আবোওয়াঃ ডিজিটাল ডেস্ক- বাঁকুড়া জেলারেয়াঃ ঝিলিমিলিরে খেরওয়াল মার্শাল গাঁওতা আঃ সৗহিজুহিতে হুলমাহা দিশৗতে মিৎ গাপালমারাও আখড়া হলা ৭ জুলাই হুয় পারমেনা।
বাডায় আকানা আখড়ারে সানতাড় হুল রেয়াঃ নাগাম ভারত দিশম ফুরগৗল লৗড়হৗইরে অনা রেনাঃ অরসং আর তেহেঞ দিনরে হুল রেনাঃ তজবিজ ইদিকাতে গালচিয়ৗ কোওয়াঃ গালচ তালাতে অড়ে অড়পাৎ কো সাব্ রাকাব কেদা। ৩০ জুন হুলমাহা নিৎ ধৗবিচ্ হঁ জৗতিয়ৗরী ছুটি লেকাতে বাং বাঁখেড় লেনা অনা কাথাহঁ গালচিয়ৗ কো-কো রড় রাকাব কেদা।
নোওয়া গাপালমারাও আখড়ারে মানান পেড়া লেকাতে সেটের কো তাঁহেকানা অনলিয়ৗ সারদা প্রসাদ কিস্কু (খেরওয়াল বৗসিয়ৗ), তেৎরে পাথাম সাসাপড়াওয়িচ্ মানতান মহাদেব হাঁসদা, অনড়হিঁয়ৗ অরুন কুমার সরেন, সুনির্মল হেম্ব্রম, কালিপদ হেম্ব্রম, মার্কোমান টুডু, আমিনেশ্বর হেম্ব্রম এমান।
গাপালমারাও মুচৗৎরে আখড়ারেন বৗইসি মানতান আদিত্য কিস্কু সেটের লেন সানাম কো গুন মানাও সারহাও এ চাল আৎ কোওয়া।
