আবোওয়াঃ ডিজিটাল ডেস্ক- সানতাড়ি সাঁওহেৎরে ‘সিলি’ পাথাম ৪২ সেরমা ধুরিয়ৗ মিৎ লেতাড় গে ছাপাও সদরঃ কানা। নোওয়া পাথাম আয়মা অনলিয়ৗ, অনড়হিঁয়ৗ,খঁদরদিয়ৗ, সাঁওহেৎ দরদিয়ৗ সাঁওতে আয়মা পাঠকিয়ৗ গে আডি আয়মা ধাও সানতাড়ি সাঁওহেৎ হারাবুরুয়রে মিৎ মাইল ষ্টোন সাঁও কো তুলুচ্ আকাদা।
সিলি পাথাম সাসাপড়াওয়িচ্ মানতান সুরেন্দ্রনাথ মান্ডি আবোরেন খবরিয়ৗয় বাডায় অচোয়াকাদেয়া বাংমা নেশহঁ যাও সেরমা লেকাগে দারায় কান ১৯ অক্টোবর,২১ বালে মাহা হিলোঃ সেতাঃ ১০ টাড়াং অকতে বাঁকুড়া জিলৗ রেনাঃ খাতড়া- জিবনপুররে সিলি পাথাম আঃ সৗহিজুহিতে মিৎ সানতাড়ি সাঁওহেৎ-লেগচার হেলমেল সাপড়াও আকানা।
বাডায় আকানা অনা হেলমেলরে সানতাড় রান-মুরগৗন, সানতাড় আরিচৗলি জগাওরে তিরলৗ কোওয়াঃ এনেম আর সানতাড়ি অনড়হেঁ ইদিকাতে অড়ে অড়পাত গাপালমারাও হোয়োঃআ। আর অনা হেলমেল খনগে সানতাড়ি সাঁওহেৎ-লেগচার চারচাও আখড়া, জিবনপুর উঢৗওয়ঃ আ। বাডায় আকানা অনা আখড়া দকিন উঢৗওয়া মৗই লাংতিতি কিস্কু আর অনুপ্রেরনা মাঝি। আখড়ারে মারাং পেড়া লেকাতে সেটের এ তাঁহেন কানা পুছিম বাংলা সরকার আঃ জমা সারভার হৗটিঞ রেন মন্ত্রী মানতৗনিয়ৗ জ্যোৎস্না মান্ডি।
নোওয়া সানতাড়ি সাঁওহেৎ-লেগচার হেলমেল রে আতাং দারাম লেকাতে তাঁহেন কানাকো- মানতান সুরেন্দ্রনাথ মান্ডি, ঞুতুমান গালচিয়ৗ, অনড়হিঁয়ৗ অঞ্জন কর্মকার, সমাজ কৗমিয়ৗ উত্তম মুরমু আর নির্মল টুডু এমান গোমকে কো।
.webp)
.webp)
