Type Here to Get Search Results !

ফেক এস. টি. সার্টিফিকেট ইস্যুতে পুরুলিয়া বান্দোয়ানরেন এম.এল.এ. সাঁও ঞাপাম-রপড় এনা আদিবাসীকো


পার্শাল কিস্কু- ফেক এস. টি. সার্টিফিকেট ইস্যুতে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহটা খন আদিবাসী কো তেহেঞ ২১ জুন পুরুলিয়া বান্দোয়ানরেন এম.এল.এ. মানতান রাজীব লোচন সরেন সাঁও কো ঞাপাম-রপড় এনা।  


অ্যাসোসিয়েশন পাহটা খন এম.এল.এ. গোমকে কো বাডায় অচো কেদেয়া বাংমা গটা পছিম বাংলা রেগে ফেক এস. টি. সার্টিফিকেট রেনাঃ লাগাম বৗনুঃ আন লেকাগে বাড়হাও চালাঃ কানা। পারমেন কয়েক সেরমারে ইস্কুল, কলেজ আর বাংখান পিএইচডি, এমফিল ভুরতি করে ঞেল আকানা বাংমা আদিবাসী কোওয়াঃ রাখ দহ জোড়োরে আয়মা অ-আদিবাসী কোওয়াঃ ঞুতুম ঞেল ঞামঃ কানা। যাঁহা তিনৗ দিন চালাঃ কানা উনাঃগে চৗকরি বিনিড রেনাঃ নানাহুনৗর সরকারী দপ্তররে আডি আয়মা সাঁগে অ-আদিবাসী কোওয়াঃ রেকমন্ডেড ঞেল ঞামঃ কানা। অ্যাসোসিয়েশন পাহটা খন অভিযোগ হঁক রাকাব আকাদা বাংমা আদিবাসী কোওয়াঃ জোড়োরে অ-আদিবাসী কো আকোওয়াঃ রামা কো গৗডিয়ৗও এদা। আয়মা সরকারী দপ্তর আর আধিকারীক ঠেন হঁ নে-হালেগে অ্যাসোসিয়েশন পাহটা খন অলবেল তালাতে বাডায় অচো হোয় আকানা। 




অ্যাসোসিয়েশন পাহটা খন মানতান এম.এল.এ. গোমকে বাহা থুপনৗ সাঁওতে সারহাও হঁক চাল আকাদেয়া। আডি খন ঞাপাম-রপড় তায়ম মানতান এম.এল.এ. গোমকে আশ্বাস এ এমাৎ কোওয়া বাংমা নোওয়া ইস্যু ইদিকাতে মন্ত্রীসভা আর বিধান সভারে কাথায় রাকাবা মেনতে।  


নোওয়া ঞাপাম-রপড় আখড়ারে অ্যাসোসিয়েশন পাহটা খন সেটের কো তাঁহেকানা পুরুলিয়া জেলা চাঁগারেন সভাপতি মানতান সতন কুমার সরেন, সেক্রেটারী মানতান গনেশ চন্দ্র মাহালী, সহ-সেক্রেটারী মানতান প্রশান্ত মান্ডি। অনাবেগর হঁ কুমুট রেন রৗসিয়ৗ কো মুদ্‌রে সেটের কো তাঁহেকানা মানতান কিস্কিন্ধ্যা মুরমু, তুষার টুডু, অশ্বিনী মুরমু, চিত্তরঞ্জন হাঁসদা,অসীম মুরমু আর শ্যামাপদ মাহালী এমান গোমকে কো।



Top Post Ad

Below Post Ad