আবোওয়াঃ ডিজিটাল ডেস্ক- বাডায়ঃআ সৗরি দ তিসহঁ উকু রেদ বাং তাঁহেনা। মিৎ দিন বাং মিৎ দিন অনা সদরঃ গেয়া। অনকাগে মিৎ নাগাম রেনাঃ ঘটন উকু-দানাংরে তাঁহেকান যাঁহাদ ভারত দিশম ফুরগৗল কাতে তেহেঞ ৭৪ সেরমা তায়ম অনা দিশম হড় তালারে সদর লৗগিদঃ কানা। যাঁহা দ আডি আয়মা হড়াঃ গে বাডায় বৗনুঃ আকাদা।
বাডায় আকানা ৩০ জুন, ১৮৫৫ সাল খন বার সেরমা তায়ম
ঞেল লেখান ঞেলঃ গঃ আ গটা মানভূম জেলা (নিত পুরুলিয়া জেলা) রেহঁ ইংরেজ কোম্পানি বিরুধরে
লৗড়হৗই চালাঃ কান গে তাঁহেকানা। ১৮৫৭ সাল রেয়াঃ ৫ আগস্ট মানভূম জিহল রেন কয়েদি বাঁকুড়া
জিহল তে উচৗড় অকতগে রামগড় ব্যাটেলিয়ন ফৗদ্ হুলসৗই কো এহব লেদা। উন অকতগে নঁতে কাশীপুর
পঞ্চকোট রাজ নীলমনি প্রসাদ সিং দেও আর রাকাব বির টঠা করকটারেন হুলগৗরিয়ৗ খেলু মাঝি
(মুরমু) আঃ আয়ুরতে ৫ হাজার হড় আতে পুরুলিয়া ট্রেজারী কো লন্ড ভন্ড লেদা, জিহল খানাকো
রৗপুদ লেদা আর কয়েদী কো বাহের অডোক লেৎ কোওয়া। আরহঁ নঁতে রঘুনাথপুর কোর্টরে সেঁগেল
কো লাগাও আদ্ তাঁহেনা। রামগড় ব্যাটেলিয়ন ফৗদ্ পুরুলিয়া খন ঝালদা হৗবিচ্ কো সেটের
অটো লেৎ কোওয়া। অনাতায়ম রাঁচী সেনতেকো ডাহারাও লেনা। বাডায় আকানা মিৎ চাঁদো ভিতরিতে
মানভূম জেলা খন ইংরেজ কো লাগা ডিগ্লৗও লেৎ কোওয়া।
অনাতে নংকান মিৎ হুলগৗরিয়ৗ খেলু মাঝি (মুরমু) আঃ
নাগাম দিসম হড় তালারে পাশনাও আর উনিয়াঃ এনেম উইহৗর দহয় লৗগিৎ গাপা ৫ আগস্ট, হুলগৗরিয়ৗ
খেলু মুরমু উইহৗর বাথান আর ভারত জাকাত মাঝি পারগানা মহল পুরুলিয়া জেলা কুমুট কুরুমুটুতে
পুরুলিয়া জেলা রেনাঃ রাকাব বির টঠা করকটা আয়াঃ জানাম আতোরে উনিয়াঃ উনুইহৗর চাটান থাপন
কৗমি হরা সার সৗগুন লৗগিদঃ কানা মেনতে বাডায় আকানা। নোওয়া মহতান আখড়ারে সানাম কো সহর
সেটের লৗগিৎ কুমুট পাহটা খন আরদাশ কো দহ আকাদা।
.webp)
.webp)
