সিঁগি মাহা রেনাঃ সাকাম ‘চেরেচ্ আড়াং’ লেখা- ১৪৬

 

“আবোওয়াঃ কাথা” গে উছৗনঃডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌  ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱨᱟᱢᱯᱚᱫᱚ ᱠᱤᱥᱠᱩ,  ᱠᱤᱥᱠᱤᱱᱫᱷᱟ   ᱢᱩᱨᱢᱩ,   ᱥᱟᱹᱜᱩᱱ   ᱥᱤᱠᱟᱹᱨᱤᱭᱟᱹ, ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ,  বাড়তাং  সরেন,  অনলবিঁদি, সনাতন টুডু,  সিতেন মান্ডি,  কানন হাঁসদা, সনৎ কুমার হাঁসদা, দুগাই টুডু, ঠেন্টা মুরমু,  বাবলু সরেন, সমরলাল টুডু, দুলৗড় বিটি।

  

১।।

ᱦᱩᱞ ᱢᱟᱦᱟ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱯᱮᱜᱮᱞ ᱡᱩᱱᱫᱚ ᱦᱩᱞ ᱢᱟᱦᱟ
ᱵᱷᱚᱜᱽᱱᱟᱰᱤᱨᱮ ᱜᱚᱴᱟ ᱞᱮᱱᱟ ᱡᱟᱸᱦᱟ ।

ᱥᱤᱫᱩ ᱠᱟᱹᱱᱩ ᱪᱟᱸᱫᱽ ᱵᱷᱟᱹᱭᱨᱳ
ᱥᱟᱸᱜᱮ ᱥᱟᱱᱛᱟᱲ ᱦᱩᱞᱜᱟᱹᱨᱤᱭᱟᱹ ᱟᱨᱳ।

ᱡᱩᱢᱤᱫᱽ ᱞᱮᱱᱠᱚ ᱫᱤᱥᱚᱢ ᱫᱤᱥᱩᱣᱟᱹ
ᱚᱨᱚᱝ ᱞᱮᱫᱟᱠᱚ ᱦᱩᱞ  ᱥᱟᱠᱣᱟ।

ᱦᱟᱛᱟᱣ ᱞᱮᱫᱠᱚ ᱥᱚᱱᱚᱛ ᱠᱤᱨᱭᱟᱹ
ᱥᱟᱯᱽᱲᱟᱣ ᱞᱮᱱᱠᱚ ᱜᱚᱜ ᱵᱷᱟᱹᱨᱟᱹᱭᱟᱹ।

ᱵᱟᱧᱪᱟᱣ ᱞᱟᱹᱜᱤᱫᱽ ᱥᱤᱧᱚᱛ ᱟᱭᱳ
ᱡᱤᱣᱤᱠᱚ ᱟᱞᱟᱭ ᱛᱷᱟᱭᱳ ᱛᱷᱟᱭᱳ ।

ᱢᱟᱨᱟᱝ ᱠᱟᱛᱮ ᱟᱵᱚ ᱦᱚᱸᱛᱚ
ᱟᱭᱩᱨ  ᱚᱜᱵᱚ ᱢᱤᱫᱛᱮ ᱡᱚᱛᱚ ।

ᱦᱮᱞᱮᱪ ᱠᱟᱛᱮ ᱵᱟᱹᱭᱨᱤ  ᱜᱟᱡᱟᱲ
ᱵᱟᱹᱭᱨᱤ  ᱠᱚᱣᱟᱜ ᱜᱷᱟᱸᱴᱤᱵᱚ ᱩᱡᱟᱹᱲ ।

ᱮᱸᱰᱮᱭᱟᱱᱟ ᱥᱟᱜᱩᱱᱚᱜ ᱦᱩᱞ ᱢᱟᱦᱟ
ᱵᱷᱚᱜᱽᱱᱟᱰᱤᱨᱮ ᱜᱚᱴᱟ ᱞᱮᱱᱟ ᱡᱟᱸᱦᱟ । 

=========== ᱞ ᱧ ===========

২।। 

ᱮ ᱟᱭᱳ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱮ ᱟᱭᱳ ᱟᱭᱳ ᱼ 

ᱴᱤᱯᱤᱱ ᱫᱟᱠᱟ ᱥᱟᱵ ᱠᱟᱛᱮ

ᱚᱠᱟᱢ ᱪᱟᱞᱟᱜ ᱠᱟᱱᱟ ?

ᱤᱧ ᱦᱚᱸ ᱟᱭᱳ ᱟᱢ ᱥᱟᱶ ᱤᱧ 

ᱪᱟᱞᱟᱣ ᱛᱚᱨᱟᱜᱼᱟ. ᱾

 

ᱮ ᱫᱩᱞᱟ.ᱲ ᱵᱮᱴᱟ ᱼ

ᱤᱧ ᱫᱩᱧ ᱪᱟᱞᱟᱜ ᱵᱟᱡᱟᱨ ᱠᱟ.ᱢᱤ

ᱞᱟ.ᱰᱩᱧ ᱟ.ᱜᱩ ᱟᱢᱟ,

ᱚᱲᱟᱜ ᱨᱮ ᱜᱟᱛᱮ ᱥᱟᱶ

ᱛᱟᱸᱦᱮ ᱦᱟᱛᱟᱲᱚᱜ ᱢᱮ ᱾

 

ᱮ ᱥᱳᱱᱟ ᱵᱮᱴᱟ ᱼ

ᱱᱤᱛ ᱜᱮ ᱦᱟᱸᱜ ᱤᱧ ᱨᱩᱣᱟ.ᱲ ᱦᱤᱡᱩᱜ

ᱟ.ᱣᱨᱤ ᱟᱭᱩᱵ ᱛᱮᱜᱮ,

ᱟᱭᱳᱣᱟᱜ ᱢᱟᱱᱟ ᱵᱟᱨᱚᱱ ᱫᱚ

ᱟᱸᱡᱚᱢ ᱦᱩᱭᱩᱜ ᱜᱮ ᱾

=========== ᱞ ᱧ ===========

৩।।

ᱢᱟ ᱛ ᱠᱚᱢ

ᱨᱟ ᱢᱯᱚᱫᱚ  ᱠᱤᱥᱠᱩ

 

ᱫᱟ ᱨᱮ  ᱧᱩᱛᱩᱢ ᱢᱟ ᱛᱠᱚᱢ

ᱵ ᱟ ᱦᱟ  ᱧᱩᱛᱩᱢ  ᱢᱟ ᱛᱠᱚᱢ

ᱡᱚ  ᱠᱷᱟ ᱱ ᱫᱚ  ᱠᱩᱸᱭᱰᱤ

ᱪᱚᱠᱟ ᱜ ᱧᱩᱛᱩᱢ  ᱵᱟ ᱠᱲᱮ ᱿

 

ᱵ ᱮᱨᱮᱞ ᱢᱟ ᱛᱠᱚᱢ  ᱞᱮᱴᱳ  ᱜᱟ ᱱᱚᱜ

ᱨᱚᱦᱚᱲ  ᱠᱟᱛᱮ ᱛᱮᱠᱮ ᱜᱟ ᱱᱚᱜ

ᱨᱚᱦᱚᱲ ᱠᱟᱛᱮ ᱦᱩᱲᱩᱝ ᱞᱮᱠᱷᱟ ᱱ

ᱟ ᱰᱤ ᱥᱤᱵᱤᱞ ᱞᱟ ᱴᱷᱮ ᱵᱮᱱᱟ ᱜ᱿

 

ᱠᱩᱹᱭᱰᱤ ᱠᱷᱚᱱ ᱫᱚ ᱥᱩᱱᱩᱢ ᱵᱮᱱᱟ ᱜ

 

ᱨᱚᱰᱚᱪᱽ    ᱥᱟᱨᱮᱪᱽ ᱠᱩᱹᱭᱰᱤ ᱦᱚᱞᱚᱝ

ᱨᱚᱦᱚᱲ ᱠᱟᱛᱮ  ᱠᱟᱲᱮ ᱵᱮᱱᱟᱜ

ᱠᱩᱹᱭᱰᱤ ᱠᱟᱲᱮ ᱟᱰᱤ ᱠᱟᱢᱤᱨᱮ ᱞᱟᱜᱟᱜ ᱿

 

ᱢᱟ ᱛᱠᱚᱢ ᱛᱮ ᱯᱟᱹᱨᱣᱟᱹ ᱵᱮᱱᱟᱜ

ᱯᱟᱹᱨᱣᱟᱹ ᱨᱮᱫᱚ ᱪᱮᱫ ᱪᱚ  ᱢᱮᱱᱟᱜ

ᱯᱟᱹᱨᱣᱟᱹ ᱧᱩ ᱫᱚ ᱵᱩᱵᱩᱞ ᱜᱮᱭᱟ

ᱮᱠᱟ ᱞ ᱚᱱᱟ  ᱟ ᱞᱳᱯᱮ ᱧᱩᱭᱟ᱿

=========== ᱞ ᱧ ===========

৪।।

ᱫᱟ ᱠᱟ  ᱩᱛᱩ

 ᱠᱤᱥᱠᱤᱱᱫᱷᱟ   ᱢᱩᱨᱢᱩ

 

ᱜᱚᱜᱚ ᱤᱥᱤᱱ  ᱥᱮᱛᱟ ᱜ ᱟ ᱭᱩᱵ

    ᱡᱚᱢᱟ ᱞᱮ ᱩᱛᱩ ᱫᱟ ᱠᱟ  ,

ᱥᱤᱵᱤᱞ ᱛᱮᱜᱮ ᱞᱟᱪ ᱫᱚ ᱵᱤᱜ-ᱟ

       ᱟ ᱰᱤ ᱥᱚᱲᱚᱢ ᱞᱮᱠᱟ  ᱾

 

ᱫᱟ ᱠᱟ ᱥᱟ ᱞᱟ ᱜᱛᱮ ᱩᱛᱩ ᱨᱟ ᱥᱮᱛᱮ

        ᱞᱚᱦᱚᱫ ᱠᱟ ᱛᱮ ᱡᱚᱢ ,

ᱢᱚᱱᱮᱨᱮ ᱵᱟᱝᱜᱮ ᱠᱩᱥᱤ ᱟ ᱭᱠᱟᱹᱜ

            ᱮᱠᱟ ᱞ ᱡᱩᱫᱤ  ᱠᱚᱢ  ᱾

 

ᱟᱲᱟ ᱜ ᱥᱟ ᱠᱟ ᱢ ᱡᱤᱞ ᱦᱟ ᱠᱳᱛᱮ

          ᱫᱚᱢᱮ ᱫᱟ ᱠᱟ ᱡᱚᱢᱚᱜ ,

ᱥᱮᱛᱟ ᱜ ᱛᱤᱠᱤᱱ ᱧᱤᱫᱟᱹ ᱟ ᱭᱩᱵ

            ᱜᱚᱜᱚ ᱟᱫᱚᱭ ᱮᱢᱚᱜ  ᱾

=========== ᱞ ᱧ ===========

৫।।

ᱟ ᱪᱚᱠᱟ  ᱫᱟ ᱜ

ᱥᱟᱹᱜᱩᱱ  ᱥᱤᱠᱟᱹᱨᱤᱭᱟᱹ

  

ᱟ ᱰᱤᱜᱮ ᱥᱤᱛᱩᱝ ᱫᱤᱱᱨᱮ

     ᱨᱚᱦᱚᱲ  ᱞᱚᱞᱚᱜᱮ,

ᱫᱷᱟ ᱨᱛᱤ ᱫᱷᱤᱲᱤ ᱦᱟ ᱥᱟᱨᱮ

    ᱟ ᱨᱟ ᱨᱚᱜ  ᱡᱟᱸᱜᱟ ᱜᱮ  ᱾

  

ᱜᱩᱨᱞᱟ ᱜ  ᱵᱷᱟᱱᱰ ᱳ ᱦᱚᱭ

      ᱯᱩᱪᱷᱤᱢ ᱱᱟ ᱠᱷᱟᱨᱮ,

ᱛᱟ ᱨᱟ ᱥᱤᱧ ᱵᱮᱲᱟ ᱫᱚᱭ

          ᱨᱤᱢᱤᱞᱮ ᱩᱱᱟ ᱣᱨᱮ  ᱾

  

ᱦᱚᱭ ᱩᱛᱩᱲᱟ ᱚᱲᱟ ᱜ ᱫᱚ

       ᱦᱚᱭᱜᱮ ᱵᱟ ᱡᱟ ᱜ-ᱟ ,

ᱪᱮᱲᱮ  ᱪᱤᱯᱨᱩᱫᱽ ᱠᱚᱫᱚ

        ᱰ ᱟᱹᱨᱨᱮ ᱥᱟ ᱵᱚᱜ-ᱟ  ᱾

  

ᱵᱤᱡᱽᱞᱤ ᱟ ᱛᱮ ᱦᱩᱰ ᱩᱨ

       ᱤᱲᱤᱡᱽᱜ ᱢᱮᱫᱜᱮ ,

ᱨᱮᱭᱟᱲ ᱫᱟᱜᱜᱮ ᱪᱩᱰᱩᱨ

      ᱡᱷᱟᱨᱟ ᱴ ᱟ ᱰᱤᱜᱮ  ᱾

  

ᱞᱚᱞᱚ ᱴᱟ ᱴᱟᱣ ᱫᱷᱩᱲᱤ ᱨᱮᱫᱚ

       ᱥᱟᱸᱭ ᱥᱟᱸᱭ ᱚᱨ ᱫᱟ ᱜ,

ᱪᱮᱲᱮ ᱠᱚᱫᱚ ᱠᱩᱥᱤᱛᱮᱫᱚ

         ᱨᱮᱭᱟᱲ ᱜᱮᱠᱚ ᱨᱟ ᱜ  ᱾

  

ᱪᱷᱟ ᱝ ᱪᱷᱩᱝ ᱟᱸᱡᱮᱫ ᱪᱟ ᱵᱟ-ᱟ

              ᱢᱤᱫ ᱜᱟ ᱲᱤᱪᱛᱮ ,

ᱥᱤᱛᱩᱝ ᱫᱤᱱ ᱫᱚ ᱟᱸᱡᱮᱫᱚᱜ

          ᱥᱟ ᱨᱤᱜᱮ ᱞᱟ ᱦᱟ ᱛᱮ   ᱾

  

ᱥᱟᱸᱣᱛᱮ ᱟ ᱨᱮᱞ ᱧᱩᱨᱩᱜ

         ᱨᱮᱭᱟᱲ ᱨᱮᱭᱟ ᱲ  ,

ᱡᱳᱨᱛᱮ ᱦᱚᱭᱟ ᱭ ᱚᱱᱮ

        ᱥᱟ ᱭᱟᱲ ᱥᱟ ᱭᱟᱲ   ᱾

=========== ᱞ ᱧ ===========

৬।।

ᱥᱟ ᱪᱟ ᱨᱦᱮᱫᱽ ᱢ ᱟ ᱦᱟ

ᱯᱩᱨᱱᱚ ᱪᱚᱱᱫ ᱨᱚ ᱠᱤᱥᱠᱩ

 

ᱫᱟ ᱨᱮ ᱨᱚᱦᱚᱭ ᱢᱮ

ᱡᱤᱣᱤ ᱵ ᱟᱸᱪᱟ ᱣ ᱢᱮ

ᱢᱤᱫᱽᱴᱮᱱ ᱫᱟᱨᱮ

ᱢᱤᱫᱽᱴᱮᱱ ᱡᱤᱣᱤ

 

ᱫᱟ ᱨᱮ ᱨᱚᱦᱚᱭ ᱢᱮ

ᱦᱟᱸᱨᱭᱟᱸᱲ ᱫᱚᱦᱚᱭ ᱢᱮ

ᱥᱟ ᱪᱟᱨᱦᱮᱫ ᱟ ᱜᱩᱭ ᱢᱮ

ᱡᱤᱣᱤ ᱵᱟᱸᱪᱟ ᱣ ᱢᱮ ᱾

 

ᱫᱟᱨᱮ ᱱᱟ ᱲᱤ ᱟ ᱞᱚᱢ ᱢᱟᱜᱟ

ᱫᱷᱟᱨᱛᱤ ᱨᱮ ᱥᱤᱛᱩᱝ ᱮ ᱡᱷᱟ ᱜᱟ

ᱩᱫᱜᱟᱹᱨ ᱛᱮ ᱦᱚᱲᱢᱚᱭ ᱫᱟᱜᱟ

ᱢᱚᱱᱮ ᱡᱤᱣᱤᱭ ᱨᱟ ᱜᱟ᱾

 

ᱫᱟᱨᱮ ᱛᱟ ᱦᱮᱱ ᱠᱷᱟ ᱱ ᱜᱟ ᱡᱟᱲ ᱥᱟᱨᱤᱜ

ᱡᱤᱭᱟᱸᱲ ᱛᱟ ᱦᱮᱱᱟ ᱫᱷᱟᱨᱛᱤ ᱯᱩᱨᱤ

ᱥᱩᱠᱷ ᱵᱚᱱ ᱦᱟ ᱢᱮ ᱴᱟ ᱚᱨ ᱟ ᱯᱟ ᱨᱤ

ᱛᱮᱭᱟᱨᱚᱜ ᱟ ᱡᱷᱟᱨᱱᱟ ᱡᱤᱭᱟᱹᱲ ᱦᱮᱢᱟ ᱞ ᱯᱩᱨᱤ।

=========== ᱞ ᱧ ===========

৭।।

নেহর জোহার

বাড়তাং সরেন

 

জোহার জোহার চাঁদোবঙ্গা 

                    জোহার আতাংমে 

সেতাঃতরা সিঞচাঁদো 

                   জোহার আতাংমে।

 

ঞুতৗৎ ঞিঁদৗ সাহা কাতেঃ

                   মারশাল আগুয়মে 

সিরজন পুরী রাচারে

                    এভেন আগুয়মে ।

 

দারে সাকাম ভুটূঃ বাহা 

                ফারনাও ওচোয়মে

লেগেজ লেগেজ সাড়বাহা 

                   হিলৗও ওচোয়মে ।

 

চেরোবেরো সেরেঞ রাহা 

                   আড়াং ওচোয় মে

বীরবুরু বৗদ বৗইহৗড় 

                     আন্দুড় ওচোয়মে ।

 

নাচার ঘারঞ্জ তালারে

                 জম ঞুঁ আগুয়মে

রেঙ্গেজ হড়াঃ মোচারে

                 লান্দা আগুয়মে ।

 

হালেডালে হড়মোরে 

                      দাড়ে আগুয়মে

লেটেব লেটেব জিউয়ীরে 

                     চিরগৗল আগুয়মে ।

 

হিংসৗবৗদী রপড় তাপাম 

                        সাহা ওচোয় মে

ধৗরতী তালা ঘারঞ্জরে 

                       নিরৗই আগুয়মে  ।

 

জোহার জোহার চাঁদোবঙ্গা 

                     জোহার আতাংমে

কোড়াম পেরেচ মৗন মানত 

                     জোহার আতাংমে  ।

=========== ᱞ ᱧ ===========

৮।।

ভুলৗউ

অনলবিঁদি

 

বায় রাগা আলে বৗবু

থির কঃ আয় আডি ঠিক !

কুলুকুলু ঝুলুঝুলু

লাঁদা তায় চাঁদো সিক !!

 

বাড়ায়াপে রেটো পৗসি

গম দাদুয় গাঃ হচয় !

আপে দনা বাপে বেশ

চাঃ দপে রাঃ হচয় !!

 

থির থির থির গদঃ

সোনা বেটা তালে দ !

কিরিঞ আয়লে চিনি লৗডু

তিশ হঁ বালে দালে দ !!

 

আলে বৗবু আডি বেশ

আপে হপন জঁদরা !

চল বৗবু চালাঃ আলাং

বৗরুডাং সেঁদরা !!

=========== ᱞ ᱧ ===========

৯।। 

অকয় খৗতির

সনাতন টুডু

 

হপন বৗবুয় রৗগি আকান

তেহেঞ তিকিন বেড়া,

অকয় খৗতির সিঁঞ বংগা

রৗগিঃ নওয়া বেড়া।

 

সিতুং খৗতির দারে সাকাম

পৗঁডু চাবাঃ কান ,

পুখরি রেনাঃ দাঃ কহঁ

আঁজেদ চাবাঃ কান ।

 

বাম দাড়েয়াঃ গাতে সালাঃ

খিলডু এনেজ সেরেঞ,

মানা লৗগিদ ঝতো হড়গে

অডোক আকো দেরেঞ ।

 

বৗঞ আঁজমা তেহেঞ দ

পাঁজা অডোকিঞ চালাঃ

অকয় খৗতির সিঁঞ বংগা

নুনৗঃ জুরে জালাঃ।

=========== ᱞ ᱧ ===========

১০।।

সিতুং রিতু

সীতেন মাণ্ডি

 

 বৗইশাক ঝেট সিতুং রিতু

সেঙ্গেল এলাং ঞামঃ লল সিতুং

আঁজেদঃগাডামুডুঃ ঝারণা ডাডি

ঘাঁস গুজুঃ এখেন পুটুর টাঁডি।

 

মেরম ভিডি গৗই কাডা

জিব জিয়ৗলি চেঁড়েচিপরুৎ

নাসে উমুল জিরাঃ লাগিৎ

দারে ক পাঁজায় হাঁডে নাডে।

 

সিঞ চাঁদ বায় সাহাঃ আ

পুব খনাঃ পছিম ধৗবিচ্

ঞিদৗ জৗপিদ্ নুনাঃ উদগৗর

গেগেরাক বাং ক জৗপিদ্ শিকড়িচ্।

 

নোওয়া খন দ রাবাং ভাগি

অকয় কদ ক মেন হাওয়েদ্

জাও সেরমা গে সিতু্ং রিতু

লল তেমা আয়াঃ রেকর্ড গে রৗপুদ্।

 

বির বুরুম আতার চাবায়

দারে দ বাম যতন বাম রহয়

নং কাতে ঢের দিন দ

ধৗরতি চিকৗ তে মজেম দহয়।

 

সিতুং রিতু গে জম্ হচ মে

কুদ বিলি ,উল ,বারু খিজুর

কান্থা আড়াঃ সিঞ আড়া্ঃ আর বাকড়ে উতু

দারেম বাঞ্চাও তবে আনাং সিতুং রিতু।

=========== ᱞ ᱧ ===========

১১।।

হুল চির হিপিড় হিপিড়

কানন হাঁসদা

  

আম্বাস য়ুৎ কাড়াং কুচৗ

        জুলু কানকো ডিগির ডিগির

হাড়ামবাঃ দৗই মেমেন কানা

         সিদো কানু  খেরওয়াল বীর!

জুলুকান কো মারসাল আতে

        দিশম  ফুরগৗল লৗগিত

এভেন কাতে ,সন্তরতে

         হুশয়ৗর গুনি ভৗবিত !

সানতাড় পারগানা

          রুফাই আবুন---

হাড়াম বাই এ মেমেন

    একান মিদুন তাবুন !

থৗরি দাকারে ,ধুড়ি এর

      ছিটাও কানকো  ইংরেজ

মেমেন কানাই হাড়ামবাঃ

    সন্তর তে,আলো সে !এনেচ বেদবেদ !

গৗনৗড়ি  আপৗড়িই

           খৗতির পেয়া

কোড়াম চাগাড়ঃ গেয়াঃ !

বাঞ সানাঃইঞ

       কুকমু কাথা

লৗই রাকাবমে

       লৗড়হৗই কাথা !

বাড়াই তিগি সানাঃ লেয়াঃ

    খেরওয়ালকো , সানাম কো

সিদু কানু চাঁদ ভৈরব

         ফুলু ঝানু  আয়মা কো!

 হুল চির, হিপিড় হিপিড়

          গড় জোহার ,মানত জোহার

সানাম জৗতি ,মিদুন আতে

                হানে য়েলঃ হুল  ডাহার!

=========== ᱞ ᱧ ===========

১২।।

কৗমিয়া হড়

সনৎ কুমার হাঁসদাঃ

 

মুজ ডডা মুজ ডডা,

অকাতেদ কাডা-কাডা?

সারা বেড়া মিৎ গেপে ছুটাঃ।

 

বৗদ বৗইহৗড় টাঁডি ঘুটু,

কৗমি য়ালে গাডা মুডু।

তবে আনিঃ জমাঃ জুটেঃ।।

 

লুতি তেরম লুতি তেরম

বির খন বির পারম-

উডৗও আতেঃ অকাপে চালাঃ

 

বাহা খন বাহা রাসা

পুরৗও আলে মনের আশা,

চেপেজ হৗটিঞ সানাম সালাঃ

 

রাঃ আতে চের-বের

সেনঃ কানপে হর-বর।

তিঁগুনপে কাথা কৗটিঞ রড়া!

 

গাতেক হৗনকু তরা,

আগু আকাদালে চারা।

জুত লৗগিৎ আপনারাঃ অড়াঃ

 

গড়ম হাড়াম,গড়ম হাড়াম

থিয়ৗ থাপেম তাড়াম!

সারা ঘৗড়ি চেৎকচম চিকৗ?

 

নুমিন মারাং ধৗরতি-

সানাম কয়াঃ রায়-রিতি।

কৗমি রেনাঃ বৗনুঃ আ ঠিকৗ।।

=========== ᱞ ᱧ ===========

১৩।। 

ভায়রো মুরমু

দুগাই টুডু

 

ভায়রো মুরমু তাঁহে কানে

     চুনু হুডিঞ কোড়া,

নিয়ৗ কাথা আঁজম আকাদ

     গোটা টাঁডি থোড়া।

 

জানাম আতো ভগনাডি গেচো

   নাহাঃ ঝাড়খন্ড রেদ,

সানাম গেকো মেনা কাথায়

    একাল অনা গেদ।

 

ইংরৗজ কোওয়াঃ সানতাও ঞেলতে

    মনে ললেন তায়া,

বৃটিশ বিরুধ দোঃগে লৗগিৎ

    অন্তর রাঃলেদ্‌ গেয়া।

 

পাঁচ কাঠিয়ৗ হুল জোখান

    অঁডে সেলেদ্‌ লেনা,

কেনারাম, মহেশ দারোগা হেলেচ্‌

     উনরে ঞেল আনা।

 

পিয়ালপুর লৗড়হৗই রেদ কাথায়

     উনি সাব কেদে,

আন্দামান হাজত রেগে আদ

     জরমট ভোরাও লেদে।

 

সাঁওতা জৗত বাঞ্চাও বাবত

    জিউয়ি আলায় লেদা,

নোওয়া গেথো বেবাক গেদ

    জতক বাডায় কেদা।

 

দিলমান কৗমি লেদতে ভালা

    দিসৗ দহয় এনা,

অনা থেড়ং হড়কো নেতার

    উইহৗর ইদিয়ে কানা।

=========== ᱞ ᱧ ===========

১৪।। 

অলঃ গিদৗর

ঠেন্টা মুর্মূ

 

আঙ্গা তরা বেরেৎ আক

মাড়াং  হুতুম ফারছা

পুথি পতব সাঁওতে কাতে

দুড়ুব্ অলঃ চারচা ।

আয়ূ বাবা আচু কাথা

লুতুর রেক রেবেৎ

সাঁওতা তালা হড় তালারে

মান মৗহিমান বোরকেৎ ।

অক্ত নৗপিত কৗমিয়াক

বাংক আড়ি ঢৗড়ী

জমাঃ ঞু হঁ অক্ত রেগে

দাকা আরবাং দাঃ মৗড়ি ।

লল সিতুং বাক দাড়ান

এলাং তে মেৎ ইড়িজ্

হিনৗ নিয়ৗ বাক জমা

 হড়ম গেচয় বৗড়িজ্ ।

হুডিঞ হাপড়া হড়্ ক তুলুজ্

 নাপায় আচার বেবহার

 হাপেন দিন এ্য উদু্ঃ আক

রাইলা তাড়াম ডাহার।

=========== ᱞ ᱧ ===========

১৫।।

দাঃ জৗড়ি  তাঁঙ্গিরে

বাবলু সরেন

 

দাঃ জৗড়ি বৗনুঃতে 

আওরি হুয়ুঃ তলা গিডি

ঘাস গয়চ পুটুর আকানতে

বাংক আতিঙ গৗই মেরম ভিডি ।

  

সেরমা খনাঃ দাঃ এ জৗড়িয়ৗ 

হৗকুক খেলড দাঃরে 

বৗলিতে তল দাঃ ফুড়ঃআ 

গিদরৗক খেলড কুলহি ধুড়িরে । 

  

অম্ববতী  সেটেরঃকান 

সিতুংতে খিজুর বিলি হেঁদেয়েন 

গাদার কানঠাড় বিলিঃকান 

সিবিলগেচ সয়েন ।।

=========== ᱞ ᱧ ===========

১৬।।

আষাড় বঁগা

সমরলাল টুডু

 

আষাড় বঁগা সেরমা সাড়ের

              হেঁদে রিমিল পেরেজ্,

খেত গটহঁ দাঃতে পেরেজ্

     বৗইদরে রেঁগেজ্ অরেজ্।

 

হাড়াম বাওয়াঃ ডাঁগরা নাহেল

         দাঃরে অতা ডুবুজ্,

নাহেল তায়ম কাটকম্ হালাং

         গিদরৗ টুবুজ্ টুবুজ্।

 

আষাড় বঁগা আডি রৗসকৗ

          সেচেদ্ আশড়া ছুটি,

সেতাঃ আয়ুব্ জমাঃ ঞাঁমঃ

        কাটকম্ রকজ হৗকুকুটি।

 

চেহেল চেপেল গটা ধৗরতি

       যেমন সামুদ গাডা,

গিদরৗ কঁহলে কামসাও বাড়ায়

         উনকু বায়ার কাডা।

 

বৗইদ বৗইহৗড় সেঁদরা কারকা

        আলে সানাম লেটকা,

   পুঁঠি ডাঁড়কৗ দাঃ সাঁওতে

        রাকাব্ কানক ছাটকা।

 

আদমকদ মাছ ধর্ ধর্

       পকঃ রটে ধর্,

বাবা আয়োদ হাড়ামবায়ে নেমায়

         মাডি লধর্ লধর।

 

আলে রিনিজ্ হপন বিটি

      সাজাও পুতলি বাঁদে,

অনা ঞেঁলতে হাপোই মেনতেয়

        সুরেন আঁদে সাঁদে।

 

পুতলি বাঁদে সামটাও তুলুজ্

       বৗটি মাঁডিয় সলং,

হাড়াম বুঢিকিন কপয়োঃ আকান

        চাপো কাতে মলং।

=========== ᱞ ᱧ ===========

১৭।।

চাচো ডিডি

দুলৗড় বিটি

 

মেনায় তালে হপন বিটি

    তাড়াম থিয়ৗ থাপে,

রাগ আয় উসৗদ্‌ আয়

     বায় আঁজমা হাপে।

 

হানা অড়াঃ নোওয়া অড়াঃ

    চাচো ডিডি ডিডি

বৗই বৗইতে লাহাঃ রেহঁ

     বায় পারমঃ গানাডি।

 

খিলডু খিলডুতেম লাঁগা চাবাঃ

     তি-তি সাপাপ আতে,

হেও হেওতেম দহয়ে রেহঁ

    মেনায় নেনে পেতে।

=========== মুচৗৎ ===========