আবোওয়াঃ ডিজিটাল ডেস্ক- ঞেল ঞেলতে “আবোওয়াঃ কাথা” ডিজিটাল ডেস্ক খন উছৗনঃ কান হাপতা পিছে সিঁগি মাহা রেনাঃ সাকাম ‘চেরেচ্ আড়াং’ ২২ আগস্ট হিলোঃ মিৎ সেরমায় পুরৗও কেদা। অনা মাহা দিশৗ কাতেগে হলা ২৩ আগস্ট, ওয়েবনার তালাতে মিৎ সেরমা পুরৗও চেরেচ্ আড়াং রে অনড়হিঁয়ৗ হেলমেল হুয় পারমেনা। আখড়া দ সৗহিজুহি লেনা “আবোওয়াঃ কাথা” ডিজিটাল ডেস্ক পাহটা খন। নোওয়া ওয়েবনার আখড়ারে ঞুম উরুম অনলিয়ৗ খন এহব কাতে আয়মা নাওয়া নাওয়া অনলিয়ৗ কহঁ কো সেটের লেন তাঁহেনা।
আখড়া বৗইসি লেকাতে তাঁহেলেনায় ঞুম উরুম অনলিয়ৗ
মানতান দুগাই টুডু গোমকে। ‘চেরেচ্ আড়াং’ রেন সাসাপড়াওয়িচ্ সৗগুন দারাম কাথারে লৗই
তরা কেদায় বাংমা- অনলিয়ৗ কোওয়াঃ গড় তেগে তেহেঞ ‘চেরেচ্ আড়াং’ মিৎ সেরমায় লেবেদ্ তিয়োঃ
কেদা। অনাতে উনি সানাম অনলিয়ৗ আর অনড়হিঁয়ৗ কো গুনমানাও সারহাও এ চাল আৎ কোওয়া।
অনা তায়ম “আবোওয়াঃ কাথা” রেন জগ-সাসাপড়াওয়িচ্
মানতান সনাতন টুডু গোমকে ‘গিদরৗ সাঁওহেদ্ রেনাঃ গড়হন’ সাতাম চেতান গালচ্ এ দহ লেদা।
অনারে মানতান টুডু গোমকে ‘গিদরৗ সাঁওহেদ্ রেনাঃ গড়হন’ অকালেকা হোয়োঃ আ অনা আডি খাটো
মাছাতে পুসটৗও সাঁহিচ্ এ রড় রাকাব কেদা। ‘চেরেচ্ আড়াং’ রেনাঃ মিৎ সেরমা নোওয়া ইদিকাতে
মানতান শ্রীকান্ত সরেন গোমকে লৗই সদর কেদায় বাংমা চেরেচ্ আড়াং’ গিদরৗ সাঁওহেদ্ চেতানরে
মিৎ মারাং রেকর্ড এ তেয়ার কেদা। নঁতে গিদরৗ সাঁওহেৎ চেতান মিৎ বার কাথা লৗইতে মানতান
সারিধরম হাঁসদা গোমকে সদর কেদায় বাংমা নিৎ রেন গিদরৗ যাঁহালেকা ভাবতে হারাবুরু আয় হাপেন
দিন হঁ অনকাগে উনিদ জ-বিলি এমঃ আয়।
সেলেদ্ লেন আয়মা অনলিয়ৗ কো মুদ্রেগে নোওয়া গিদৗর
বৗউলি ‘চেরেচ্ আড়াং’ আরহঁ লেতাড় গে উছৗন ইদিঃ মা সাঁওতে ‘গিদরৗ সাঁওহেদ্’ চেতান সংকলন
হঁ ছাপাও সদরঃ মা, অনা লৗগিৎ সাসাপড়াওয়িচ্ গোমকে ঠেন মিৎ আরদাশ হঁক দহ কেদা। যাঁহাতেদ
হাপেন পুঁথি লেকাতে সানাম গিদরৗ কোঠেন সেটের লেনখান ওনকো সানাম কোগে নোওয়া রেনাঃ রাসা
কো চেপেজ্ হৗটিঞ দাড়েয়াঃআ।
আখড়ারে অনড়হিঁয়ৗ কো লৗগিৎ গিদরৗ বৗউলি অড়হেঁ রেনাঃ
হঁ বন্দেজ তাঁহেকানা। ‘চেরেচ্ আড়াং’ রেন সাসাপড়াওয়িচ্ গোমকে মিৎ রৗস্কৗ সাঁদেশ এ
লৗই সাডে কেদা বাংমা নোওয়া মিৎ সেরমারে যাঁহাতিনাঃ অনলিয়ৗ ‘চেরেচ্ আড়াং’ রেকো সেলেদ্
লেনা সানাম কোগে CERTIFICATE OF PARTICIPATION এ চাল আকো কানা। যাঁহাদ নওয়া আবোওয়াঃ
ডিজিটাল ডেস্ক খন গে নিজর নিজর সার্টিফিকেট কো ডাউনলোড দাড়েয়াঃআ।
.webp)
.webp)
