সিঁগি মাহা রেনাঃ সাকাম ‘চেরেচ্ আড়াং’ লেখা- ৫৭

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।   

 

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ,  ᱥᱨᱤᱠᱟᱱᱛᱚ ᱥᱚᱨᱮᱱ,   সারি ধরম হাঁসদা, দুগাই টুডু, সুচাঁদ হাঁসদা, বাড়তাঙ সরেন, কানন হাঁসদা, সমর লাল টুডু, সনাতন টুডু, সত্যেশ্বর মুরমু, দুর্গাচরণ মুরমু, সীতেন মান্ডি, বাবলু সরেন, গাতে টুওয়ৗর, বিভূতি ভূষণ সরেন, দুলৗড় বিটি ।

  

রিলৗমালা মুরুমু, ক্লাস- IV
জেলা - পুরুলিয়া

১।।

ᱥᱮᱪᱮᱫ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱮᱪᱮᱫ ᱵᱮᱜᱚᱨ
ᱵᱟᱹᱱᱩᱜ  ᱦᱚᱵᱚᱨ
ᱡᱤᱭᱚᱱ  ᱰᱚᱜᱚᱨ ᱿

ᱡᱟᱸᱦᱟᱭᱮ  ᱟᱪᱮᱫᱚᱜ
ᱩᱱᱤᱭᱮ       ᱥᱮᱪᱮᱫᱚᱜ
ᱦᱟᱯᱮᱱᱮ  ᱢᱟᱪᱮᱫᱚᱜ  ᱿

ᱥᱮᱪᱮᱫᱮ   ᱢᱟᱨᱥᱟᱞᱟ
ᱡᱤᱣᱤᱭᱮ    ᱠᱷᱟᱨᱥᱟᱞᱟ
ᱢᱚᱱᱮᱭᱮ       ᱨᱟᱣ-ᱟᱞᱟ  ᱿

ᱡᱤᱭᱚᱱᱮ   ᱱᱟᱶ-ᱟᱭᱟ
ᱨᱟᱹᱥᱠᱟᱹᱭ ᱨᱟᱶ-ᱟᱭᱟ
ᱫᱷᱟᱹᱨᱛᱤᱭ ᱥᱟᱶ-ᱟᱭᱟ ᱿

=-=-=-=-= ᱛ =-=-=-=-= 

 ২।।

ᱨᱟᱭᱠᱟ ᱵᱤᱨ ᱡᱤᱭᱟᱹᱞᱤ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

 ᱵᱤᱨᱫᱚ  ᱟᱰᱤ
 ᱜᱟᱡᱟᱲ ᱧᱮᱞᱚᱜ,
 ᱨᱟᱹᱥᱠᱟᱹ ᱢᱚᱱᱮ
 ᱟᱹᱰᱤ ᱠᱷᱮᱞᱚᱜ ;
 ᱡᱷᱩᱲ ᱜᱚᱴᱟ ᱫᱟᱨᱮ
 ᱱᱟᱹᱲᱤ ᱡᱷᱤᱞᱚᱜ,
 ᱢᱚᱡᱜᱮ ᱱᱟᱯᱟᱭ ᱠᱚᱭᱚᱜ ᱵᱟᱲᱟᱭ ।

 ᱱᱤᱪᱚᱞᱨᱮ ᱡᱤᱭᱟᱹᱞᱤ        
 ᱦᱮᱱᱟᱜ ᱠᱳᱭᱟ ,
 ᱵᱤᱨ ᱵᱩᱨᱩ ᱛᱟᱯᱚᱞ
 ᱢᱮᱱᱟᱜ ᱠᱳᱭᱟ  ;
  ᱟᱞᱟᱱ ᱢᱮᱞᱟᱱ
  ᱫᱟᱸᱲᱟ  ᱵᱟᱲᱟᱭᱟ,
  ᱢᱮᱞᱟᱱ ᱴᱟᱹᱱᱰᱤ ᱠᱚᱭᱚᱜ ᱛᱟᱨᱟᱭ I

ᱵᱤᱧ ᱠᱤᱫᱤᱧ ᱦᱟᱹᱲᱩ
ᱜᱟᱲᱤ ᱠᱩᱞᱟᱹᱭ ,
 ᱦᱟᱰᱜᱟᱨ ᱪᱮᱢᱮᱧ
 ᱨᱟᱹᱜᱤ ᱦᱩᱠᱟᱹᱭ ;
ᱛᱟᱞᱟ ᱧᱤᱫᱟᱹ ᱛᱩᱭᱩ
ᱦᱩᱭᱟ ᱪᱩᱠᱟᱹᱭ ,
ᱡᱤᱵ ᱡᱤᱭᱟᱹᱞᱤ ᱛᱷᱟᱢᱤᱛ ᱟᱠᱟᱱ I

 ᱵᱤᱨ ᱵᱩᱨᱩ ᱡᱚᱵᱤᱞᱤ
 ᱦᱟᱞᱟᱝ ᱡᱚᱢ ᱟᱠᱳ ,
 ᱛᱮᱛᱟᱝ ᱡᱷᱟᱨᱱᱟ
 ᱫᱟᱜ ᱧᱩᱭ ᱫᱚᱠᱳ ;
 ᱴᱷᱟᱸᱳ  ᱠᱟᱛᱮ ᱩᱱᱠᱩ
 ᱛᱷᱤᱨ ᱛᱟᱸᱦᱮᱱᱟᱠᱳ ,
ᱥᱤᱛᱩᱝ ᱡᱟᱯᱩᱛ  ᱡᱚᱛ ᱦᱟᱠᱳᱯᱟᱠᱳ  I                                             

                         

 ᱥᱮᱸᱫᱨᱟᱭ ᱨᱮᱫ
 ᱥᱟᱸᱜᱤᱧ ᱫᱟᱹᱲ ,
 ᱥᱟᱸᱜᱮᱜᱮ ᱦᱟᱨᱟᱜ
 ᱠᱟᱱᱛᱟᱠ ᱵᱟᱹᱲ  ;
 ᱡᱚᱢᱟᱜ ᱟᱜᱩᱭ ᱫᱚ
 ᱛᱩᱠᱟᱹ ᱛᱮᱠᱚ ᱠᱷᱳᱲ ,
 ᱢᱮᱱᱟᱜ ᱠᱚᱜᱮ ᱡᱟᱛᱟᱨ ᱠᱟᱛᱟᱨᱜᱮ I

 ᱦᱟᱹᱛᱤ ᱜᱮᱞᱮ ᱵᱤᱞᱤ
 ᱦᱩᱲᱩ ᱫᱚᱠ ᱡᱚᱢ ,
 ᱠᱷᱮᱛ ᱵᱟᱹᱫ ᱜᱟᱹᱪᱷᱤ
 ᱥᱚᱞᱚᱢ ᱞᱚᱴᱚᱢ ;
 ᱚᱲᱟᱜ ᱦᱤᱡᱩᱜ ᱦᱤᱨᱤ
 ᱵᱟᱹᱱᱫᱤ ᱯᱚᱴᱚᱢ ,
 ᱡᱤᱭᱟᱹᱞᱤ  ᱡᱤᱭᱚᱱ ᱠᱷᱩᱛᱤᱜ ᱠᱟᱱᱜᱮ I

 ᱡᱩᱫᱤ ᱡᱟᱸᱦᱟ ᱛᱤᱥ
 ᱧᱮᱞᱯᱮ ᱪᱟᱞᱟᱜ ,
 ᱡᱷᱩᱲ ᱜᱟᱡᱟᱲ ᱛᱮᱯᱮ
 ᱡᱟᱫᱚᱜ ᱡᱟᱞᱟᱜ ;
 ᱩᱯᱩᱨᱩᱢᱚᱜ ᱯᱮ ᱵᱩᱨᱩ
 ᱨᱟᱭᱠᱟ ᱥᱟᱞᱟᱜ ,
ᱢᱤᱫ ᱴᱷᱮᱱ ᱛᱤᱜᱩ ᱦᱮᱱᱟᱜ ᱟᱠᱟᱛᱜᱮ I

 

=-=-=-=-= ᱛ =-=-=-=-= 

 ৩।।

ᱚᱞᱚᱜ ᱫᱟᱲᱮ

ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱟ 'ᱫ ᱷ ᱟ ᱯ ᱟ .ᱛ ᱭ ᱟ. ᱣ ᱥᱟ ᱦ ᱟ ᱭ
ᱚᱞᱚᱜ ᱡᱩᱫᱤ ᱞᱟᱦᱟᱭ।

 

 ᱫᱩᱠᱷ ᱦᱟᱨᱠᱮᱛ ᱥᱟᱦᱟᱭ
ᱥᱩᱠᱷ ᱟ.ᱜᱩ ᱞᱟᱦᱟᱭ।

 

ᱨᱮ'ᱜᱮᱡ ᱛᱮᱛᱟᱝ ᱥᱟᱦᱟᱭ
ᱡᱚᱢᱟᱜ ᱧᱩᱭᱟᱜ ᱞᱟᱦᱟᱭ।

 

ᱮᱲᱮ ᱯᱚᱥᱲᱟᱣ ᱥᱟᱦᱟᱭ
ᱥᱟ.ᱨᱤ ᱠᱟ.ᱢᱤᱭ ᱞᱟᱦᱟᱭ।

 

 ᱨᱚᱰᱚᱡ ᱠᱚᱪᱞᱚᱱ ᱥᱟᱦᱟᱭ
 ᱞᱟ.ᱲᱦᱟ.ᱭ ᱫᱟᱲᱮ ᱞᱟᱦᱟᱭ।

 

ᱵᱟ.ᱲᱤᱡ ᱠᱟ.ᱢᱤᱭ ᱥᱟᱦᱟᱭ
ᱥᱟ.ᱜᱩᱱ ᱠᱟ.ᱢᱤᱭ ᱞᱟᱦᱟᱭ।

 

ᱚᱞᱚᱜ ᱟ.ᱠᱤᱞ ᱫᱟᱲᱮ
ᱫᱤᱥᱳᱢ ᱡᱤᱛᱠᱟ.ᱨ ᱟᱲᱮ।

=-=-=-=-= ᱛ =-=-=-=-= 

৪।।

ᱚᱞᱚᱜ ᱨᱮᱜᱮ ᱢᱟᱹᱱᱫᱚ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

ᱚᱞ ᱜᱩᱨᱩᱭ ᱚᱞ ᱠᱮᱫᱟ
ᱚᱞᱪᱤᱠᱤ ᱫᱚᱭ ᱛᱮᱭᱟᱨ ᱠᱮᱫᱟ ᱾
ᱚᱞᱚᱜ ᱯᱚᱲᱦᱚᱱ ᱥᱮᱬᱟᱭ ᱞᱟᱹᱜᱤᱫ
ᱰᱟᱦᱟᱨᱮ ᱩᱫᱩᱜ ᱠᱮᱫᱟ ᱿

 

ᱚᱞᱪᱤᱠᱤ ᱫᱚ ᱯᱟᱹᱨᱥᱤ ᱫᱟᱨᱮ
ᱞᱮᱜᱮᱡᱽ ᱞᱮᱜᱮᱡᱽ ᱦᱟᱨᱟᱜᱼᱟ ᱾
ᱯᱳᱨᱳᱭ ᱯᱳᱨᱳᱭ ᱵᱟᱦᱟ ᱠᱟᱛᱮ
ᱢᱟᱨᱥᱟᱞᱮ ᱟᱜᱩᱭᱟ ᱿

 

ᱫᱮ ᱵᱚᱭᱦᱟ ᱢᱤᱥᱤᱠᱚ
ᱚᱞᱚᱜ ᱫᱮᱵᱚᱱ ᱪᱮᱢᱮᱫᱟ ᱾
ᱚᱞᱚᱜ ᱯᱚᱲᱦᱚᱱ ᱥᱮᱬᱟ ᱵᱮᱜᱚᱨ
ᱢᱟᱹᱱ ᱫᱚ ᱵᱟᱱᱩᱜᱼᱟ ᱿

  

=-=-=-=-= ᱛ =-=-=-=-= 

 ৫।।

ᱞᱩᱫᱤ ᱵᱩᱰᱷᱤᱭᱟᱜ ᱫᱚᱠᱟᱱ

ᱥᱨᱤᱠᱟᱱᱛᱚ ᱥᱚᱨᱮᱱ

ᱞᱚ-ᱟ  ᱜᱚᱰᱟ ᱞᱩᱫᱤ ᱵᱩᱰᱷᱤ
ᱠᱷᱩᱞᱟ.ᱩ ᱟᱠᱟᱫᱟᱭ ᱫᱚᱠᱟᱱ
ᱱᱟᱱᱟ ᱦᱩᱱᱟ.ᱨᱮ ᱦᱟᱴᱽ ᱠᱟᱜ ᱼ ᱟ
ᱠᱟ.ᱱᱩᱜ ᱛᱟᱭᱟ ᱞᱚᱠᱥᱟᱱ᱾

ᱵᱟ.ᱭᱥᱟ.ᱠ ᱡᱷᱮᱴᱮ ᱟ.ᱠᱷᱨᱤᱧ ᱵᱟᱲᱟᱭ
ᱡᱚ-ᱡᱚ ᱥᱟᱠᱟᱢ ᱯᱟᱝᱠᱷᱟ
ᱦᱟᱛᱟᱶ ᱜᱮᱭᱟ ᱠᱚ ᱩᱫᱜᱟ.ᱨ ᱡᱟᱞᱟ
ᱡᱟᱦᱟᱭ ᱠᱚᱫᱚ ᱠᱚᱝᱠᱟ᱾

ᱟᱥᱟᱲ ᱥᱟᱱᱮ ᱫᱚᱠᱟᱱ ᱠᱟᱜ ᱼ ᱟ
ᱯᱚᱠᱚᱜ ᱨᱚᱴᱮ ᱪᱚᱯᱽ
ᱵᱟ.ᱨᱩᱰᱟᱝ ᱨᱮᱱᱟᱜ ᱯᱳᱥᱴᱟᱨᱮ ᱞᱟᱜᱟᱣ
ᱦᱚᱲᱮ ᱮᱢᱟ ᱠᱚ ᱰᱷᱚᱯᱽ᱾

ᱵᱷᱟᱫᱚᱨ ᱫᱟᱥᱟᱭ ᱫᱚᱠᱟᱱ ᱠᱟᱜ ᱟᱭ
ᱯᱩᱴᱠᱟ. ᱨᱮᱱᱟᱜ ᱨᱟᱥᱮ
ᱵᱩᱠᱤᱝ ᱦᱳᱭᱳᱜ ᱠᱟᱴᱠᱚᱢ ᱨᱟᱥᱮ
ᱢᱤᱫᱵᱟᱨ ᱫᱚᱭ ᱫᱚᱦᱚ ᱠᱚ ᱛᱟᱥᱮ᱾

ᱥᱚᱦᱚᱨᱟᱭ-ᱟᱝᱜᱦᱟᱲ ᱧᱟᱢᱚᱜ ᱩᱱᱤᱴᱷᱮᱱ
ᱥᱟᱱᱟᱢ ᱟᱲᱟᱜ ᱵᱷᱟ.ᱡᱤ
ᱡᱟᱦᱟᱭ ᱠᱚ-ᱠᱚ ᱦᱟᱛᱟᱶ ᱢᱤᱫᱫᱷᱟᱣ
ᱮᱠᱟᱞ ᱵᱟᱝ ᱠᱚ ᱟ.ᱫᱷᱤ ᱾

(ᱛᱳᱸᱜᱮ ᱻᱟ...)

 

=-=-=-=-= ᱛ =-=-=-=-= 

 ৬।।

গেঁদ বুঢি

সারি ধরম হাঁসদা

 

 টলা পাড়া গেঁদ বুঢি
            ঝুরি মায় ঝাঁকায়া,
ডেব ডেব চুলহৗরে
           পোঁড পোঁড এ দাকায়া।

 

 সিতো সতো লুটিতে মা 
            ফাস ফুস এ অংআ,
 চপে জহা ফুগড়িতে
              সানামে ফসংআ।

 

সাহান মা অলাহেৎ
          সেঁগেল মা গুৎগুৎ,
 টলা পাড়া টাপাও আয়
           ধুঁওয়ৗ তেগে তুৎতুৎ।

 

 সোর আন ক পাতড়া
             গিদরৗ মা খেনেখেজ,
 অৗঁড়তিরে বিলমঃআ
              বুঝৗও ক রেজরেজ।

 

=-=-=-=-= ᱛ =-=-=-=-= 

 ৭।।

কাথা বাডোহি

দুগাই টুডু

 

হাড়াম বাগে হহ কেদায়
     গিদরৗ কদ দেলা,
মিৎটেন অনলিয়ৗ কাথাঞ লায়া
     আপে কোঠেন ভালা।

 

‘সুসৗর ডাহার’ পাথাম রেদ
       অলা পৗহিল তেগে,
‘পছিম বাংলা’ ‘তেৎরে’ ‘সিলি’
      ‘হড় আড়াং’রে ভাগে।

 

কৗহনি অনল অল লেদায়
       সাঁওহেৎ সাকাম রেদ,
নাপায় নাপায় কাথা কতে
       জড়াও বাড়া গেদ।

 

কাথা গাবান মঁজগে তায়া
      একাল জিউয়েৎ লেকা,
পাড়হাঃ করে গুরলৗ অনা
       মনে অন্তর অকা।

 

উনি অকয় বাডায় জংপে
       রূপচাঁদ হেম্ব্রম কানে,
‘কাথা বাডোহি’ মেনতে অনে
      ঞুম লেদেক হানে।

 

আজাঃ অলা পতব কোতায়
        ‘উরগুম’ ‘উরৗলিয়ৗ’
‘ওনোরোম’ তেদয় ওরোম লেনা
         গৗখুড় অনলিয়ৗ।

 

=-=-=-=-= ᱛ =-=-=-=-= 

 ৮।।

সুসৗরিয়ৗ

সুচাঁদ হাঁসদা

 

হপন বাবুয় পাস আকাদা ,
তিসহঁ বাংএ ফেল ৷
খেল রেঁহকো রতন রাগদা ,
বাবু দ বায় খেল ৷

 

মনে মরুক কাতেয় অলা ,
হড় লেকায় হড়ঃ ৷
বুগিয়াঃগে হাপেনে রলা ,
সাঁওতা সুসৗরে গড়ঃ ৷

 

হাপেনে বেনাঃ আলে বাবু ,
মাসটার বাংখান ডাকতার ৷
জান সখা হাপেন ক কাবুঃ ,
নাসাও তাকোয়ায় মানতার ৷

 

হুঁসৗরঃ পে সনতরঃ পে ,
এহো নাসনিয়ৗ ৷
দারায় কানায় হৗনি ঞেঁলেপে ,
আলেরেন সুসৗরিয়ৗ ৷

 

=-=-=-=-= ᱛ =-=-=-=-= 

৯।।

সিপৗহী

 বাড়তাং সরেন

 

হারা জুয়ৗন সিপৗহী কো দিশম সীমৗরে
সিঞ ঞিদৗ বেঙ্গেৎরে, দিশম বেড়হায়রে। 
তিরেদ সেঙ্গেল টুটি তাড়াম কাটাপ কাটাপ
জানাম দিশম রফায় রেদ তি-তিকো সাপাপ।

 

তাঁহেনাকো বুরু টুঙ্গৗচ রেয়াড় রাবাং তালা
তৗঙ্গি তাঁড়াঃ উকুচুকু  বীরমা গাজাড় তালা,
অকয় কোদ জাহাজ চেতান দাঃ দরেয়া তালা
তাঁহেনাকো গাদেল গাদেল গিতিল দরেয়া তালা।

  

দাঃ জৗপুৎ ঝমর ঝমর হড়মো রেঙ্গেচ তেতাং
হয় ভারডো বিজলী হুডুর ললো সিতুং এলাং,
সারা ঘৗড়িচ এভেন রেগে একাল বাকো জৗপিৎ
সাহাও আকো ঝত জ্বালা জানাম দিশম লৗগিৎ।

 

মনে জিউয়ী দিলদাড়ে, নাসে হঁ বানুঃ বতর 
রেয়াড় রাবাং দেয়াকাতেঃ তাঁহেনাকো সন্তর।
বৗইরীকো সেটের রেদ, বাঁদুক গেকো তাক
সামাং সামাং তাপাম রে বহঃ হেলেচ তপাক !

 

অড়াঃরেমা আয়ো বাবা হড়মো লুকুর থুকুড়
এরা উরু মা তৗঙ্গি তাঁহেন, থৗরি তাবেন গুড়।
অকয়কো দ বাকো রুয়ৗড়, সৗরিগে সৗরি হায়,
জানামদিশম লৗগিৎ সৗরি, জিউয়ী হঁকো আলায় !

 

  =-=-=-=-= ᱛ =-=-=-=-= 

 ১০।।

মারসাল আপে খৗতির

কানন হাঁসদা

 

মারসাল এনা বাবু বিটি
     সিম ক  কুকড়ো কেৎ
বেরেৎ কাতে ,সাপাসৗফি যতঃ
      তিঃ জাংগা মেৎ !

 

আপান -আপিন,কৗমি মেনা
      আমাঃ কৗমি চেৎ?
কৗমি পুরৗও !দহোঃ মেনা,
     বুডি গো, আ রেৎ !

 

অকা তাহেন ,কলাই আতা,
        মিতবার দ হেড়েম লৗডু
হৗটয়ৗর খন হাড়ামবা  হ
        সিবিল  সড়ম! ,সাব মেনা  ডৗডু!

 

অল পাড়হা,ভৗলিম সেড়ায়
      আডি কো দুলৗড় মেয়া
যাহাম খজোঃ ,তাহাম ঞামাঃ
          বুঝঃ কাঃ মে  এয়া !

 

অল অলতে ,আড়াং মেশে
       দিশৗঃ হিজু সানাম
আয়ুব বেলা ,হাড়ামবা দই
   রেতায়  গেয়ায়  বানাম !

 

অল পাড়হারে ,হামেট হুয়ু
                 বুঝ আকিল কাথা
সারহাও মেকো, আতো হড়
                      অল বেলতে খাতা !

 

আমাঃ অলঃ ,আমাঃ সেড়া৺,
         আতো টলায় লাহাঃ দৗড়ি
মানত হড় এম ,মানত কোওয়া
                বাড়াই কাঃ মে সৗরি !

 

হিজুঃ তামা ,গড় জোহার
        বাড়ায় দাম ,আচার বিচৗর
অকা গানো ,অকা বাং
           তেয়ার আকান ,সংসার !

 

বৗবু বিটি ,বিটি বৗবু
      হানে , মারসাল হিজুঃ কান
সাঁওতা লাহা,দিশাম লাহা
       বাড়ায় আকো ,নোওয়া  আপেয়া দান !

 

 =-=-=-=-= ᱛ =-=-=-=-= 

১১।।

ভুরকৗঃ  ইপিল

 সমরলাল টুডু

                      

ইতুন আসড়া ক-কতেয়্ চালাআ বিটি
মারাং কাতে হুয়ুঃ আয় সোনাগে খাঁটি,
বাবুখন্ মৗইদ অকাতেগে বায় খাটঃ
এনেজ সেরেঞ সেচেদ্ যততেয় মাঠঃ ।

 

এটাঃ অড়াঃএ দুকান হড়ক মেনা
সেঁড়া কাতে অলঃ চুলহৗগেয়্ অঙানাঃ,
বিটি সোনা তালেদ বায় লুতুরাঃ কানা
সেঁড়ায় গেয়ায় অলঃ বায় বাতাও মানা ।

 

আলে সোনা বিটিদ অলঃ বৗতিয় জেরেদ্
ইকড়ু মাকান সমাজ গৗডিদয় বেরেদ্,
ঞিঁদৗ আঁগা কাতে ভোর ভুরকৗঃ ইপিল্
মারসাল ডিগ্ ডিগ্ বহঃ রেয়ে দিপিল।

 

ঘেঁট্ দিপিল হড়ক চালাঃ চৗকরতৗড়ি ছাতা
এহের্ জিকি ঞেঁলক পাতা ঞিঁদৗ সাতা গাতা,
ইতুনঃএ চালাঃ বিটি সাঁওতে বই খাতা
সাঁওতারে রহয়ায় নাওয়া অলঃ ইতা।

 

অলঃ পাড়হাও তেদ মৗনমি মেৎএ মার্শাল
আখির জিয়ন্ খাঁডাও হরে আরশাল,
হড়ক ঝৗন্টিঃ রেহঁ চালাঃ আয় সেচেদ্
আঁধা পৗতয়ৗও আজার সৗরিগেয় কেচেদ্ ।

 

সেঁড়াকাতে বিটিদ জামাই অড়াঃএ চালাঃ
বাবা অড়াঃ খনে ইদি সেচেদ সাঁদেশ খালাঃ
সোনা মিরুক তায় জমাক রৗস্কৗ সালাঃ
সাঁওতা ঢঁগা উৎনৗও চালাঃ ছালাঃ ছালাঃ ।

                                

=-=-=-=-= ᱛ =-=-=-=-= 

 ১২।।

আলে বাবু রায়

সনাতন টুডু

 

আলে বাবু রায়
আডি গরব তায়,
সেতাঃ জম বেড়া
থৗরিয় রুই তায়।

 

হড়কো জমা লগন
আচ্‌দ মেকেজ্‌ মেকেজ্‌,
লৗই কাথারেয় রৗগিঃ
কাথা দমেয় কেচেদ্‌।

 

হানা নওয়ায় জম
একাল বাংগেয় কম,
বাং ঞাম রেদো
কুডৗম সাতেয় দন।

 

পাড়হা কাথা খান
মিৎটাং বারয়া গান,
আঁজম কাতেয় তাঁহেন
রেহাই ঞামঃ খান।

 

দাঁড়ান যুদিয় সেনঃ
বাম মেতায় চেদ্‌হঁ,
 হড়াঃ অড়াঃ করে
বুসুব আতেয় তেনঃ।
 

আলে বাবু রায়
দমে রৗগি তায়,
দালে জম রেহঁ
খেয়াল বৗনুঃ তায়।

 

=-=-=-=-= ᱛ =-=-=-=-= 

 ১৩।।

গিদরৗ বৗউলি

সত্যেশ্বর মুরমু

 

জারগে জৗপুৎ, জারগে জৗপুৎ
আরহঁ তিসেম হিজুঃ আ?
ইস্কুল পাঠশাল ঞামঃ ছুটি
আডি মঁজ হোয়োঃ আ।

 

আলে কুলহি তালা তেদ
দাঃ ইঞ পাঘার ইদিয়া,
কুডৗম রেনাঃ রৗপুৎ পাটা
লহৎ আতেঞ অডাও আ।

 

বল ডৗহিরে বলেঞ খেলা
গুড়দৗউ আতেঞ থৗয়ৗয়া,
ইঞ আয়োয় তলাসিঞ রেদ
অকয় হঁ আলপে লৗইয়ৗ।

     

=-=-=-=-= ᱛ =-=-=-=-= 

 ১৪।।

কাদাম বাহা

দুর্গাচরণ মুরমু

 

কাদাম বাহা! কাদাম বাহা!
আমদ দারে ডৗর লাফাং
ঠিম্পা ঠাড়েম বাহা আকান
একলা হর ধারে সামাং।

 

অকা টাংচ জ তাম
অকা টাংচ তাম বাহা
আঁধা আকো হড় সানাম
দিনৗম দিন জঃ মাহা।

 

হিসিৎ হিসিৎ হয়তেম হিলৗঃ
মহকাঃ আমাঃ বাহা স
উডৗও আবোঃ বির চেঁড়ে
জিনতী পিপড়ী সানাম ক।

 

হিরি মেকো চেঁড়ে চিপরুৎ
লুতি তেরম ঞেলে ভাওয়ার
চেপেজ আকো বাহা রাসা
খিলডু এনেচ রৗস্কৗ সাওয়ার।

 

কয়গ মেলে সাঁগিন খন
সেতাঃ তিকিন বার বেড়া
হিজুঃ সেনঃ আমাঃ শোভা
ঞেল আকো দিসম পেড়া।

 

ঝারলা ঝৗরলি লল সিতু
আডি হেমাল আমাঃ উমুল
 ভর তিকিন দুড়ুব  জিরৗঃ
 ঞিদৗ বেড়া চুমুল চুমুল।
 

 =-=-=-=-= ᱛ =-=-=-=-= 

 ১৫ ।। 

চিতৗর

সীতেন মাণ্ডি

 

কুলহি ধুড়ি
               বালি অড়াঃ
সুই তপা
            ‌গিদার হড়াঃ।

 

পুতলি  বাঁদে
           পাঠে কেটেচ্
গাতে গাতে
            আড়াঃ সিদ্ ।

 

  কিত্‌ কিত্‌   
      খেল খেল
এনেচ্  আক
            ঠেল মেল।

 

লটা  বৗটি
        জনঃ আঁটি
অড়াঃ দুয়ৗর
            বৗনুঃ টৗটি।

 

বাং তাহেন
     ‌ উকু কাথা
এড়ে  সৗরি
     চাহাপ  মচা।

 

নোওয়া  উমের
       বাং  হেওয়ের
লাজাও   বতর
            বৗনুঃ  সতর।

 

লিঙ্গি দাঃ
     রিলৗমালা
আতু চালাঃ
         বাং রুয়ৗড়।

  

কচি বয়স
      জিয়ন  সরেশ
দিশৗ  হিজুঃ
লান্দা  বুজঃ।।

 

=-=-=-=-= ᱛ =-=-=-=-= 

 ১৬।।

কৗসি টাঁন্ডি 

বাবলু  সরেন

 

সিঞ বেড়াদক আতিঞ বাড়ায়
গৗই ডাংরা মেরম ভিডি
পুঁড় গেলে কৗসি টাঁন্ডিরে।

ঞিদৗ বেড়াদক আচুর বাড়ায়
বৗইদ রুন্ডৗ  বাঁন্ডিয়ো তুয়ু
তেরদেজ মারসাল অনা টাঁন্ডিরে।

 =-=-=-=-= ᱛ =-=-=-=-= 

১৭।।

দুলৗড় সোনা

গাতে টুওয়ৗর

এ দুলৗড় সোনা
মারসালমে গটা কোনা
          অলঃ সেঁড়ায়মে
        অৗকিল হামেটমে ।

এ দুলৗড় সোনা
আলম আঁজম মানা
          দিসম সুসৗরমে
         আনাট সাহায়মে ।

এ দুলৗড় সোনা
জিয়ৗড় মেসে সানা
         মানমি সেবারে
         দুখ মুহিমরে ।

এ দুলৗড় সোনা
চাঁদো মেনায়ানা
      পৗউড়ি লাহায়মে
       বতর সাহায়মে ।

এ দুলৗড় সোনা
অকত লাহাঃ কানা
          অকত সাঁও তাড়ামমে
         সাগুন আমে দারামমে ।

=-=-=-=-= ᱛ =-=-=-=-= 

১৮।।
কুঁড়িৎ চেঁড়ে

বিভূতি ভূষণ সরেন 

আডি চেতানরে উডৗঃ কান 
       বৗইতে ' কুঁড়িৎ চেঁড়ে ,'
চেতান খনাঃগে জমাঃ ঞেলায় 
         ঞেলরে বাংগে এড়েঃ। 


আচুর বিহুর উডৗঃ রেহঁ 
         আডি লাফাং রে ,
ফেড কাতেঃ রাচাঃ রাকাব 
     তাঁহেন রেহঁ দানাংরে। 


 কুঁড়িৎ চেঁড়ে  লেকা গেতায় 
           আলে ছনা আঃ মন, 
রেঁগেচ্ লেখান যাহাঁ গে ঞাম 
               অনা গেয়ে জম।

=-=-=-=-= ᱛ =-=-=-=-= 
১৯।।
সেতাঃ খন ঞিদৗ
দুলৗড় বিটি

 

সেতাঃ বেড়া বেড়ায় রাকাব
       আরতা জরং জরং
তারাসিঞ বেড়া বেড়ায় হাঁসুরঃ
       রাংতা ঞেলঃ রং।

 

ঞুহুম তরা চাঁদোয় রাকাব
      বরফ লেকা ধব্‌ ধব্‌,
ঞিদৗ মুচৗৎ চাঁদোয় হাঁসুরঃ
       ঘাসরে শিশির জব্‌ জব্‌।

 

ঞিদৗ বেড়াগে ইপিলক ঞেলঃ
        তিনৗঃ ঝাঁক ঝাঁক,
দিন বেড়া মা ঝতক আদ
        সেরমা ঞেলঃ ফাঁক।

 

%%%%% মুচৗৎ %%%%%