আবোওয়াঃ ডিজিটাল ডেস্ক - খবররে বাডায় আকানা বাংমা দুলৗড়তে নিশড়ৗও অচয়েনতে আচ্তে বিষ রান জম কাতে জিউয়ি নাশাও কেদায় বীরভূম জেলা লাভপুর রেনাঃ সুবলপুররেন মিৎ তিরলৗ। বাংমা অতেমাহা হিলোঃ উনি চৌহাট্টা চন্দ্রচূড় শিব মন্দির সোর উল বাগাওয়ানরে আচ্রেন ছৗতিক দুলৗড়িয়ৗ সামাংরেগে বিষ রান এ জম কেদা। হাঁসপাতাল ইদি হররেগে উনিয়াঃ জিউয়ি বৗতি ইঁড়িজ্ এন তায়া। নিজরতে জিউয়ি নাশাও তায়মরে আচ্রেন দুলৗড়িয়ৗ রঞ্জন সূত্রধর পুলিশ কো পাকড়াও আকাদেয়া মেনতেহঁ বাডায় আকানা।
খবর খনগে আরহঁ বাডায় আকানা বাংমা ভরম নাশাও তায়ম সুবলপুররেনাঃ
উজ্জ্বলপুর আতোরে তাঁহেন কান তাঁহেনায়। অঁডে প্রশাসন পাহটা খন অড়াঃ হঁক বেনাও আদে তাঁহে
আর উনিয়াঃ নিরাপত্তা লেকাতে পুলিশ হঁক তাঁহেন কান তাঁহেকানা। ২০১৪ সালরে এটাঃ আর মিৎ
ছৗতিক কড়া সাঁও দুপুলৗড় খৗতির সমাজ পাহটা সেন খন একাঘুরিয়ৗ লেকায় তাঁহেলেনা। মেনখান
অনা ঘটন রে জপড়াও তাঁহেন খৗতির বাংমা ১৪ গটাং (হাড়াম-দুড়ুম খন এহব কাতে যুওয়ৗন কড়া)
আদিবাসী হড় যায়যুগ শাসেৎ ঞাম কাতে জিহল রেগে মেনাঃ আকাৎ কোওয়া। অনা ঘটন তায়ম উনি ছৗতিক
কড়াহঁ উনি বৗগি হটঃ কাতেৎ এ ঞির এনা।
অনা তায়ম খনগে নিৎ পাকড়াও অচো আকান রঞ্জন সাঁও উনি তিরলৗ আঃ
দুলৗড় সৗগৗই তপল লেনা। বাডায় আকানা রঞ্জন দ কাঠমিস্ত্রী আর বাপলা আন কড়া কানায়। এনহঁ
রঞ্জন বাপলা রেনাঃ কাথা এম কাতে উনি তিরলৗ সাঁও আয়মা ধাও দুলৗড়-রাসায় এপেম আকানা। মেনখান
ইনৗহিলোঃ দ উনি তিরলৗ বাপলা কাথায় রাকাপ কেৎ খান গে রঞ্জন দ বাপলাঃ বায় রেবেন লেনা।
আর অনা বিছক তেগে কাথায় উনি তিরলৗ আচ্ আচ্ তেগে আয়াঃ জিউয়িয় নাশাও কেৎ তায়া মেনতেগে
বাডায় আকানা।
.webp)
.webp)
