আবোওয়াঃ ডিজিটাল ডেস্কঃ- হলা ২৫ আগস্ট, ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন ঝাড়গ্রাম জেলা কুমুট রেন রৗসিয়ৗকো ফেক এসটি সার্টিফিকেট ইস্যুতে ঝাড়গ্রাম এস.ডি.ও. সাঁও ঞাপাম রপড় এনাকো। অ্যাসোসিয়েশন রেন রৗসিয়ৗকো এস.ডি.ও. সাহেব ঠেন দৗবীকো রাকাব কেদা পছিম বাংলা সরকার আঃ দুওয়ৗররে সরকার প্রকল্প তালাতে অ-আদিবাসীকো যাতে এসটি সার্টিফিকেট আল কো ঞাম দাড়েয়াঃমা।
নোওয়া ইদিকাতে এস.ডি.ও. সাহেব এ লৗই কেদা- ঝাড়গ্রাম জেলা মুদরে যাঁহারেগে অ-আদিবাসীকো এসটি সার্টিফিকেট কো ঞাম লেখান উনরেগে বন্দেজ এ হাতাওয়া। এস.ডি.ও. সাহেব সেটেরলেন রৗসিয়ৗ কহঁ সতর তাঁহেন এ মেতাৎ কোওয়া সাঁওতে অ্যাসোসিয়েশন আঃ গড় হঁয় খজ আকানা। উন অকতেগে উনি, বির মন্ত্রী বিরবাহা হাঁসদা সাঁও হঁ নোওয়া ইদিকাতেৎ ফোন তালাতে মিৎ ডডেয় রপড় তরায় এনা।
এস.ডি.ও. সাহেব রৗসিয়ৗকো নোওয়া হঁয় বাডায় অচ কেৎ কোওয়া যে- গোপী ব্লক, সাঁকরাইল ব্লক আর নয়াগ্রাম ব্লক রেন আদম বৈগা বাংমা এসসি খন কো এসটি লৗগিদঃ কানা আর শিলদৗ রেন মিৎ কামার মাড়াং ওবিসি তাঁহেলেনায় নিত উনি এসসি লৗগিৎ এ আবেদন আকাদা। এস.ডি.ও. সাহেব অনকানা সানাম ডকুমেন্ট বৗতিল আকাদায় মেনতে রৗসিয়ৗকো সামাংরে উদুঃ সদরাৎ কোওয়ায়। এস.ডি.ও. সাহেব সাঁও অ্যাসোসিয়েশন আঃ নাপায় গাপালমারাও হুয় আকানা মেনতেহঁ রৗসিয়ৗকো পাহটা খন আবোরেন খবরিয়ৗকো বাডায় অচ আকাদেয়া।
এস.ডি.ও. সাহেব সাঁও ঞাপাম রপড় আখড়ারে ঝাড়গ্রাম জেলা কুমুট পাহটা খন সেটের কো তাঁহেলেনা সভাপতি মানতান বৈদনাথ হাঁসদা, সেক্রেটারী নিরঞ্জন মুরমু, কেশিয়ার রবীন্দ্রনাথ হাঁসদা সাঁওতে রৗসিয়ৗকো মুদ্রে অর্জুন মুরমু, ছাকু টুডু, কচিরাম টুডু, লুদা সরেন, উপেন্দ্রনাথ হেম্ব্রম, দিলীপ মান্ডি, সঞ্জয় হাঁসদা, ভরত হেম্ব্রম, যতন নায়েক, ভগবান মান্ডি, কানাই মুদি আর কানু মান্ডি এমানকো।
.webp)
.webp)
