সিঁগি মাহা রেনাঃ সাকাম ‘চেরেচ্ আড়াং’ লেখা- ৮৯

 

 “আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com 

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱨᱟᱢᱞᱟᱞ ᱴᱩᱰᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ,  বাড়াতাং সরেন,  সিতেন মান্ডি, দুগাই টুডু, দুর্গাচরণ মুরমু, নিকোলাস মারান্ডি।

  

রিলৗমালা মুরুমু, ক্লাস- V
জেলা - পুরুলিয়া

১।।

ᱦᱚᱯᱚᱱ ᱢᱟᱹᱭ ᱟᱜ ᱩᱛᱩ ᱫᱟᱠᱟ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

ᱢᱮᱱᱟᱭ ᱛᱟᱞᱮ ᱦᱚᱯᱚᱱ ᱢᱟᱹᱭ ᱫᱚ
    ᱠᱟᱹᱢᱤ ᱛᱟᱞᱟ ᱡᱚᱦᱚᱲ,
ᱠᱩᱞᱦᱤ ᱫᱷᱩᱲᱤ ᱜᱮᱸᱲᱮ ᱥᱚᱸᱲᱮ
      ᱠᱷᱮᱞᱳᱰ ᱥᱟᱶ ᱮ ᱨᱚᱯᱚᱲ ᱾

ᱚᱲᱟᱜ ᱫᱩᱣᱟᱹᱨ ᱵᱮᱱᱟᱣ  ᱡᱚᱝ ᱟᱭ
      ᱠᱩᱞᱦᱤ ᱫᱷᱩᱲᱤ ᱜᱚᱴᱟ,
ᱢᱚᱱᱮ ᱛᱮᱫᱚᱭ ᱦᱩᱰᱤᱧ ᱠᱟᱜᱼᱟ
       ᱨᱟᱡ ᱟᱜ ᱫᱟᱞᱫᱱ ᱠᱚᱴᱷᱟ ᱾

ᱨᱩᱜᱽᱲᱤ ᱫᱷᱤᱨᱤ ᱰᱷᱮᱞᱠᱟ ᱠᱚᱫᱚ
         ᱡᱮᱞ ᱠᱩᱴᱤ ᱠᱚ ᱢᱟᱛᱟᱭ,
ᱪᱷᱚᱝ ᱜᱚᱰᱚ ᱜᱚᱰᱚ ᱩᱛᱩ ᱫᱟᱠᱟᱭ
          ᱢᱚᱪᱟᱛᱮ ᱵᱷᱟᱹᱡᱤ ᱟᱛᱟᱭ ᱾

=O=O=O=OO=O=O=O=

২।।

ᱥᱮᱛᱟᱜ ᱛᱟᱲᱟᱢ

ᱥᱩᱵᱩᱫᱤᱭᱟ.  ᱢᱩᱨᱢᱩ

ᱫᱷᱟᱹᱨᱯᱟᱹ  ᱦᱟᱲᱟᱢ
ᱠᱟᱡᱟᱠ        ᱛᱟᱲᱟᱢ ᱾

ᱟᱹᱰᱤ  ᱡᱳᱨ
ᱥᱮᱛᱟᱜ  ᱵᱷᱳᱨ ᱾

ᱛᱟᱲᱟᱢ  ᱛᱩᱞᱩᱪ
ᱞᱟᱸᱫᱟᱭ  ᱢᱩᱞᱩᱪ ᱾

ᱫᱟᱸᱲᱟᱭ  ᱢᱩᱞᱩᱠ
ᱢᱮᱱᱟᱭ   ᱥᱩᱞᱩᱠ ᱾

ᱫᱷᱟᱹᱨᱯᱟᱹ  ᱞᱮᱠᱟ
ᱛᱟᱲᱟᱢ    ᱡᱚᱠᱷᱟ ᱾

ᱡᱷᱚᱛᱚᱢ  ᱠᱚᱵᱚᱱ
ᱪᱮᱸᱜᱷᱟᱜ  ᱟᱵᱚᱱ ᱾

=O=O=O=OO=O=O=O=

৩।।

ᱚᱡᱚ ᱵᱮᱞᱮ

ᱨᱟᱢᱞᱟᱞ ᱴᱩᱰᱩ

 

ᱡᱷᱟᱢᱠᱟ ᱡᱷᱟᱹᱠᱩᱨ ᱡᱚᱡᱚ ᱵᱮᱞᱮ
             ᱦᱟᱱᱮ  ᱡᱷᱤᱞᱳᱜ  ᱠᱟᱱ ,
   ᱚᱠᱚᱭ  ᱦᱟᱞᱮᱭ  ᱪᱤᱭᱟᱹ  ᱞᱮᱫᱟ
             ᱞᱟᱞᱦᱟᱣ  ᱧᱮᱞᱚᱜ  ᱠᱟᱱ ᱾
   ᱫᱟᱫᱟᱧ  ᱛᱤᱨᱮ  ᱫᱷᱤᱨᱤ  ᱜᱩᱴᱤ
            ᱦᱟᱹᱱᱤᱭ  ᱪᱟᱯᱟᱫ  ᱠᱟᱱ ,
   ᱪᱟᱯᱟᱫ  ᱛᱮᱜᱮᱭ  ᱵᱩᱡᱩᱨ  ᱠᱮᱫ
             ᱢᱚᱬᱮ  ᱜᱚᱴᱮᱡ  ᱜᱟᱱ  ᱾
   ᱢᱟᱨᱟᱝ  ᱦᱟᱛᱚᱢ  ᱴᱷᱮᱠᱟ  ᱟᱛᱮᱫ
             ᱦᱟᱹᱱᱤᱭ  ᱦᱤᱡᱩᱜ  ᱠᱟᱱ ,
   ᱛᱤᱭᱳᱜ  ᱡᱚᱝ  ᱟᱭ  ᱫᱮᱡ  ᱠᱟᱛᱮ
              ᱛᱟᱞᱟ  ᱴᱷᱮᱠᱟ  ᱜᱟᱱ ᱾
   ᱫᱟᱨᱮᱭ ᱫᱮᱡᱚᱜ ᱢᱟᱨᱟᱝ ᱦᱟᱛᱚᱢ
              ᱵᱟᱝᱮ  ᱦᱩᱫᱤᱥ  ᱠᱟᱱ ,
   ᱪᱟᱜᱟᱲ  ᱠᱟᱛᱮᱫ  ᱫᱟᱨᱮ  ᱰᱟᱹᱨ
           ᱦᱟᱹᱱᱤᱭ  ᱵᱩᱡᱩᱨ  ᱟᱠᱟᱱ ,
      ᱳᱦᱟᱭ , ᱛᱤᱭ ᱯᱚᱴᱚᱡ ᱟᱠᱟᱱ ᱿

=O=O=O=OO=O=O=O=

৪।।

ᱥᱟᱹᱜᱤᱧ ᱠᱷᱚᱱᱜᱮ ᱧᱮᱞᱢᱮ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱡᱟᱸᱦᱟᱨᱮᱫᱚ ᱵᱤᱨ ᱜᱟᱡᱟᱲ
                   ᱦᱮᱱᱟᱜ ᱡᱳᱯᱚᱛᱳᱲᱳ ;
ᱥᱟᱹᱜᱤᱧ ᱠᱷᱚᱱᱜᱮ ᱧᱮᱞᱢᱮ
                   ᱥᱩᱨᱛᱮ ᱟᱞᱚᱢ ᱥᱚᱨᱳᱜ  ᱾


ᱡᱟᱸᱦᱟᱨᱮᱫᱚ ᱰᱟᱦᱟᱨ ᱨᱮ ᱜᱟᱲᱤ
               ᱞᱮᱛᱟᱲ ᱦᱟᱰᱟᱨ ᱰᱷᱟᱯᱟᱨ ;
ᱥᱟᱹᱜᱤᱧ ᱠᱷᱚᱱᱜᱮ ᱧᱮᱞᱢᱮ
           ᱦᱟᱱᱛᱮ ᱱᱟᱛᱮ ᱟᱞᱚᱢ ᱪᱟᱦᱟᱨ ᱾


ᱡᱟᱸᱦᱟᱨᱮᱫᱚ ᱥᱟᱹᱨᱫᱤ ᱥᱮᱸᱜᱮᱞ
       ᱫᱷᱟᱹᱣ ᱫᱷᱟᱹᱣ ᱡᱳᱨᱛᱮ ᱡᱳᱞᱳᱜ ;
ᱥᱟᱹᱜᱤᱧ ᱠᱷᱚᱱᱜᱮ ᱧᱮᱞᱢᱮ
                       ᱥᱳᱨᱛᱮ ᱟᱞᱚᱢ ᱥᱳᱨᱳᱜ ᱾


ᱡᱟᱸᱦᱟᱨᱮᱫᱚ ᱱᱟᱹᱭ ᱠᱩᱧ ᱰᱟᱰᱤ
          ᱠᱷᱟᱸᱫᱨᱤ ᱦᱮᱱᱟᱜ ᱜᱮᱭᱟ ᱟᱰᱤ ;
ᱥᱟᱹᱜᱤᱧ ᱠᱷᱚᱱᱜᱮ ᱧᱮᱞᱢᱮ
       ᱟᱞᱚᱢ ᱩᱭᱩᱝ ᱪᱩᱰᱩᱜ ᱟᱹᱛᱷᱟᱹᱲᱤ ᱾


ᱡᱟᱸᱦᱟᱨᱮᱫ ᱵᱚᱛᱚᱨ ᱦᱮᱱᱟᱜ
                   ᱛᱤᱨᱮᱪᱚᱝ ᱚᱠᱟ ᱜᱷᱟᱲᱤ ;
ᱥᱟᱹᱜᱤᱧ ᱠᱷᱚᱱᱜᱮ ᱧᱮᱞᱢᱮ
                   ᱠᱟᱹᱭ ᱫᱚ ᱟᱞᱚᱢ ᱵᱟᱲᱛᱤ  ᱾

 =O=O=O=OO=O=O=O=

৫।।

ঝৗড়পৗ জজ 

বাড়তাং সরেন

 

চেতান টলা কুলহী মুচৗৎ
                     ঝৗড়পৗ জজ দারে 
রিঙ্কৗ রাড়াং জ আকানা
                      সাকাম থারে থারে।

 

 রেয়াড় উমুল তিকিন বেড়া
                     গিদরৗ বাকো সেনঃ
ঞিদৗ ঞুঁতৗৎ কাড়াং কাড়াং
                     বতর জিউয়ী তেনঃ।

 

লৗইকো কাথায়  তালা ঞিদৗ 
                    ডৗন চুড়িন কো দেজঃ
সিরৗম জনঃ বাঁদে কাতেঃ
                      বতর গেকো সাজঃ।

 

ঞঁহড় ঞঁহড় সেরেঞ তরা
               উডৗঃ সেরমা চেতান
লাফাং ডৗররে চগ্ হে কাতেঃ
               দিশম দিশম দাঁড়াঁন।

 

সাঙ্গিঞ দিশম সেটের কাতেঃ
                 ডৗন চুড়িনকো ঞাপাম
এনেচ আকো মান্তার আকো
                 একাল বাকো তাপাম।

 

 সেচেৎ মান্তার মুচৗৎ কাতেঃ
                       দারে রেকো আড়গো
সেরেঞ রাহা সেচেৎ কাথা
                    একাল বাকো কাড়গো।

 

সেরেঞ সেরেঞ উডৗও তেগে
                     আতো তেকো রুয়ৗড়
কুলহী মুচৗৎ ঝৗড়পৗ জজ
                      আর হঁ রহয় রুয়ৗড়।

 
আঁজম কাথা আঁধাঁ পৗতয়ৗও
                         সারি কাথা দ বাং
মনে রেগে ডৗন চুড়িন দ
                        সৗরি সৗরিরে বাং ।

=O=O=O=OO=O=O=O= 

৬।।

ঝেট বেটা

সীতেন মাণ্ডি

 
দারায় কানা বৗইশৗখ কুনৗমি
     আযোদিয়ৗ সেঁদরা
ঝেট বেটায় চালাঃ তালে
সাপড়াঃ কানায় আয়মা।

 
আতু রেগে কামার অড়াঃ
দিন গে হিজুঃ সেনঃ কানায়
আঃ সার কৗপি তাড়োয়ারে
      লাসের হচয়েদায়।

 
আড় পড়শ গাতে কড়া
সেঁদরায় ডডে কোওয়া
আযোদিয়ৗ নাগাম কাথা
 বাবায় কুলিয়েয়া।

 
আযোদিয়ৗ সেঁদরা বেটা
 কড়া গিদৗর জানাম
বাম চালা্ঃ রেদ কাথা মেনাঃ
আয়ো কুখি রে মেনাম।

 
আযোদিয়ৗ সেঁদরা বাবু
জিউয়ি চালা্ঃ লৗড়হৗই
আযোদিয়ৗ সেঁদরা লৗগিৎ
ঝেট বেটা তালা কড়ামে অডাও।

 
বাকো মানায়ে সাপড়াও কায়কো
ঝেট বেটা আশিস থুম ক এমায়
আযোদিয়ৗ সেঁদরা কাতে
মেড়হেৎ তি মেড়হেৎ জাঙ্গায় রুয়ৗড়।।

=O=O=O=OO=O=O=O=

৭।।

কুশাল বাস্কে

দুগাই টুডু

 
আঁজম আকানা কুশাল বাস্কে
         অৗডি ঞুতুম লেনায়,
গোপীবল্লবপুর টঠা রেনগে
       হড়গে তাঁহে কানায়।

 
নাহাঃ ঝাড়গ্রাম জেলা কানা
      পনৎ পছিম বাংলা,
সানাম গেকাও বাডায় লৗই বাডাই
       নেতার আদ ভালা।

 
কোলকাতারে চৗকরি কাতেৎ
       হানেয় জিরৗও লেনা,
হাওড়া আন্দুল রোড সোররে
        অনেয় অড়াঃ আনা।

 
আসেকা পছিম বাংলা চাঁগা
          পারসেৎ এ কৗমি লেদায়,
মৗনমি ভৗলৗই লৗ্গিৎ দরে
          আঁদোড় বাড়া লেদায়।

 
পৗরসি চিকি বাখরা তেদ
        অনল অলগে আকাৎ,
আয়মা গেচো হুদিস লেদায়
        হড়াঃ ভাগে লাগাৎ।

 
‘বঁগা হাতম’ অনড়হেঁ পুঁথি
       মেনাঃ গেদঃ অনা,
‘সাঁওতালি ভাষার লিপি সমস্যা’
        ছাপা সদর হেনাঃ।

 
‘সানতাড় সেরওয়া’ পতব কানগে
        ধরম শিখনৗৎ রেনাঃ,
জৗতৗঃ নাপায় উয়হৗ্র তায়গে
       সাঁওতা লাহান্তি লেনাঃ।

 
ধৗরতি পুরিরে বৗনুয় রেহঁ
     এনেম দহ আনায়,
অনা খৗতির হড়কো তালা
     দিসৗ তাঁহে এনায়।             

=O=O=O=OO=O=O=O= 

৮।।

হাঁড়ু

দুর্গাচরণ মুরমু

আলে অড়াঃ জাপাঃ রে
মেনাঃ জরো বাড়ে,
আডি উসুল মটা দারে
অহম দেজ দাড়ে।

 
সেতাঃ খনাঃ বির হাড়ু
হিরি হিজুঃ আকো,
বাড়ে বিলি জজম লৗগিৎ
ডিগবৗজি অৗচুরঃ আকো।

 
হানা ডৗর নওয়া ডৗর
ঝিলোঃ টামকা টাকুর,
এঁগা হপন হাড়াম কড়া
ইসিড় ডাটা পাগুর।

 
বাড়গী রেনাঃ বেঁগাড় বিলৗতি
জতকো ক লাপালুডৗয়,
কুন্দরী কারলা ঝিঁগৗ শসা
জতকো তগজ্‌ গুডৗয়।

 
উল আমড়া সুপরাম বিলি
জ তাগাড় নাচাড়,
চেৎহঁ বাকো দহয় বাকী
জতকো চাবা উজৗড়।

 
বাড়ে বিলি তগজ তগজ
দেয়া ক গৗদুরঃ,
দারে চেতান জাম্পা জাড়ু
খিলডু এনেচ অৗচুরঃ।

=O=O=O=OO=O=O=O=

৯।।

যুদিম অলঃ

নিকোলাস মারাণ্ডি 

 
যুদিম অলঃ যুদিম পাড়হাওঃ 
    মেঁৎ ভুসৗড়ঃ তামা ,
বেস-বৗড়িচ্ ওরোম রেয়াঃ 
    দাড়েয় এমামা । 

 
আন্ধাঁ  পৗতিয়ৗও হরখন হঁ 
    আমে সাহাড় কামা , 
লাহা চালাঃ হর হঁ আমে 
    উদুঃ ইদি আমা । 

 
মিৎ কাথারেঞ লৗই আমা 
    হুসিয়ৗরঃ আম আডিগান , 
অলঃ পাড়হাওঃ জিন্গি রেয়াঃ 
    অৗডি মারাং রান।

=O=O=O মুচৗৎ O=O=O=