আবোওয়াঃ ডিজিটাল ডেস্ক- ফেক এস.টি. সার্টফিকেট কোওয়াঃ রমরমা দিনকে দিন বাড়হাও চালাঃ কানতে লাড়াওনা কো এহব গৎ আকাদা আয়মা আদিবাসী গাঁওতা কো। নঁতে আদিবাসী কো তালারে হঁ বৗইতে বৗইতে অৗড়িশ-বেজার সিরজৗঃ কানা।
ঞেলঃ ইস্কুল, কলেজ, ইউনিভার্সিটি সাঁওতে নানাহুনৗর চৗকরি এমন চেৎ টিচার্স ট্রেনিং প্যানেল এস.টি.তালিকা রেহঁ অ-আদিবাসী কোওয়াঃ আয়মা সাঁগে ঞুতুম ঞেল ঞামঃ কানা মেনতে ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন দাবীয় রাকাব আকাদা। নোওয়া কো সানাম রেনাঃ কেটেজ্ বন্দেজ লৗগিৎ তেগে মেদিনীপুররেন আদিবাসী কো তেহেঞ ৪ জুলাই অ্যাসোসিয়েশন পাহটা খন কেশিয়াড়ি বিধানসভা রেন এম.এল.এ. পরেশ মুরমু সাঁও ঞাপাম রপড় লৗগিৎ চালাঃ কানাকো আদিবাসী কো। মানতান এম.এল.এ. সাঁও গাপালমারাও অৗডি যথাতঃ আ মেনতেগে অ্যাসোসিয়েশনরেন রৗসিয়া কো কো আশায়েদা।
