আবোওয়াঃ ডিজিটাল ডেস্ক- হলা ৯ আগস্ট, জেগেৎ আদিবাসী মাহারে অ-আদিবাসী কো আদিবাসী কান বিরুধরে নয়াগ্রাম রেন বিধায়ক মানতান দুলাল মুরমু সাঁও ঞাপাম রপড় এনাকো ।
বাডায় আকানা ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন ঝাড়গ্রাম জেলা কুমুট পাহটা খন হলা ঝাড়গ্রাম রে জেগেত আদিবাসী মাহা মানাও আখড়ারে মিৎ সাঁওতে নয়াগ্রাম রেন বিধায়ক মানতান দুলাল মুরমু আর মানতানিয়ৗ মুখিয়ৗমন্ত্রী মমতা বন্দোপাধ্যায় মিৎ সাঁওতে মেমোরেন্ডাম কো চাল আৎ কিনৗ। অ্যাসোসিয়েশন পাহটা খন অভিযোগ কো সদর কেদা বাংমা নিত চালাঃ কান অক্তরে কলেজ এড্মিশন খন এহব কাতে নানাহুনৗর চৗকরি রেনাঃ মেরিট লিস্ট রে অ-আদিবাসী কোওয়াঃ ঞুতুম আদিবাসী কোওয়াঃ তৗলিকারে ঞেলঃ গঃ কানা। অনাতে বাংমা সৗরিন আদিবাসী কদ আকোওয়াঃ বাখরা জুড়ু খন হঁক ছুডৗর অচোঃ কানা।
অ্যাসোসিয়েশন আরহঁ দৗবীয় সদর আকাদা বাংমা মাহাতো, মন্ডল,রায়, খাঁড়া, খাতুন, বেগম, ঘোষ, সরকার, বিশ্বাস, মজুমদার, ভার্মা, গুপ্তা, কুমার, কর্মকার এমন চেৎ চৌধূরী, ব্যানার্জী, চক্রবর্তী এমান বাঁম্বড়ে পৗরিশ রেনহঁ তেহেঞ এস.টি. তৗলিকা রেকো সেলেদঃ কানা। মেনখান পছিম বাংলারেন অকয় আদিবাসী গে নংকান পৗরিশ বাংকো বেওহারা মেনতেহঁ অ্যাসোসিয়েশন অভিযোগ এ রাকাব আকাদা। অনাতে অ্যাসোসিয়েশন মনে আকাদায় নংকান পৗরিশান হড়দ যাঁহা বাং যাঁহা খনগে ছলনা কাতেৎ নংকান এস.টি. সার্টিফিকেট কো জোগাড় আগুয়েদা। অ্যাসোসিয়েশন পাহটা খন নওয়াকো লগন বন্দয় রেনাঃ বন্দেজ হাতাওয়ঃ মা মেনতে দাবীয় দহ কেদা।
নোওয়া ঞাপাম-রপড় আখড়ারে ঝাড়গ্রাম জেলা কুমুট পাহটা খন সেটেরকো তাঁহেকানা- মানতান সভাপতি বৈদনাথ হাঁসদা, শ্যামসুন্দর হাঁসদা, সুনীল মুরমু, দিলীপ মান্ডি, নগেন হাঁসদা, শ্যামদা মুরমু সাঁওতে আরহঁ আয়মা রৗসিয়ৗকো।
.webp)
.webp)
