আবোওয়াঃ ডিজিটাল ডেস্ক- ভারত দিশমরে ব্রিটিশ শাসন বিরুধরে ঝতখন মারাং লৗড়হৗই দ ১৮৫৫ সাল রেনাঃ সানতাড় হুল। যাঁহারে ৩০ জুন হিলোঃ সিধু-কানু আঃ হহতে মিৎ জমেলায়রে হুল রেনাঃ কিরৗ কো আতাং লেদা গেল শাশায় সানতাড়। অনা সভারে এখেন সানতাড় সুমুং দ বাং আয়মা গাঁতাতরেন রেঁগেচ্ নাচার মৗনমি লৗইতে কলকাতা রেন বড়লাট ঠেন আকোওয়াঃ দৗবী সামাং লৗগিৎ দোমেল দোমেল কো লাহা হেচ্ লেনা। ওনকো ৭ জুলাই নাহাচৗরিয়ৗ মহেশ দারোগা কো গচ্ কেদেয়া। অনা তায়ম খনগে সানতাড়াঃ হুল ইষ্ট ইন্ডিয়া কোম্পানী লাগারেনাঃ জঁস এ হাতাও কেদা।
সিধু-কানু আঃ আয়ুরতে পোন চাদো খন হঁ বৗড়তি বীরভুম খন বিহার রেনাঃ ভাগলপুর জিলৗ ধৗবিচ্ আডি মারাং এলাকারেগে ইংরেজ শাসনিয়ৗকো জুবুথুবুয়েনা। উনরে ১০ নভেম্বর ব্রিটিশ সরকার সামরিক আইন জৗরি কাতে ফাদ কোওয়াঃ তি-রে এলাকারেনাঃ শাসনভার এ চাল আৎ কোওয়া। এহব এনা লৗড়হৗই। জাঁহাতিন ঘৗড়িচ টামাক সাডে লেনা উনঘৗড়িচ্ আঃসার কৗপি আতেকো লৗড়হৗই লেনা। মিৎ মিৎ ফৗদ আঃ গুলিতে সানতাড় কো গচ্ হচঃ কানা এনহঁ হারাও অচঃ চেৎ কানা বাংকো বাডায় লেদা। বাডায় আকানা অনা লৗড়হৗইরে আয়উমান গেল-পে শাশায় হড় গচ্ কাতে ইংরেজ শাসনিয়ৗ অনা সানতাড় হুল এ দমাও লেদা।
উন খনগে সিধু-কানু মানে হুল, সিধু-কানু মানে খেরওয়াল হপন কোওয়া বহঃ উসুল, সিধু-কানু মানে বাঞ্চাও রেনাঃ ডাহার, আর ৩০ জুন মানেগে সিধু কানু জোহার।
৩০ জুন হুলমাহা আর ৭ জুলাই রেনাঃ লৗড়হৗই খন সেচেৎ হাতাও কাতেগে নিতাঃ অকতরে মানবাধিকার রুখিয়ৗও লাড়াওনা চেতান ইদিকাতেগে দারায় কান ৪ জুলাই সিঁগিমাহা হিলোঃ ডাক কর্মী ভবন রে ৩ বাজা অকতে তমলুক রৗস্কৗমহল সাঁও সি. পি. আর. এস. আঃ জুগুৎ তে মিৎ হুলমাহা উনুইহৗর গালচ্ আখড়া কো সাপড়াও আকাদা।
অনা আখড়া সৗখি সভায় লৗগিৎ সি. পি. আর. এস. (মানবাধিকার সংগঠন) আর তমলুক রৗস্কৗ মহল পাহটা খন সানাম কো দোমেল দোমেল সহর সেটেরঃ রেনাঃ নেহঁর কো দহ আকাদা।
