟᱞᱟᱜ ᱟᱠᱚ ᱥᱤᱭᱩᱜ
ᱥᱟᱨᱟ ᱫᱤᱱ
ᱠᱟᱢᱤ ᱠᱟᱛᱮ
ᱦᱤᱡᱩᱜ
ᱟᱠᱚ ᱟᱭᱩᱵ ᱿
ᱵᱟᱹᱫ ᱨᱮᱜᱮ
ᱡᱚᱢ ᱟᱠᱚ
ᱡᱤᱨᱟᱹᱣ
ᱵᱟᱱᱩᱜ ᱛᱟᱠᱚ
ᱱᱚᱝᱠᱟ ᱠᱟᱛᱮ ᱨᱚᱦᱚᱭ ᱠᱟᱢᱤ
ᱩᱱᱠᱩ ᱯᱩᱨᱟᱹᱣ
ᱟᱠᱚ ᱿
ᱱᱚᱣᱟ ᱵᱷᱟᱨᱚᱛ
ᱫᱤᱥᱚᱢ
ᱪᱟᱥ ᱜᱮ
ᱢᱟᱨᱟᱝ ᱡᱷᱚᱛᱚ ᱠᱷᱚᱱ
ᱚᱱᱟ ᱠᱷᱟᱹᱛᱤᱨ ᱥᱟᱨᱦᱟᱣ ᱠᱚ ᱵᱚᱱ
ᱥᱟᱱᱟᱢ ᱪᱟᱥᱤ ᱦᱚᱯᱚᱱ ᱿
========== ᱞ ᱧ ==========
ᱨᱟᱜ ᱫᱟᱱᱫᱟᱛᱮ
ᱟᱱᱫᱳᱲ ᱠᱚᱜ
ᱥᱤᱧ ᱧᱤᱫᱟᱹᱜᱮ ᱜᱷᱟᱲᱤ
ᱵᱟᱵᱩ ᱢᱟᱹᱭᱟᱜ
ᱪᱮᱨᱮᱪ ᱟᱲᱟᱝ
ᱟᱸᱡᱚᱢᱚᱜ ᱚᱨᱟᱯᱟᱨᱤ ᱾
ᱥᱚᱞᱚᱜ ᱵᱚᱠᱚᱜ
ᱛᱟᱦᱮᱱ ᱡᱚᱛ
ᱚᱲᱟᱜ ᱫᱩᱭᱟᱨ ᱨᱟᱪᱟ
ᱥᱤᱲᱤᱨ ᱜᱟᱲᱤᱨ
ᱫᱟᱜᱛᱮ ᱯᱤᱱᱰᱟ
ᱞᱚᱥᱚᱫᱚᱜ ᱥᱤᱞᱯᱤᱧ ᱠᱚᱪᱟ ᱾
ᱜᱤᱫᱽᱨᱟᱹ
ᱠᱚᱣᱭᱟᱜ ᱦᱤᱡᱩᱜ ᱥᱮᱱᱚᱜ
ᱞᱮᱛᱟᱲ ᱠᱚᱜ-ᱟ ᱫᱤᱱ
ᱠᱩᱰᱟᱹᱢ ᱥᱟᱛᱮ
ᱠᱷᱤᱞᱰᱩ ᱮᱱᱮᱪ
ᱟᱠᱚᱜᱮ ᱛᱟᱠ ᱫᱷᱤᱱ !
ᱫᱟᱲᱮ ᱦᱚᱲ ᱫᱚ
ᱠᱟᱹᱢᱤ ᱯᱤᱪᱷᱟᱨᱮ
ᱦᱟᱲᱟᱢ ᱵᱤᱰᱦᱤ ᱚᱲᱟᱜ
ᱜᱤᱫᱽᱨᱟᱹ
ᱠᱚᱢᱟ ᱧᱤᱨ ᱵᱟᱲᱟᱨᱮ
ᱜᱚᱲᱚᱢ ᱴᱷᱮᱱᱮ ᱜᱷᱸᱲᱟᱜ ᱾
ᱫᱟᱭᱟ ᱢᱟᱭᱟᱛᱮ
ᱚᱲᱟᱜ ᱛᱟᱞᱟᱨᱮ
ᱵᱟᱞᱮ ᱜᱤᱫᱽᱟᱨᱹ ᱦᱟᱨᱟᱜ
ᱠᱩᱥᱤ
ᱨᱟᱹᱥᱠᱟᱹ ᱡᱚᱛ ᱥᱟᱞᱟᱜᱨᱮ
ᱥᱤᱛᱩᱝ ᱞᱮᱠᱟ ᱪᱷᱟᱨᱟᱜ ᱾
ᱫᱩᱞᱟᱹᱲ ᱛᱟᱞᱟ
ᱵᱟᱵᱩ ᱢᱟᱹᱭ ᱫᱚ
ᱢᱟᱨᱥᱟᱞᱟ ᱚᱲᱟᱜ ᱛᱟᱞᱟ
ᱜᱤᱫᱽᱨᱟᱹ
ᱵᱮᱜᱚᱨ ᱵᱮᱲ ᱵᱟᱠᱷᱳᱞ
ᱪᱤᱠᱟᱹᱛᱮ
ᱥᱚᱵᱷᱟᱜ ᱵᱷᱟᱞᱟ ᱾
========== ᱞ ᱧ ==========
ᱟᱞᱮ ᱴᱷᱚᱜ
ᱦᱟᱲᱟᱢ ᱰᱚ ᱰᱚ
ᱴᱷᱮᱝᱜᱟ ᱴᱷᱚᱜ
ᱴᱷᱚᱜ
ᱵᱷᱳᱨ ᱠᱷᱚᱱ
ᱟᱜ᱾
ᱟᱞᱮ ᱴᱷᱚᱜ
ᱴᱷᱮᱝᱜᱟ ᱥᱟ
ᱯᱟᱯ ᱛᱤ
ᱞᱟᱜᱟ ᱠᱚᱟ ᱛᱤ
ᱛᱤ
ᱢᱚᱱᱮ ᱡᱤᱣᱤ
ᱪᱷᱤᱛᱤ ᱵᱤ ᱛᱤ᱾
ᱟᱞᱮ ᱴᱷᱚᱜ
ᱦᱟᱲᱟᱢ ᱰᱚ ᱰᱚ
ᱫᱩᱲᱩᱯ ᱟ
ᱜᱟᱸᱰᱚ
ᱡᱚᱢᱟ ᱵᱮᱞᱮ
ᱯᱚᱰᱳ᱾
ᱟᱞᱮ ᱴᱷᱚᱜ
ᱡᱷᱤᱸᱜᱟᱹ ᱰᱚ
ᱰᱚ
ᱧᱤᱫᱟᱹ ᱠᱷᱚᱸᱰ
ᱚᱜ ᱠᱷᱚᱸᱰ ᱚᱜ
ᱡᱤᱣᱤ ᱞᱚᱜ ᱢᱚ
ᱰᱚᱜ ᱢᱚᱰᱚᱜ᱾
========== ᱞ ᱧ
==========
ঝিপির ঝিপির দাঃএ জৗড়িয়
সিঙ্গৗড় সেতাঃ তিকিন
নংকা তেগে চিহিল চিপিল
খেত মা জৗপুৎ দিন।
দাঃ মা জৗড়িয় সাকাম চেতান
আর হঁ বাহা করে
লেগেজ লেগেজ হুড়ু চেতান
সিরম দাঁধি করে ।
দাঃ মা জৗড়িয় কুম্বৗ চেতান
বুসুপ চৗকি করে
টিপৗ টড়ঃ গুঙ্গু চেতান
কাডা দেরেঞ চটরে।
মেরম ভিডি একাল বতর
ঝিপির জৗড়ি লেখান
টুয়ুল টুয়ুল দন দন আতে
গোড়া পিণ্ডৗ চেতান ।
দাঃমা জৗড়িয় বীর মা চেতান
চেঁড়েঁ ঠন্টা করে
হৗরি হৗরয়ৗড় লুগুৎ লুগুৎ
সৗগুন ধুবি ঘাঁস রে।
হাডাক ডাবাক আতুঃ গাডা
ধিরি ডৗডি করে
জৗপুৎ মাহা দাঃমা জৗড়িয়
বাড়গে লাতার করে ।
ঝিপির ঝিপির দাঃএ জৗড়িয়
বোতাম উদ্ মা চেতান
সুনুম রেকো ভাজায় রেদ
একাল অৗডি যতান।
দাঃমা জৗড়িয় বুরু চেতান
নাগার বাজার করে
হিসিৎ হয়ে ওটাং ইদিয়
সাঁঙ্গিঞ দিশম করে।
লহৎ কেদায় ধৗরতী দিশম
ঝিপির জৗড়ি আতে
ইঞাঃ মনেয় খিলডু এনেচ্
ঝিপির জৗড়ি সাঁওতে ।
========== ᱞ ᱧ
==========
ধৗরতী চেতান সেরমা রিমিল
ঞেলঃ নাপায় লিলিবিচি,
ঞিদৗ বেড়া চান্দো মামা
সাঁওতে ইপিল ছিতিবিতি।
তিনৗঃ লেকান কুদুম কৗহনী
সেরেঞ গিদরৗ বৗউলী,
চান্দো মামা হৗনি চটরে
ঞেলেকো মৗনমী জিয়ৗলি।
খঁজ আকো তোওয়া দাকা
লৗটু পাপাঃ কুটি,
তেরদেৎ মার্শাল ছাটকা পিঁডৗ
কয়োগ লাঁদা লুটি।
ভারত দিশম মহাকাশ সেন্টার
মেনাঃ ইসরো শ্রীহরিকোঠারে,
অডে ক কৗমি সাঁড়েসিয়ৗ
মহাকাশ থিওরী খদরংরে।
দখিন মেরু চান্দো দিশম
চন্দ্রযান-৩ চালাও এন,
ধারতী জাকাৎ দিশম হড়
আডি ক হাহাড়াঃ এন।
ইসরো রকেট চন্দ্রযান-৩তে
ভেজা কেদেকো বিক্রম,
চান্দো মামা দিশম হিরি
তলাস অৗডি রকম।
গুড়খৗও আতে গটায় দাঁড়ান
হর লেকা দিব্বি,
উদুঃ আবনে রহড় চাদড়া
ধিরি গাডা ঢিপি।
তুনুম ডিডৗও চিতৗরে ভেজায়
ঞেলোঃ মোবাইল টিভি,
কুকমু আবোআঃ সৗরি আকান
রৗস্কৗয় আবোন হেবি।
========== ᱞ ᱧ ==========
আমরেন মামা, ইংরেন মামা -
মামা, বাবারেন হঁ ভালা -
অকয় মামা, বাড়ায় খানেম
এম কৗতিঞ মে তেলা।
উনি মামা দ ঞিদৗয় লাঁদায়!
সিং বেড়াদয় জৗপিদ।
সানাম কগেয় চেরেজ কোওয়া!
আয়াঃ অক্ত নৗপিৎ।
ঝত হড়রেন মামা উনিদ
মিৎ হড়রেন দ বাং।
দাঃ জৗড়ি আর রিমিল খৗতির,
তাহেনায় দানাং।
হড় ক চালাঃ উডেন গৗডি -
আরহঁ চেতাৎ কতে!
ইংমৗঞ সেনঃ মামা অড়াঃ,
জানাম আয়ু সাঁওতে।
বাহা সহরায় বাপ্লা অড়াঃ,
ইংমাঞ সেন হিজুঃ!
তিস রেচক সেন আকানা -
হেজ গে বাক হিজুঃ।
মামা অড়াঃ রে তয়া দাহে-
আরহঁ জিল দাকা।
আকমা খৗলি রেঁগেজ তেগে -
তিনৗঃ হাকা-পাকা।
ইংমৗঞ খেলোড দৗই-দাদা সাঁও-
আরহঁ আতু গাতে।
উনকু মা ঘৗড়ি, চেৎ ক পাঁজায় -
মিৎ গে হানতে - নাতে।
========== ᱞ ᱧ ==========
অকা আমেম কুশিয়াঃ
যত গে মেনাঃ ধৗরতি রে
দুড়ুপ কাতে অড়াঃরে
বাং ঞামঃ পান্তেতে।
বাং ঞেলাঃ ঞেঞেল সানা
বাং জমাঃ জ জম
মেৎ মনে দৗড় সেনঃ
মানা গে বায় আজম।
মনে রেনাঃ আশ কুকমু
মনে গে আসেন বাড়ায়
মনে দাড়ে গে মারাং দাড়ে
রৗপুদ তাড়াম হর রে আড়ে।
জম কাতে রেঁগেচ চাবা
ঞু কাতে জিউয়ি তেতাং
বাড়ায় সানা বৗড়তি মে
সাহাও মে রেঁগেচ তেতাং।
রাঃ রাঃ তেম সেঁড়ায় রড়
মেৎ তে উরুম অড়াঃ হড়
থিয়ৗ থাপে তিঁগু তাড়াম
তাঁহেন কানা রেঁগেচ তেতাং।
সিরজৗও গে সিরজন দাড়ে
সিরজনিয়ৗয় এম আকাত
আমঠেন গে মেনাঃ সানাম
আমাঃ গে সরেশ জানাম।
রেঁগেচ তেতাং আনাট
মৗনমি জিউয়ি মলাট
আলম তাঁহেন মলাট দানাং
আগামে মজ্ রেঁগেচ তেতাং।
========== ᱞ ᱧ ==========
জগ্ মাঝি গিদরৗ
সাঁওতে
সেতাঃ খনগেয়
দাঁড়ান্,
বুসাঃ সিমকো
সাবেৎ কোওয়া
বৗনুঃ কোওয়া
সেঁড়ান্।
চুরুচ্ চাওলেতে
টুংকি পেরেজেন
সিম হপনতে টরডাং,
বাড়গে লাতার
ডাহার আড়েতে
মুঁচক দক টুঁডৗং।
হহয়েৎকো মারাংবুরু
জাহেরায়ো মড়েতুরুইকো
এমাবন লৗগিৎকো থুম্,
নাপায়তে তাঁহেন
সানাম খানদ কাথা
আলোম লেবেদ্
লুটুম্।
হাডার হুডুর
ঘানটা সাডে
জাহের বুটৗ আড়ে,
সিবিল সড়ম বঁগা
ইতৗদ্
জাহের সিম সড়ে
।
আমদ খেরোওয়াড়
আদিম হপন
সতয়া বঁগাবুরু
কোতাম,
সরগপুরি খনকো
আঁড়গো হিজুঃ
সাব্ সাবতে তড়েসুতৗম্।
আতু খনদো সানাম
সানতাড়
দেলাবন্ জাহের্
থানতে,
জাহের সড়ে জজম্
লৗগিৎ
দুড়ুবাবো পানতে
পানতে।
তেঁহেঞাঃ দিনরে
এমপে বিনিড্
সিদুব্ কেটেজপে
ধেয়ান্,
বছর দিনদো দিনৗম্
দিনৗম্
বঁগাবুরু এমাপেয়াকো
গেয়ান্।
ফৗগুন বঁগা বঁগাবুরু
কোওয়াঃ
আশিষ থুম্ হাতাওপে,
জাহের সড়ে জম্
জংপে
হাড়ামকোওয়াঃ
কাথা বাতাওপে।
========== ᱞ ᱧ ==========
নেতার হঁচো আঁজম
বাড়াঃ
হুলগৗরিয়ৗয় তাঁহে কানা,
ভারত ছাড়ো আঁদোড়
রেদ
উনিয় সেলেদ্ লেনা।
ঞুতুম তায়দ পৗইকৗ
মুরমু
দুমকা টোঠা রেনগে,
নোওয়া কাথা আয়মা
হড়গে
বাংকো বাডায় আনগে।
জবরদহ রেগে হোয়লেন
অড়াঃ
মারাং বৗইসি হানে,
মেনকো ভালা অঁডে
গেচো
সভা গমকে লেনে।
আঃসার কৗপি টেঁগচ্
আতে
জাওরা জত কোতে,
ভারত ছাড়ো লাড়াওনা
রেথো
দন খাঁজো এতে।
দুমকা রামপুরহাট
সড়ক রেয়াঃ
পুলকো রৗপুদ্ কেদা,
ঝিলি ডাবরা বিজলি
লাইন
তারকো গেৎ লেদা।
লৗড়হৗই কাজাক
চালাও আনায়
রিকিড় মনে অনা,
ইংরৗজ পুলিশ
সান্তাড় দাবনরে
জালে থালে এনা।
পলাশী অঞ্চল
মিদুন রেহঁ
পারসেৎ লেদে য়াকো,
হাজার হাজার
হড় গেথো,
সহর সেটের লেনাকো।
আচকা মিলিটারী
গুলি কোদ
উনরেকো আড়াঃ কেদা,
আয়মা হড়কো ঘায়েন
এনা
গচ্এন কিন বার্য়া আদ।
উনগে অকত সাব
রেনাঃ
হুকুম জৗরি এনা,
উনি সালাঃ এটাঃ
নেতাকো
ওকো চোকো লেনা।
দিলমান কৗমি
দিশম তালা
এনেমে দহ আনা,
অনে উনখন যুগে
যুগে
একালকো দিশৗয়ে কানা।
========== মুচৗৎ
==========
.webp)
.webp)
.webp)
