আসামরে সান্তাড়ী মিডিয়ামতে অলঃ পাড়হাও লৗগিৎ মেমোরেন্ডাম ক এমাদেয়া সেচেৎ মন্ত্রী

 

দুর্গাচরণ মুরমু,তেজপুর,আসাম - পৗরসী সাঁওহেৎ হারা বুরু লৗগিৎ তে পছিমবাংলা,ঝাড়খন্ড,বিহার আর ওড়িশা পনত লেকা আসাম পনত রেন সান্তাড় হপন হঁ আডি রৗস্কৗ-গরব আর দিলদাড়ে জুমিৎ আতে ক ছুটৗও আকানা আপনারাঃ গ-পৗরসীতে সাঁওহেৎ চারচাও। আসাম পনৎ খন লেতাড়গে অল-বেল রেনাঃ চিতৗর হঁ সোস্যাল ম্যাডিয়া করে ঝালকাও রাকাব কানা।

পারোমেন ১০ সেপ্টেম্বর ২০২২,ঞুহুম মাহা হিলোঃ আসাম দিশম রেনাঃ শোনিতপুর হনত তেজপুর মেট্রোপলিটন নাগার রে মেনাঃ শোনিতপুর জিলৗ স্কুল ভবন রে "আসাম সান্তাড়ী সাঁওহেৎ গাঁওতা" আঃ মিৎ দুপড়ুব-গালমারাও হোয় সৗরিলেনা। অনা গালমারাও রে ঠাড় গটালেনা বাংমা আসাম পনত রেহঁ সান্তাড়ী মিডিয়ামতে (OL Chiki Script) প্রাইমারী খন বিশ্ববিদ্যালয় হৗবিচ অলঃপাড়হাও রেনাঃ দাও তেয়ার হুয়ুঃমা; অনা লৗগিৎ তে আসাম পনত রেন সেচেৎ মন্ত্রী আকোওয়াঃ দৗবী সাকাম সে মেমোরেন্ডাম কো এমাওআয়া মেন তেক গটা লেদা।

চালাওএন ২২সেপ্টেম্বর ২০২২,সৗরদি মাহা,আসাম সান্তাড়ী সাঁওহেৎ গাঁওতা রেন মাড়তে কো পনত রেন সেচেৎ মন্ত্রী ড:রনুজ পেগু(Dr.Ranoj Pegu) আঃ তিরে মেমোরেন্ডাম সাকাম ক চাল আদেয়া।

ইনৗহিলঃ মাড়তে ক মুদ্‌রে সেটেরকো তাঁহেকানা "আসাম সান্তাড়ী সাঁওহেৎ গাঁওতা" রেন প্রেসিডেণ্ট ডম্বরুধর সরেন,ভাইস-প্রেসিডেণ্ট জেঠা হাঁসদা,ওয়ার্কিং প্রেসিডেণ্ট গাব্রিয়েল এস. মুর্মু, জেনারেল সেক্রেটারী স্বপন হাঁসদা, ট্রেজারার কর্ণেশ্বর বেসরা এমান গমকে ক।