মানতান সাসাপড়াওইচ, আবোওয়াঃ কাথা
সিঁঙ্গিমাহা রেনাঃ সাকাম 'চেরেচ আড়াং' তুলৗজখা, লেখা- ৫২
২২ আগস্ট, ২০২১
তুলৗজখা- শ্রী কা ন্ত স রে ন
১। বির
সুবুদিয়ৗ মূর্মূ
মানতান অনলিয়ৗ সুবুদিয়ৗ মূর্মূ গমকে, ' বির' রে বল কাতে দারে ক সাঁও গাতে কাতে উনকু সাঁও আডি নাপায়ে রপড় আকানা। বির দারেরেয় ঞেল ঞাম আকাদা,মানওয়া কওয়াঃ গুন। নাপায় উইহৗর-ভাবনা রেনাঃ মিৎটাং নাপায় অনড়হেঁ।
২। বিঁদি
গোপেশ্বর মান্ডি
বিঁদিয়াঃ জিয়ন আতে নাপায় চিতৗরে গাঃ আকাদা,মানতান গোপেশ্বর মান্ডি গমকে। অনড়হেঁ রে ছন্দ উনাঃ মৗন বায় ঞাম আকাৎ রেহঁ, বিঁদিরে ঢাঙ আকানা আবোওয়াঃ জিয়ন ।
৩। উসুল বুরু আর ইঞ
এভেন কুয়লী সরেন
বুরু দ তিসহ বহঃ বায় তিরুবৗ। অনাতে সানাম হড় বুরুসেৎ কয়ঃ কাতে বুরু লেকা উসুল সানা কওয়া। মানতান এভেন কুয়লী সরেন হ নংকান ভাবনা আতে অল আকাদায় ' উসুল বুরু আর ইঞ ' ।
৫। ইতুন আসড়া ( দসার হৗটিঞ)
বাবলু সরেন
ইতুন আসড়া,অড়াঃ আর হিজুঃ সেনঃ ডাহার-
নওয়া করেগে মেনাঃ আ তেরম রাসা লেকান হেড়েম;
পারম আকান অক্ত। নওয়া করে খনগে গড়হনঃ আ আখির দিন। নংকান নাপায় ভাবনা রেনাঃ অনড়হেঁ মানতান বাবলু সরেন আঃ ' ইতুন আসড়া ' ।
৬। সৗরি কাথা
সারি ধরম হাঁসদা
সৗরি কাথা রেগে মেনাঃ আ হেড়েম আর হাড়হাৎ। এনরেহঁ হাড়হাৎ কদ চৗইত-বৗইশাক রেনাঃ হয়-ভৗরডু লেকা হিজুঃ আ আর রুওয়ৗড় আ। সৗরি সাঁও গাতে কাতে গে মিৎদিন বন ঞামা,সরেস ডাহার। নংকান নাপায় ভাবনা রেনাঃ মিৎটাং নাপায় অনড়হেঁ ' সৗরি কাথা '।
৭। চেরেচ আড়াং
রামলাল টুডু
মানতান রামলাল টুডু সিঁঙ্গিমাহা রেনাঃ সাকাম 'চেরেচ আড়াং' সেরমা পুরৗউ বায় হিড়িঞ আকাদা। অনাতে ' চেরেচ আড়াং ' রে ' চেরেচ আড়াং ' অল কাতে চেরেচ আড়াং রেনাঃ মৗনে দহ আকাদা। নওয়া চেরেচ আড়াং সানাম গেক চেরেজা মেনতে ইঞাঃ পৗতয়ৗউ।
৮। রৗস্কৗ
বাড়তাং সরেন
নওয়া ধৗরতী পুরীরে সানাম সিরজন রেগে মেনাঃ আ রৗস্কৗ। নানা হুনৗর রৗস্কৗ ঞেল ঞাম কাতে ,মানতান বাড়তাং সরেন হঁ আডি নাপায়ে রৗস্কৗ আকানা। আমাঃ রৗস্কৗরে আলেহলে রৗস্কৗয়েনা।
৯। লাগড়ে আখড়া
সেঁগেল মারমার
মানতান অনলিয়ৗ সেঁগেল মারমার আঃ ' লাগড়ে আখড়া ' রৗস্কৗ ঞাম লেকানাঃ। দাঃ রেন জিয়ৗলি ক আতে লাগড়ে আখড়া তেয়ার,মিৎটাং নাপায় সিরজন ভাবনা। পৗঠুওয়ৗ তরব খন আয়মা সারহাও।
১০। তালে পিঠৗ
দুগাই টুডু
মানতান দুগাই টুডু আবো সানাম ক লৗগিৎ আডি নাপায় ' তালে পিঠৗ' য় বেনাও আকাদা। তালে পিঠৗ রেনাঃ শঁধাড় শ আর বাহা রেনাঃ শঁধাড় শ,বানার গে মনে জিউয়ীরে আতাং দারাম লেকানাঃ।
১১। ইদিঞ পেসে
সনাতন টুডু
বাহা রেনাঃ শঁধাড় শ অটাং অটাংতে শঁধাড় আদঃ আ মেনখান মনে অটাং লেনখান অকারে যে তেঁঙ্গোনা, বাং বন বাড়ায়া। মানতান সনাতন টুডু গিদরৗ মনে রে বল কাতে,অটাং আকাৎ তাকওয়ায় মনে সেরমা লাফাং রে। নওয়া মনে উডৗউ রেগে মেনাঃ আ, নাওয়া-নাওয়া রৗস্কৗ ধৗরতী।
১২। সৗরি গে রিমিল
কানন হাঁসদা
রৗস্কৗ রেনাঃ ডৗডি ধারনা হোয়োঃ কানা,আবোওয়াঃ মনে। নওয়া মনে জাহা-মান তাহা দাঁড়া কাতে রৗস্কৗয় ঞাম দাড়েয়াঃ আ আর হড়হয় রৗস্কৗ হচ দাড়ে আকওয়া। মানতান কানন হাঁসদা গমকে রিমিলরে দাঁড়া কাতে ইপিল এঁগেল ক সাঁও আয়মা রৗস্কৗ কাতে,অনা রৗস্কৗ আবো কঠেনে আড়তি আকাদা। বেঙ্গেৎ কাতে কুকমু তে রৗস্কৗ ঞাম রেনাঃ,মিৎটাং নাপায় অনড়হেঁ নওয়া ' সৗরিগে রিমিল ' ।
১৩। সাকাম
কিস্কিন্ধা মূর্মূ
সাকামাঃ জীয়ন আতে মিৎটাং নাপায় অনড়হেঁ এ আড়তি আকাৎ বনা মানতান অনলিয়ৗ কিস্কিন্ধা মূর্মূ।
সাকাম সাঁও আবোওয়াঃ জিয়নরেহঁ জৗনিচ, নাপায় মিল মেনাঃ আ। সাকাম পান্ডু লেনখান ঞুরুঃ আ,আবোওয়াঃ জিয়নহঁ জৗনিচ অনকাগে।
১৪। ভেগেৎ
সুচাঁদ হাঁসদা
মানতান সুচাঁদ হাঁসদা আঃ ' ভেগেৎ' আডি কৗমিরেনাঃ কানা। নওয়া ভেগেৎ তেগে গিদরৗ ক হিসৗব-নিকাশ রেনাঃ মিৎটাং আহলা ক ঞামা।
১৫। আল বৗবু রাঃ
সতন কুমার সরেন
মানতান সতন কুমার সরেন গমকে,গিদরৗ বুলৗউ রেনাঃ গিদরৗ বৗউলী ; কাথা আড়াংতে গাবান কাতে আডি নাপায়ে আড়তি আকাদা। নওয়ারে ছন্দ উনাঃ বাং গান আকান রেহ,বৗউলী রেনাঃ গাবে দ হেড়েম গেয়া।
১৬। আইদৗর
বিভূতিভূষণ সরেন
নাহাঃ অকতরেয়াঃ মিৎ জথাত অনড়হেঁ মানতান বিভূতিভূষণ সরেন আঃ ' আইদৗর ' । আইদৗর ঞাম লৗগিৎ নওয়া আইদৗর,সাঁওতে দহ আডি জৗরুড়া
১৭। সৗগুন জানাম মাহা
সীতেন মান্ডি
মানতান সীতেন মান্ডি গমকে ' চেরেচ আড়াং ' আঃ জানাম মাহা দিসম রে ছৗটয়ৗর কাতে,মিৎটাং নাগাম এ সিরজন কেদা। আয়াঃ নওয়া কৗমিরে হুডিঞ-হাপড়াঃ অনলিয়ৗ কওয়াঃ মৗনহঁ বৗড়তি আকানা।
১৮। আবোদ অলঃ গিদরৗ
দুলৗড় বিটি
অলঃ গিদরৗ ক জাঁহা সেঁড়া লৗগতি কানা,অনা ক কাথাগে দুলৗড় বিটি য় দিশৗ আৎ বনা। নুই আঃ দিশৗতে সাঁওতারে শঁধাড় বাহা,বাহাঃ আ।
১৯। ধিরি কাটকম
বাবলু সরেন
মানতান বাবলু সরেন ইচ ' ধিরি কাটকম ' দ আসুল লেকানিচ। আর বৗরুডাং লেকান কড়া দ,মিৎ বার এলাকারেন হুডিঞ-হাপড়াঃ যোধা। নওয়া কৗহনী পাড়হাও কাতে,হাতাং নাসেনাঃ রেহঁ লাসেরঃ গেয়া জৗনিচ।
.webp)
.webp)
