তমলুক রৗস্কৗ মহল হঁ জেগেত আদিবাসি মাহা মানাও রৗস্কৗয় সদর কেদা

আবোওয়াঃ ডিজিটাল ডেস্ক- ধৗরতি জাকাত রে যেলেকা ৯ আগস্ট জেগেত আদিবাসি মাহা মানাও হুয় হিজুঃ কানা অনকাগে আরকো সেরমা লেকা নেশহঁ তমলুক রৗস্কৗ মহল জেগেত আদিবাসি মাহা মানাও রৗস্কৗয় সদর কেদা। তবে কোভিড রেনাঃ সানাম লেকান নেয়াম তালাতেগে অনা মাহা মানাওঅঃ আ মেনতে মহল পাহটা খন বাডায় আকানা।

জেগেত আদিবাসি মাহা চেৎ আর চেদাঃ আদিবাসি তালারেকো মানাও বাতাও এদা ? ধৗরতিরে নিৎ হঁ আদিবাসী চেতান রডচ্‌, কচলন, নিশড়ৗও লেকান ঘটন ঞেলঃ গঃআ। অনকান জায়গারে তিঁগু কাতে নিৎ ভারত আর পছিম বাংলারেন আদিবাসী গোষ্ঠী হড় চেৎ লেকা মেনাঃ কোওয়া ? আকোওয়াঃ লায়লেগচার তিনাঃ গানকো বাঞ্চাও দহ দাড়েয়াঃ কানা ? হাসা ভাষা রেনাঃ অৗইদৗর গেবাং তিনাঃকো ঞাম এদা? বির-বুরু রেনাঃ অৗইদৗর কি কো ঞাম এদা? ফেক এসটি রেনাঃ রমরমা ঞেলতে পছিম বাংলারেন আদিবাসী কো নিৎ অকা ডাহারতে ? নংকান আয়মা সাতাম চেতানরে গালচিয়ৗ কো আকোওয়া বাঁখেড় কো সাব রাকাবা মেনতে মহল পাহটা খনগে বাডায় আকানা।

ইনা হিলোঃ ডাককর্মী ভবনরে তিকিন ১ বাজা অক্‌তে রৗস্কৗ মহল সানাম কোয় সৗগুন দারাম কোওয়া।