আবোওয়াঃ ডিজিটাল ডেস্ক- ভারত জাকাত মাঝি পারগানা মহল এহব খনগে মিৎ লেতাড় গে আদিবাসী হড় হপন কোওয়াঃ নানাহুনৗর দাবী-দাওয়া লৗইতে লৗড়হৗই কানায়। সরকারহঁ মহলাঃ আঁদোড় টেকাও দারাম লৗগিৎ শায় শায় ধাও এ রিকৗয়েদা। আয়মা অক্তে আয়মা লেকান বতর রেনাঃ কাথা কো সরকার পাহটা খন লৗই সাডে হুয় আকান রেহঁ মাঝি বাবা কো, পারানিক বাবা কো, গোডেৎ বাবা কো, পারগানা বাবা কো আঁদোড় খন বাংকো পিছলৗও আকানা। বাডায় আকানা তায়ম দারাম ওনকো ঞুতুমতে কেশ ফাইল আকানা। আয়মা জায়গারে নিৎ হঁ কেশ চালাঃ কান গেয়া।
অনকাগে বাংমা বাডায় ঞাম এনা বাংমা ২০১৮ সাল রেনাঃ ২৪ সেপ্টেম্বর ভারত জাকাত মাঝি পারগানা মহল পাহটা খন আদিবাসী হড়-হপনাঃ নানাহুনৗর দাবি-দাওয়া ইদি কাতে জাঁহা ডাহার জাঁগে দারাম হোয় লেনা, অনা বিরুধরে আয়মা হড়াঃ ঞুতুমতে কেশ হুয় লেন তাঁহে। আর অনা কেশ রে হলা ২৩ জুলাই খাতড়া জজকোর্ট খন রাইপুর মুলুক রেন পারগানা বাবা কো জামিন কো ঞাম কেদা মেনতে বাডায় আকানা। বাডায় আকানা রাইপুর মুলুক রে জাঁহায় কোওয়া ঞুতুম তাঁহেহেকানা ওনকো মুদ্রে তাঁহেলেনাকো ১। মানতান সুকচাঁদ সরেন, (মারে জেলা পারগানা), ২। বাবুলাল বাস্কে ( মুলুক পারগানা), ৩। বিমল সরেন (মুলুক জগপারগানা), ৪। ধরমদাস মান্ডি (জেলা জগ পারাণিক) , ৫। ফটিক হাঁসদা (মুলুক পারাণিক) , ৬। জমাদার সরেন (শ্যামসুন্দরপুর পীড় পারগানা),৭। ধনঞ্জয় সরেন ( নামতপা পীড় গোডেৎ) এমান।
বাডায় আকানা নোকোদ আপনার লৗগিদ দ কেশ বাংকো জম আকাদা। বাংমা সাঁওতা-সমাজ খৗতির সানাম সান্তাড়াঃ ভৗলৗই, দেশ-দিশম রেনাঃ ভৗলৗই খৗতির নংকান কেশ হুয় লেন তাকোওয়া। হলা ২৩ জুলাই খাতড়া জজকোর্ট খন জৗমিন ঞাম রেনাঃ খবর শোস্যালমিডিয়ারে পাসনাও এন তায়ম গে আয়মা হড় ওনকো কো সারহাও কো চাল আকাৎ কোওয়া।
.webp)
.webp)
