“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
তেহেঞা আখড়ারে যাঁহায় কো
সেলেদ্ আকান- রিলৗমালা মুরমু, বিজয় কিস্কু, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱩᱵᱩᱫᱤᱭᱟ. ᱢᱩᱨᱢᱩ, ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, গাতে টুওয়ৗর, বাড়তাঙ সরেন, রামলাল টুড, দুগাই টুডু, সনাতন টুডু, হারাধন সরেন, সীতেন মান্ডি, বিভূতি ভূষন সরেন, সেঁগেল মারমার, বাহা, দুলৗড় বিটি ।
 |
| রিলৗমালা মুরুমু, ক্লাস- IV জেলা - পুরুলিয়া |
 |
বিজয় কিস্কু , ক্লাস -VI
|
১।।
ᱥᱮᱸᱜᱮᱞ ᱴᱷᱮᱨ
ᱜᱳᱯᱮᱥᱣᱚᱨ ᱢᱟᱱᱰᱤ
ᱦᱩᱰᱩᱨ ᱜᱩᱰᱩᱨ ᱨᱤᱢᱤᱞ ᱥᱟᱰᱮ
ᱡᱷᱚᱢᱚᱨ ᱡᱷᱚᱢᱚᱨ ᱫᱟᱜ,
ᱵᱤᱞᱤᱫ ᱵᱟᱞᱟᱫ ᱵᱤᱡᱽᱞᱤ ᱢᱟᱞᱠᱟᱜ
ᱫᱟᱨᱮ ᱩᱢᱩᱞ ᱪᱟᱜ ?
ᱡᱷᱚᱢᱚᱨ ᱡᱷᱚᱢᱚᱨ ᱫᱟᱜ,
ᱵᱤᱞᱤᱫ ᱵᱟᱞᱟᱫ ᱵᱤᱡᱽᱞᱤ ᱢᱟᱞᱠᱟᱜ
ᱫᱟᱨᱮ ᱩᱢᱩᱞ ᱪᱟᱜ ?
ᱫᱟᱨᱮ ᱩᱢᱩᱞ ᱵᱟᱝ ᱵᱩᱜᱤ
ᱥᱮᱸᱜᱮᱞ ᱴᱷᱮᱨᱮ ᱴᱩᱴᱤ,
ᱢᱤᱫ ᱜᱷᱟ.ᱲᱤᱡ ᱛᱮᱜᱮ ᱡᱤᱣᱤ
ᱦᱟᱛᱟᱣ ᱤᱫᱤᱭ ᱪᱷᱩᱴᱤ ᱾
ᱥᱮᱸᱜᱮᱞ ᱴᱷᱮᱨᱮ ᱴᱩᱴᱤ,
ᱢᱤᱫ ᱜᱷᱟ.ᱲᱤᱡ ᱛᱮᱜᱮ ᱡᱤᱣᱤ
ᱦᱟᱛᱟᱣ ᱤᱫᱤᱭ ᱪᱷᱩᱴᱤ ᱾
ᱴᱟᱺᱰᱤ ᱴᱤᱠᱚᱨ ᱵᱟᱝ ᱱᱟᱯᱟᱭ
ᱚᱲᱟᱜ ᱪᱟᱞᱟᱜ ᱵᱷᱟ.ᱜᱤ,
ᱥᱤᱞᱯᱤᱧ ᱥᱤᱧ ᱫᱚᱦᱚ ᱠᱟᱛᱮ
ᱵᱷᱤᱛᱟ.ᱨ ᱚᱲᱟᱜ ᱵᱩᱜᱤ ᱾
ᱚᱲᱟᱜ ᱪᱟᱞᱟᱜ ᱵᱷᱟ.ᱜᱤ,
ᱥᱤᱞᱯᱤᱧ ᱥᱤᱧ ᱫᱚᱦᱚ ᱠᱟᱛᱮ
ᱵᱷᱤᱛᱟ.ᱨ ᱚᱲᱟᱜ ᱵᱩᱜᱤ ᱾
ᱴᱟᱺᱰᱤ ᱴᱤᱠᱚᱨ ᱦᱚᱨ ᱵᱤᱨ
ᱫᱟᱜ ᱵᱤᱡᱽᱞᱤ ᱛᱟᱞᱟ,
ᱪᱩᱢ ᱪᱩᱲᱩᱵ ᱫᱩᱲᱩᱵ ᱦᱩᱭᱩᱜ
ᱡᱤᱣᱤ ᱵᱟᱧᱪᱟᱣ ᱡᱟᱞᱟ ᱾
ᱫᱟᱜ ᱵᱤᱡᱽᱞᱤ ᱛᱟᱞᱟ,
ᱪᱩᱢ ᱪᱩᱲᱩᱵ ᱫᱩᱲᱩᱵ ᱦᱩᱭᱩᱜ
ᱡᱤᱣᱤ ᱵᱟᱧᱪᱟᱣ ᱡᱟᱞᱟ ᱾
ᱥᱟᱸᱜᱮ ᱦᱚᱲ ᱢᱤᱫ ᱴᱷᱮᱱ
ᱛᱟᱸᱦᱮ ᱵᱟᱝ ᱵᱩᱜᱤ,
ᱴᱟᱺᱰᱤ ᱛᱟᱞᱟ ᱦᱟᱸᱰᱮ ᱱᱟᱰᱮ
ᱯᱷᱟᱨᱟᱠ ᱛᱟᱸᱦᱮ ᱵᱷᱟ.ᱜᱤ ᱾
ᱛᱟᱸᱦᱮ ᱵᱟᱝ ᱵᱩᱜᱤ,
ᱴᱟᱺᱰᱤ ᱛᱟᱞᱟ ᱦᱟᱸᱰᱮ ᱱᱟᱰᱮ
ᱯᱷᱟᱨᱟᱠ ᱛᱟᱸᱦᱮ ᱵᱷᱟ.ᱜᱤ ᱾
ᱯᱷᱮᱱ,ᱯᱷᱮᱨᱤᱡᱽ,ᱴᱮᱞᱤ
ᱵᱷᱤᱥᱚᱱ
ᱵᱚᱱᱫᱷᱚ ᱛᱟᱸᱦᱮ ᱡᱟ.ᱨᱩᱲ,
ᱢᱤᱫ ᱜᱷᱟ.ᱲᱤᱡ ᱛᱮᱜᱮ ᱵᱟᱝᱠᱷᱟᱱ
ᱨᱟᱯᱟᱜ ᱨᱚᱸᱜᱚ ᱦᱩᱲᱩᱨ ᱾
ᱵᱚᱱᱫᱷᱚ ᱛᱟᱸᱦᱮ ᱡᱟ.ᱨᱩᱲ,
ᱢᱤᱫ ᱜᱷᱟ.ᱲᱤᱡ ᱛᱮᱜᱮ ᱵᱟᱝᱠᱷᱟᱱ
ᱨᱟᱯᱟᱜ ᱨᱚᱸᱜᱚ ᱦᱩᱲᱩᱨ ᱾
== ᱝ == ᱛ== ᱝ ==
২।।
ᱩᱰᱟᱹᱣ
(ᱜᱤᱫᱽᱨᱟ. ᱠᱟᱦᱚᱱᱤ )
ᱥᱩᱵᱩᱫᱤᱭᱟᱹ ᱢᱩᱨᱢᱩ
ᱫᱷᱤᱨᱤ ᱰᱩᱸᱝᱨᱤ ᱾ ᱵᱮᱰᱟ ᱫᱷᱟᱥᱽᱱᱟᱨᱮ ᱞᱩᱵᱩᱭ ᱛᱟᱥᱟᱫ ᱾
ᱩᱰᱟᱹᱜ ᱢᱤᱸᱦᱩᱭ ᱟᱛᱤᱧ ᱠᱟᱱᱟ ᱾ ᱟᱛᱤᱧ ᱟᱛᱤᱧ ᱛᱮᱭ ᱞᱟᱦᱟᱭᱮᱱᱟ ᱾ ᱫᱷᱤᱨᱤ ᱨᱮᱭ ᱯᱷᱟᱥᱠᱩᱲ ᱮᱱᱟ ᱾
ᱚᱵᱚᱨ ᱚᱵᱚᱨ ᱛᱮᱭ ᱵᱮᱨᱮᱫ ᱮᱱᱟ ᱾ ᱩᱭᱩᱝ ᱧᱮᱞ ᱠᱮᱫᱟᱭ ᱾ ᱨᱚᱦᱚᱲ ᱫᱷᱤᱨᱤ ᱾ ᱩᱰᱟᱹᱜ ᱢᱤᱸᱦᱩ ᱨᱚᱦᱚᱲ
ᱫᱷᱤᱨᱤᱭ ᱠᱩᱞᱤ ᱠᱮᱫᱮᱭᱟ ᱾
"ᱪᱚᱴ ᱫᱷᱩᱪᱩ ᱨᱤᱧ ᱛᱟᱸᱦᱮᱠᱟᱱᱟ ᱾"
" ᱩᱰᱟᱹᱣ ᱠᱚ ᱟᱢ ?"
"ᱵᱟᱝ ᱾"
"ᱪᱤᱠᱟᱹᱛᱮᱢ ᱦᱮᱡ ᱮᱱᱟ ?"
ᱨᱚᱦᱚᱲ ᱫᱷᱤᱨᱤᱭ ᱞᱟᱹᱭ ᱠᱮᱫᱟ ---" ᱦᱚᱞᱟ ᱵᱟᱨᱭᱟ ᱜᱩᱯᱤ ᱜᱤᱫᱽᱨᱟᱹ ᱯᱚᱛᱟᱢ ᱛᱩᱠᱟᱹ ᱠᱷᱟᱹᱛᱤᱨ
ᱠᱤᱱ ᱠᱷᱟᱹᱯᱟᱹᱨᱤᱭᱮᱱᱟ ᱾ ᱨᱟᱹᱜᱤ ᱛᱮ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲᱮ ᱪᱟᱯᱟᱫ ᱠᱮᱫᱮᱭᱟ , ᱩᱱ ᱜᱮ ᱫᱷᱟᱥᱽᱱᱟ
ᱛᱮᱧ ᱯᱷᱮᱰᱮᱱᱟ ᱾" ᱩᱰᱟᱹᱜ ᱢᱤᱸᱦᱩ ᱦᱚᱸᱭ ᱞᱟ.ᱭ ᱠᱮᱫᱟ -- "ᱤᱧ ᱜᱮ ᱡᱟᱹᱱᱤ ᱟᱢᱤᱧ ᱞᱮᱵᱮᱫ
ᱠᱮᱫ ᱢᱮᱛᱤᱧ , ᱩᱞᱴᱟᱹᱣ ᱮᱱᱟ ᱾"
ᱨᱚᱦᱚᱲ ᱫᱷᱤᱨᱤᱭ ᱞᱟᱹᱭ ᱠᱮᱫᱟ -- 'ᱤᱧ ᱨᱮᱱ ᱫᱚ
ᱜᱟᱛᱮ ᱜᱮ ᱵᱟᱱᱩᱜ ᱠᱚ ᱛᱤᱧᱟᱹ ᱾' ᱩᱰᱟᱹᱜ ᱢᱤᱸᱦᱩᱭ ᱢᱮᱱ ᱠᱮᱫᱟ -- 'ᱛᱮᱦᱮᱧ ᱠᱷᱚᱱ ᱫᱚ ᱜᱟᱛᱮ ᱜᱟᱛᱮ ᱞᱟᱝ
ᱛᱟᱦᱮᱱᱟ ᱾'
"ᱦᱩᱸ"
ᱢᱤᱫ ᱴᱟᱝ ᱯᱩᱸᱰ ᱠᱩᱞᱟᱹᱭ ᱞᱩᱛᱩᱨ ᱵᱤᱫᱽ ᱠᱟᱛᱮᱭ ᱫᱟᱹᱲ ᱟᱜᱩ ᱠᱮᱫᱟ ᱾ ᱩᱰᱟᱹᱜ ᱢᱤᱸᱦᱩ ᱥᱟᱢᱟᱝ
ᱥᱟᱢᱟᱝ ᱾ ᱵᱟᱪᱚᱠ ᱟᱲᱟᱝ ᱛᱮᱭ ᱢᱮᱱ ᱠᱮᱫᱟ -- " ᱱᱩᱭ ᱥᱟᱶ ᱫᱚ ᱟᱞᱚᱢ ᱜᱟᱛᱮᱜ ᱟ ᱾"
"ᱱᱩᱭ ᱫᱚ ᱛᱤᱱ ᱠᱚᱨᱮ ᱪᱚᱝ ᱨᱟᱹᱜᱤ ᱡᱳᱨ ᱛᱮᱭ ᱩᱰᱟᱹᱜ -- ᱟ ᱾ ᱚᱝᱠᱟ ᱩᱰᱟᱹᱣ ᱠᱟᱛᱮ ᱜᱮ
ᱤᱧ ᱜᱚᱜᱚᱭ ᱛᱷᱟᱯᱲᱮ ᱜᱚᱡ ᱟᱠᱟᱫᱮᱭᱟ ᱾" ᱩᱰᱟᱹᱜ ᱢᱤᱸᱦᱩ ᱟᱨ ᱯᱩᱸᱰ ᱠᱩᱞᱟᱹᱭ ᱵᱤᱰ ᱵᱤᱰ
ᱠᱤᱱ ᱫᱟᱹᱲ ᱠᱮᱫᱟ ᱾᱿
== ᱝ == ᱛ== ᱝ ==
৩।।ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (᱑᱔)
ᱥᱨᱤᱠᱟᱱᱛᱚ ᱥᱚᱨᱮᱱ
ᱛᱮᱦᱮᱧ ᱫᱚ ᱵᱟ.ᱭᱥᱟ.ᱠ ᱨᱮᱱᱟᱜ ᱒᱕ ᱢᱟᱦᱟ᱾ ᱵᱤᱥᱥᱚᱠᱚᱵᱤ ᱨᱚᱵᱤᱱᱫᱨᱚ ᱱᱟᱛᱷ ᱴᱷᱟᱠᱩᱨ ᱟᱜ ᱡᱟᱱᱟᱢ ᱢᱟᱦᱟ᱾
ᱱᱩᱭ ᱫᱚ ᱫᱷᱟ.ᱨᱛᱤ ᱨᱮᱱ ᱢᱤᱫ ᱥᱚᱨᱮᱥ ᱚᱱᱚᱞᱤᱭᱟ. ᱾ ᱱᱩᱭ ᱫᱚ ᱵᱟᱝᱞᱟ ᱛᱮ ' ᱜᱤᱛᱟᱧᱡᱚᱞᱤ ' ᱭ ᱚᱞ
ᱟᱠᱟᱫᱟ᱾ ᱱᱚᱣᱟ ᱯᱚᱛᱚᱵ ᱠᱷᱟ.ᱛᱤᱨ ᱱᱳᱵᱮᱞ ᱯᱩᱨᱚᱥᱠᱟᱨ ᱮ ᱧᱟᱢ ᱟᱠᱟᱫᱟ᱾ ᱱᱩᱭ ᱟᱜ ᱥᱟᱱᱛᱤᱱᱤᱠᱮᱛᱚᱱ,
ᱚᱞᱚᱜ ᱯᱟᱲᱦᱟᱣ ᱥᱮᱲᱟ ᱨᱮᱱᱟᱜ ᱱᱟᱯᱟᱭ ᱵᱤᱫᱫᱟᱜᱟᱲ᱾ ᱱᱚᱸᱰᱮ ᱫᱚ ᱱᱮᱛᱟᱨᱦᱚ ᱫᱟᱨᱮ ᱦᱮᱢᱟᱞ ᱨᱮ ᱜᱤᱫᱨᱟ. ᱠᱚ
ᱯᱟᱲᱦᱟᱜ ᱻᱟ᱾ ᱚᱢᱚᱞ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱯᱳᱱ ᱪᱟᱱᱟᱪ ᱨᱮᱭ ᱯᱟᱲᱦᱟᱜ ᱻᱟ᱾ ᱩᱱᱤ ᱫᱚ ᱵᱳᱲᱤᱝ ᱨᱮᱭ
ᱛᱟᱦᱮᱱᱟ᱾
ᱥᱟ.ᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ
ᱢᱤᱫ ᱞᱟᱸᱴᱩ ᱚᱱᱚᱞᱤᱭᱟ. ᱾ ᱱᱩᱭ ᱫᱚ ' ᱞᱤᱴᱟ. ᱜᱳᱰᱮᱛ ' ᱮ ᱚᱞ ᱟᱠᱟᱫᱟ᱾ ᱱᱚᱣᱟ ᱨᱮ ᱢᱟ.ᱱᱢᱤ ᱟᱨ
ᱫᱷᱟ.ᱨᱛᱤ ᱥᱤᱨᱡᱚᱱ ᱠᱟ.ᱦᱱᱤ ᱚᱞ ᱢᱮᱱᱟᱜ ᱼᱟ᱾ ᱯᱚᱱᱰᱮᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱦᱚ ᱢᱤᱫ ᱞᱟ.ᱴᱩ
ᱚᱱᱚᱞᱤᱭᱟ.᱾ ᱱᱩᱭ ᱟᱜ ' ᱵᱤᱫᱩ ᱪᱟᱸᱱᱫᱟᱱ' ᱢᱤᱫ ᱥᱚᱨᱮᱥ ᱜᱟᱭᱟᱱ ᱯᱚᱛᱚᱵ᱾ ᱢᱟ.ᱡᱷᱤ ᱨᱟᱢᱫᱟᱥ ᱴᱩᱰᱩ ᱫᱚ '
ᱠᱷᱮᱨᱳᱭᱟᱞ ᱵᱚᱝᱥᱟ ᱫᱷᱚᱨᱚᱢ ᱯᱩᱛᱷᱤ ' ᱭ ᱚᱞ ᱟᱠᱟᱫᱟ᱾ ᱱᱚᱭᱟ ᱨᱮ ᱠᱷᱮᱨᱳᱭᱟᱞ ᱠᱚᱭᱟᱜ ᱥᱟᱱᱟᱢ
ᱞᱮᱠᱟᱱ ᱠᱟ.ᱦᱱᱤ ᱚᱞ ᱢᱮᱱᱟᱜ ᱻᱟ᱾
== ᱝ
== ᱛ== ᱝ ==
৪।।
গিদরৗ বৗউলি
সারি
ধরম হাঁসদা
তিয়ৗঃ কায়ায় ফুতু,
চালাঃ অৗকিন বির সেঁদরা
জম কাতে জেল উতু।
হপন হপন
পুচি
বালে হড়ম কুচি,
ঢুলৗ লাতার সারগা গোডো
সানাম কাকয় দুচি।
বালে হড়ম কুচি,
ঢুলৗ লাতার সারগা গোডো
সানাম কাকয় দুচি।
হপন হপন
মে-মেঃ
আয়োঠেন বায় হেমেঃ,
একাল বৗনুঃ উঁড়বি অৗড়িস
আপাৎরে বায় ভে- ভেঃ।
আয়োঠেন বায় হেমেঃ,
একাল বৗনুঃ উঁড়বি অৗড়িস
আপাৎরে বায় ভে- ভেঃ।
হপন
হপন
উঁডুঃ
গটায় গাডা মুঁডুঃ,
লোগো হড়ম সেতোংরেলে
লসৎরে গেয় চৗডুঃ।
গটায় গাডা মুঁডুঃ,
লোগো হড়ম সেতোংরেলে
লসৎরে গেয় চৗডুঃ।
== ᱝ == ᱛ== ᱝ ==
৫।।
চলবন রুয়ৗড়া
গাতে টুওয়ৗর
চলবন রুয়ৗড়া
কুলহি ধুড়ি খিলডু
সাকাম বাহু জাওয়ায়
হাসা ধিরি লৗডু ।
টিন পৗতি খেল পৗতি
ঢিং ঢাওয়াঃ ওজোনাঃ
বায় রাগিঃ বাহু কুড়ি
লেই রেহঁক জাহানাঃ ।
কুলহি ধুড়ি খিলডু
সাকাম বাহু জাওয়ায়
হাসা ধিরি লৗডু ।
টিন পৗতি খেল পৗতি
ঢিং ঢাওয়াঃ ওজোনাঃ
বায় রাগিঃ বাহু কুড়ি
লেই রেহঁক জাহানাঃ ।
চলবন রুয়ৗড়া
জজ বুটৗ আখড়া
অঁডেগে মাচেৎ মেনায়
পৗহিল ইতুন আসড়া ।
সেঁড়ায়াবন লকাগুটি
টুটি টুটি মেরাল গুটি
এনেচ আবন সেরেঞ আবন
লাঁদায়াবন খিটি খিটি ।
জজ বুটৗ আখড়া
অঁডেগে মাচেৎ মেনায়
পৗহিল ইতুন আসড়া ।
সেঁড়ায়াবন লকাগুটি
টুটি টুটি মেরাল গুটি
এনেচ আবন সেরেঞ আবন
লাঁদায়াবন খিটি খিটি ।
চলবন রুয়ৗড়া
কিয়ৗ ঝারনা আড়েরে
ঝিলৗং অঃ দোলেকঃ
লাডওয়া জর বাড়েরে ।
চেঁড়ে চুপড়ি চেরো বেরো
তিনৗঃ মজ ক সুয়ুড়া
মেনায় গেয়া আডি বেড়া
চলবন রুয়ৗড়া ।
কিয়ৗ ঝারনা আড়েরে
ঝিলৗং অঃ দোলেকঃ
লাডওয়া জর বাড়েরে ।
চেঁড়ে চুপড়ি চেরো বেরো
তিনৗঃ মজ ক সুয়ুড়া
মেনায় গেয়া আডি বেড়া
চলবন রুয়ৗড়া ।
চলবন রুয়ৗড়া
বির বুরু তালাতে
সাজাও আবন ধিরিগাড়
বির বাহা মালাতে ।
চাটানিরে জড় হিঁজড়
সুখ রাজা মেনায়া
সেরমা খনাঃ ইপিল তিয়োঃ
চলবন সাঁও আয়া ।
বির বুরু তালাতে
সাজাও আবন ধিরিগাড়
বির বাহা মালাতে ।
চাটানিরে জড় হিঁজড়
সুখ রাজা মেনায়া
সেরমা খনাঃ ইপিল তিয়োঃ
চলবন সাঁও আয়া ।
চলবন রুয়ৗড়া
সিরজন ডাহার সেৎ
সারজম মাতকম বাহা
গাদুচ আতেক হহয়েৎ ।
অঁডেগে মেনায় আয়ো
রৗসকৗয় চাল হৗটিঞা
মেনাঃ খান লাঁগা আড়িস
আড়িস লাঁগায় সাঁগিঞা ।
সিরজন ডাহার সেৎ
সারজম মাতকম বাহা
গাদুচ আতেক হহয়েৎ ।
অঁডেগে মেনায় আয়ো
রৗসকৗয় চাল হৗটিঞা
মেনাঃ খান লাঁগা আড়িস
আড়িস লাঁগায় সাঁগিঞা ।
== ᱝ == ᱛ== ᱝ ==
৬।।
টুঁডাং নৗড়ি
বাড়তাঙ সরেন
আলাক
জাঁড়ি
ঘাংরা
নৗড়ি,
নৗড়ি আয়মা লেকা
তি জাঙ্গারেম বাধহে লেখান
রাড়াঃ চেকা লেকা ?
নৗড়ি আয়মা লেকা
তি জাঙ্গারেম বাধহে লেখান
রাড়াঃ চেকা লেকা ?
আলাক
জাঁড়ি
দারে
চেতান
বাড়গে পেরেচ জাঁড়ি,
জাঁড়ি ডৗররে পাঠে আকান
ঘাংরা তিহৗন নৗড়ি।
বাড়গে পেরেচ জাঁড়ি,
জাঁড়ি ডৗররে পাঠে আকান
ঘাংরা তিহৗন নৗড়ি।
নৗড়ি লাতার
ঝুনুক
ঝুপুর
ঘাঙরা জেলেঞ জেলেঞ
গিদরৗ ক-ক তিয়োঃ জমা
রৗস্কৗ তেকো সেরেঞ।
ঘাঙরা জেলেঞ জেলেঞ
গিদরৗ ক-ক তিয়োঃ জমা
রৗস্কৗ তেকো সেরেঞ।
সাং
কৗপু দ
বীর
তালারে
নৗড়িঃ আলাক বালাক
সাং নৗড়ি খন সাং গদরে
নৗড়ি আলোম তপাক।
নৗড়িঃ আলাক বালাক
সাং নৗড়ি খন সাং গদরে
নৗড়ি আলোম তপাক।
দা
কৗপু দ
ঞামঃ
গেয়া
লা লেখানেম হাসা
কৗপু তিকি জম লেখানেম
সিবিল সড়ম কাসা ।
লা লেখানেম হাসা
কৗপু তিকি জম লেখানেম
সিবিল সড়ম কাসা ।
ঝৗন্টি চেতান
ঝিঙৗ
মালহান
নৗড়ি নাপায় নাপায়
ঝিঙৗ বাহা সাসাং সাসাং
হিলৗঃ দালায় দালায়।
নৗড়ি নাপায় নাপায়
ঝিঙৗ বাহা সাসাং সাসাং
হিলৗঃ দালায় দালায়।
খিড়য়ৗ
কৗকুড় নৗড়িঃ গেয়া
হানে বৗয়হৗড় তালা
কঁহঁডা হতৎ চুকৗঃ লেকা
হায়রে মাচান তালা।
হানে বৗয়হৗড় তালা
কঁহঁডা হতৎ চুকৗঃ লেকা
হায়রে মাচান তালা।
সেকেরকেদাং বাড়গে
লাতার
বাহাঃ পুরুয় পুরুয়
সেকেরকেদাং তিকি জমরে
মজগে লুতুয় লুতুয় !
বাহাঃ পুরুয় পুরুয়
সেকেরকেদাং তিকি জমরে
মজগে লুতুয় লুতুয় !
== ᱝ == ᱛ== ᱝ ==
৭।।
হানে ঞেলঃ কান
রামলাল টুডু
হানে ঞেলঃ কান
উসুল আকান
সৗঁগিঞ খন ধুঁদগে ঞেলঃ কান
বুরু ঞেলঃ কান ।
সৗঁগিঞ খন ধুঁদগে ঞেলঃ কান
বুরু ঞেলঃ কান ।
হানে ঞেলঃ কান
গাজাড় আকান
আয়মা দারেতে এসেৎ আকান
বির ঞিলঃ কান ।
আয়মা দারেতে এসেৎ আকান
বির ঞিলঃ কান ।
হানে ঞেলঃ কান
অৗতু চালাঃ কান
লেগেম-লেগেম দাঃগে ঞেলঃ কান
নৗই ঞেলঃ কান ।
লেগেম-লেগেম দাঃগে ঞেলঃ কান
নৗই ঞেলঃ কান ।
হানে ঞেলঃ কান
মহক শ কান
জেঁগেদ্-জেঁগেদ্ আরাঃ ঞেলঃ কান
বাহা ঞেলঃ কান ।
জেঁগেদ্-জেঁগেদ্ আরাঃ ঞেলঃ কান
বাহা ঞেলঃ কান ।
হানে ঞেলঃ কান আতো ঞেলঃ কান
বুসুব্ - টৗলিতে দালব্ আকান
অড়াঃ ঞেলঃ কান ।
বুসুব্ - টৗলিতে দালব্ আকান
অড়াঃ ঞেলঃ কান ।
হানে ঞেলঃ কান
রৗপুদ্ আকান
রাপাজ কওয়াঃ গাড় তাঁহেকান
ভিত ঞেলঃ কান ।
রাপাজ কওয়াঃ গাড় তাঁহেকান
ভিত ঞেলঃ কান ।
হানে ঞেলঃ কান
ভগনাডি কান
সিদু- কৗনুআঃ জানাম আতো কান
হানে ঞেলঃ কান ।।
সিদু- কৗনুআঃ জানাম আতো কান
হানে ঞেলঃ কান ।।
== ᱝ == ᱛ== ᱝ ==
৮।।
পৗলকি
দুগাই টুডু
কাট রেনাঃ বেনাও আকাৎ
ঞেলঃ খুড়কি মাছা,
বানার নাখা মুচৗৎ খনগে
ঞেলঃ খুড়কি মাছা,
বানার নাখা মুচৗৎ খনগে
নানা হুনৗর রং কাতেদ্
আতো পাড়া কিঁসৗড় কঠেন
আতো পাড়া কিঁসৗড় কঠেন
বিহৗ বাপলা উন জোখান
বাহু জাঁওয়ায় আগু।
বাহু জাঁওয়ায় আগু।
হুম্মা হুম্মা মচা
আড়াং
আঁজম হিজুঃ ভালা,
নিয়ৗ আড়াং তারকো রাঁওয়া
আঁজম হিজুঃ ভালা,
নিয়ৗ আড়াং তারকো রাঁওয়া
আলে জুড়ি কৗটিচ্ গিদ্রৗ
সোরলে চালাও এনা,
বেজায় আদ কুশি রৗস্কৗ
লাঁদা বাড়াও আনা।
সোরলে চালাও এনা,
বেজায় আদ কুশি রৗস্কৗ
লাঁদা বাড়াও আনা।
মনরে কুলিঃ কানা
চিকৗ তেকো কুদাঁও লেদা
== ᱝ == ᱛ== ᱝ ==
৯।।
বতর কাথা
সনাতন টুডু
সড়ক মুচৗৎ আলে আতোরে
হড়কো মেনা ভুত্ মেনায়া
দারে ফেডাত্ করে।
হড়কো মেনা ভুত্ মেনায়া
দারে ফেডাত্ করে।
ইঞ, রুপৗয়, কালা, কুবৗ
ঝত গেলে এনেজ্,
ভুত্ চেদাঃ বায় ঞেলঃ আ
ফেডাৎ করে এনেজ্।
ঝত গেলে এনেজ্,
ভুত্ চেদাঃ বায় ঞেলঃ আ
ফেডাৎ করে এনেজ্।
ভুত্ বঁগা লৗই কাতেদ্
বতর কাথা লৗই রেদ
বতর কাথা লৗই রেদ
নারাং কাতেদ্ চেদাঃ
দপে
বতর অচো লেয়া,
গিদ্রৗ মনে রচদ্ লেনখান
বতর অচো লেয়া,
গিদ্রৗ মনে রচদ্ লেনখান
== ᱝ
== ᱛ== ᱝ ==
১০।।
রুসিকৗ গড়ম
হারাধন সরেন
আলে আতোরেয় তাঁহেকানা,
যাঁহাতেগেয় চালাঃ উনিদ
লান্দা ইদিয়ায় খৗলি।
জমায় দারেবিলি।।
লান্দা ইদিয়ায় খৗলি।
জমায় দারেবিলি।।
কুদুম কৗহনী লৗইকাতে
হড়ে রৗস্কৗ কওয়া।
গিদরৗ বুলৗও লেকা উনি
রা- গায় উঁওয়া উঁওয়া।।
হড়ে রৗস্কৗ কওয়া।
গিদরৗ বুলৗও লেকা উনি
রা- গায় উঁওয়া উঁওয়া।।
রৗস্কৗ এপেম আতে উনিদ
যত হড়রেন সড়ম।
চিরগৗল রুসিকৗ গড়ম
যত হড়রেন সড়ম।
চিরগৗল রুসিকৗ গড়ম
== ᱝ == ᱛ== ᱝ ==
১১।।
আষাড় বঙ্গা
সীতেন মাণ্ডি
আষাড় বঙ্গা দাঃ দিন
ঝিপিরে জৗড়িয়া
ক্ষেত বৗইদ রে হড় কমা
হুড়ু ক রহয়া।
ঝিপিরে জৗড়িয়া
ক্ষেত বৗইদ রে হড় কমা
হুড়ু ক রহয়া।
বডে দাঃ রটে রাঃ
বাবুয় সাব আঃ সার
তুঞ কওয়ায় বৗরু ডাং
অডাওয়ায় টরডাং।
বাবুয় সাব আঃ সার
তুঞ কওয়ায় বৗরু ডাং
অডাওয়ায় টরডাং।
সাব কওয়ায় কাটকম
বাবের তায় বাচকম
তল কওয়ায় জাঙ্গারে
বৗসিয়াম জমায় আড়েরে।
বাবের তায় বাচকম
তল কওয়ায় জাঙ্গারে
বৗসিয়াম জমায় আড়েরে।
আলে মৗই গুলৗছি
রহয়ায় হুড়ু গৗছি
মিৎ আঁটি রহয় তেগে
মেনায় হাপে হাপে।।
রহয়ায় হুড়ু গৗছি
মিৎ আঁটি রহয় তেগে
মেনায় হাপে হাপে।।
গুঁগু সাকাম বৗহুকুড়ি
মেতায়ায় এনা হিলি
ইঞ হঁ দেন বৗসিয়াম
আদ বাঞ রৗগিয়াম।।
মেতায়ায় এনা হিলি
ইঞ হঁ দেন বৗসিয়াম
আদ বাঞ রৗগিয়াম।।
== ᱝ
== ᱛ== ᱝ ==
১২।।
তওয়া দারে
বিভূতি ভূষণ সরেন
জানাম
আয়ু
' তওয়া
দারে
'
আমে সরেশ গেতাম,
আয়ু খৗতির নওয়া ধৗরতিরে
আম টুডৗং কানেম।
আমে সরেশ গেতাম,
আয়ু খৗতির নওয়া ধৗরতিরে
আম টুডৗং কানেম।
আয়ু
হবররে
পোয়লো
শিখনৗৎ
আমেম দাড়েঃ আরজাও,
যুগ জপঃ অক্ত ধৗবিচ্
অৗকিল আমাঃ সারসাও।
আমেম দাড়েঃ আরজাও,
যুগ জপঃ অক্ত ধৗবিচ্
অৗকিল আমাঃ সারসাও।
আয়ু
কলেরে
আঁজম
লেৎ
তিনৗঃ কৗহনি কুদুম?
হারা বুরু কাতেত দরে
আলম মেতায় থুকুম।
তিনৗঃ কৗহনি কুদুম?
হারা বুরু কাতেত দরে
আলম মেতায় থুকুম।
আয়ু
ঠেনগে
মেনাঃ
আন
সরেশ আমাঃ ধন,
সুখ দুখ বানার রেগে
হুদিশেম অন্তর খন।
সরেশ আমাঃ ধন,
সুখ দুখ বানার রেগে
হুদিশেম অন্তর খন।
== ᱝ == ᱛ== ᱝ ==
১৩।।
হপন বিটি
সেঁগেলমারমার
আলে হপন বিটি
লাঁদায়ায় খিটিখিটি
আদম এ রাগ্ ভ্যাঁ ভ্যাঁ
এঁগাত হবর রেহঁ ক্যাঁ ক্যাঁ।
লাঁদায়ায় খিটিখিটি
আদম এ রাগ্ ভ্যাঁ ভ্যাঁ
এঁগাত হবর রেহঁ ক্যাঁ ক্যাঁ।
ঝুঁকতে চিদ্ কোচয় এগেরা
ঞামলাম খানে গেগেরা
ঞিরৗগ্ আয় গুডুগুডু
তাড়ামায় কুডুকুডু।
ঞামলাম খানে গেগেরা
ঞিরৗগ্ আয় গুডুগুডু
তাড়ামায় কুডুকুডু।
রড়দ আওরিয় সেঁড়ায়া
এনহঁয় বাডাবুডুগ্ বাড়ায়া
থির বাঙ এ তাঁহেন একাল
সামড়াও তেগে আলেমা নাকাল।
এনহঁয় বাডাবুডুগ্ বাড়ায়া
থির বাঙ এ তাঁহেন একাল
সামড়াও তেগে আলেমা নাকাল।
== ᱝ == ᱛ== ᱝ ==
১৪।।
বাবু বেটা
মধূসুদন হাঁসদা
বাবু বেটা
বাবূ বেটা
বেরেৎ হদঃ মে
বেড়ায় রাকাব এন
ঞুত মার্সালেন
দৗতৗনী গদঃ মে ৷
বাবূ বেটা
বেরেৎ হদঃ মে
বেড়ায় রাকাব এন
ঞুত মার্সালেন
দৗতৗনী গদঃ মে ৷
দৗতৗনী তরা
বাস্কে দাকা
জম গদ মে
যম তরা
পতব আতে
পাড়হাঃ দূড়ুব মে ৷
বাস্কে দাকা
জম গদ মে
যম তরা
পতব আতে
পাড়হাঃ দূড়ুব মে ৷
মাচেৎ এমাঃ
অল ক
পাড়হাও হদ মে
পাড়হাও কাতে
অল ক
লগন অল মে ৷
অল ক
পাড়হাও হদ মে
পাড়হাও কাতে
অল ক
লগন অল মে ৷
অল তায়ম
গৗডিয়ৗ খনাঃ
তুপু হিজুঃ মে
মজ মজ
দত পেন্ট
হরঃ গদ মে ৷
গৗডিয়ৗ খনাঃ
তুপু হিজুঃ মে
মজ মজ
দত পেন্ট
হরঃ গদ মে ৷
য়ূয় এমঃ
লল মাঁডি
জম বীঃ মে
পতব ঝলা
গুগু কাতে
স্কুল ঞিরাঃ মে ৷
লল মাঁডি
জম বীঃ মে
পতব ঝলা
গুগু কাতে
স্কুল ঞিরাঃ মে ৷
== ᱝ == ᱛ== ᱝ ==
১৫।।
দারে জিয়ৗলি
দুলৗড় বিটি
জৗনুম
দারেরে রায় কাকড়া
ডঁব এদায় ঘানে ,
আমড়া দারেরে সারগা গোডো
হটর এদায় হানে।
ডঁব এদায় ঘানে ,
আমড়া দারেরে সারগা গোডো
হটর এদায় হানে।
কুদ্ দারেরে বুডহি গৗড়ি
মেৎ এ ধুলুপ্ এদা,
বৗরু দারেরে হাড়াম হাঁড়ু
দৗড়িয়ায় পেটের এদা।
মেৎ এ ধুলুপ্ এদা,
বৗরু দারেরে হাড়াম হাঁড়ু
দৗড়িয়ায় পেটের এদা।
দিনগে ঠকরাও এদায়,
লাজাও পাড়া বৗনুঃ তায়া
দিনগে হিজুঃ কানায়।
:::::::::::::::::::: মুচৗৎ ::::::::::::::::::::
