আবোওয়াঃ ডিজিটাল ডেস্ক- পুরুলিয়া জেলা রেনাঃ বান্দোয়ানরে সানতালি সাঁওহেৎ লিটারেরি ফোরাম আঃ জুগুৎ তে ৩০ জুন হুলমাহা মানাওয়েনা।
আখড়ারে সানতাল রেয়াঃ নাগাম, সানতালি সাঁওহেৎ রে হুল রেয়াঃ অরসং আর তেহেঞাঃ দিন রে হুল রেয়াঃ ভাবনা লৗইতে অড়ে-অড়পাত গালমারাও হোয় এনা মেনতে বাডায় আকানা। হুল সেরেঞ, হুল অনড়হেঁ আখড়ারে নাপায়তে সদর আকানা। ভারত রেনাঃ নাগাম রে ‘সানতাড় হুল’ পোয়লো হুল লেকাতে স্বীকৃতিয় ঞাম মায় সাঁওতে পনৎ রে এন.আই অ্যাক্ট লেকাতে হুলমাহারে ছুটি রেনাঃ দাবী হঁ রাকাব হেচ্ আকানা। অনা বেগর সানতাল হুল চেতানরে ডকুমেন্টারী ফ্লিম আর অডিও ভিডিও রেনাঃ লৗগতি মেনাঃ আকাদা মেনতেহঁ গালচ্ আখড়া খনগে বাডায় আকানা।
নোওয়া আখড়ারে মৗনৗন পেড়া লেকাতে সেটেরে তাঁহেকানা পুরুধুল অনলিয়ৗ মানতান গোমস্তাপ্রসাদ সরেন।
গালমারাওরে কো সেলেৎ লেনা মানতান ডাঃ সুরেন্দ্রনাথ মান্ডি, প্রফেশর তনুশ্রী হাঁসদা, উত্তম মুরমু, রামদাস মান্ডি, ভক্তরঞ্জন বাসকে, সুধীর মুরমু, সুনীল চন্দ্র হাঁসদা, মাধবী মুরমু , যোগেন্দ্রনাথ টুডু এমান অনলিয়ৗ, অনড়হিয়ৗ, সমাজ সুসৗরিয়ৗ আর স্কুল কলেজরেন পৗঠুওয়ৗ কড়া কুড়িকো। বৗইসি গমকে লেকাতে দয় তাঁহেকানা মানতান মহাদেব হাঁসদা।
মুচৗৎ রে ফোরামরেন সেক্রেটারি অরুণ কুমার সরেন আখড়ারে সেটের লেন সানাম কো গুনমানাও সারহাও আর হুল জহার এ চালাৎ কওয়া।
