নারায়ণ সরেন " তড়ে সুতৗম্ " আঃ শায় সেরমা জানাম মাহা মানাও হোয়েনা খেরওয়ালডিরে

 

আবোওয়াঃ ডিজিটাল ডেক্স : হলা তারাসিঞ অনড়হিয়ৗ নারায়ণ সরেন 'তড়ে সুতৗম্ ' আঃ শায় সেরমা জানাম মাহা মানাও কেদাকো পুরুলিয়া জেলা রেনাঃ বান্দোয়ান জাপাঃ খেরওয়ালডিরে। আখড়া সাপড়াও লেদায় সানতালি লটারেরি ফোরাম ,পুরুলিয়া । 

 অনড়হিয়ৗ আঃ চিতৗররে বাহামালা এমকাতে আখড়ায় উঢহৗউ কেদা গৗখুড়ান অনলিয়ৗ মানতান গোমস্তা প্রসাদ সরেন। মৗনৗন পেড়া লেকাতে সেটের কিন তাঁহে কানা মানতান সুনীল চন্দ্র হাঁসদাঃ আর সীতেন মান্ডি। অনা তায়ম অনড়হিয়ৗ তড়ে সুতৗম্ আঃ জিয়ন আর সাঁওহেৎরে উনিয়া এনেম লৗইতে অড়েঅড়পাত গালমারাও হোয়েনা। গাপালমারাওরে সেলেৎ লেনা কো মানতান রামদাস মান্ডি ,অনিল চন্দ্র মান্ডি,কিষ্কিন্ধ্যা মুরমু ,দেবাশীষ মুরমু ,জগন্নাথ সরেন এমান অনলিয়ৗ আর অনড়হিয়ৗকো । 

 আখড়ারে সেরেঞ রুসিকৗ লেকাতে সেটের কিন তাঁহে কানা বাবুলাল সরেন আর সাগেন মুরমু। আখড়ারে বৗইসি গমকে লেকাতেয় তাঁহে কানা 'তেতরে ' পাথাম সাসাপড়াওয়িচ্ মহাদেব হাঁসদা। ফোরাম রেন সেক্রেটারি অরুন কুমার সরেন মুচৗৎরে সানামকো গুনমানাও সারহাও আর জহার এ চালাৎ কোওয়া ।