জমকগে পারমেনা নেশাঃ দিশম সৗরি সহরায়

জমকগে পারমেনা নেশাঃ দিশম সৗরি সহরায়

কিস্কিন্ধ্যা মুরমু

( বান্দোয়ান,পুরুলিয়া )

নেডা বাডায় তেগে তিস করেচং চিকৗলেকাতে চং পারম গৎ এনা বাং বুঝৗও ঞামলেনা। অনাতেগে কো সেরেঞা- সহরায় বলয়েন দ বাডায় কেদারে// সহরায় অডং এনদ বাঞ বাডায় লেদারে। অৗতু গাঁওলা মড়ে হড় সাঁওতে অৗতু হন-হপন কোওয়াঃ সৗহিজুহি গড় সপহৎতে নেশাঃ সৗরি সহরায় দ পারম সৗরিয়েনা। গৗনিসৗনি কৗমিরে জপড়াও কুড়ি হপন কোদ অকতরে জেরেড় জলম তেকে সবৎ গেচ গুরিজ তেগে সৗগুনান সৗরি সহরায় দ গটপুজৗ হিলোঃ খনাং এতহপ কাতে হাপড়াম কো দিসৗ কেৎ কোওয়া বঙ্গা মাহারে নেওতা পেড়া দৗয় তিঞাং জাঁওয়ায় মিসেরা হাতম কুমাং সানামকো সহর সেটের কাতে বছর দিনরে সহরায় রৗস্কৗ সালাঃ ঞেপেল ঞাপামেনা আপাবারে পেড়া  পৗভরৗ সালাঃতে।

 খুন্টৗও মাহারে নাওয়া লুগড়ি লাপোতে বাঁনদে ধুতি হরঃ কাতে তল কাডা ডাংরা খুনটৗও ঞেল রেনাঃ রৗস্কৗ সারেড় উতৗরেনা লদপ্ লদপ্ সহরায় এনেচ সেরেঞ। বারসিঞ রেনাং জিওয়েৎ  জিউয়িরে এনেচ জং  সেরেঞ জংগে,মাসে নিৎ মেনাঃ বন পাছেৎ ধিনৗং দ বাং। জালে মাহারেহঁ নেওতা বারতে পেড়া পৗভরৗ সাঁওতে ঞেল কুলি ঞাপাম মনে জিওয়ি রাওয়াল গদঃআ।

হৗতি লেকান সহরায় যেলেকা আতাং দারামে লৗগিৎ সৗৎ সাপড়াঃ অনকাগে সেটের লেনখান তল তেহঁ বায় তল আটকঃ, সাব তেহঁ বায় সাব আটকঃ । অন্তর মনে শারেড় রৗস্কৗ রমজ রেহঁ চালাঃ পারম লেনখান অকালেকাচং মনে জিউয়ি দ গস মসৎ গদঃ গেয়া ।

আদম সানতাড় অৗতু ডি ডিহৗৎ করেদ সৗরি সহরায় পারমেনা। আর আদম করে দ নেডা সহরায় মাহা নিৎ হঁ তায়নম আকানগেয়া।