Type Here to Get Search Results !

ᱢᱟᱱᱚᱛᱟᱱ ᱥᱟᱥᱟᱯᱨᱟᱶᱤᱪ, ᱟᱵᱚᱣᱟᱜ ᱠᱟᱛᱷᱟ

ᱢᱟᱱᱚᱛᱟᱱ ᱥᱟᱥᱟᱯᱨᱟᱶᱤᱪ, ᱟᱵᱚᱣᱟᱜ ᱠᱟᱛᱷᱟ

ᱚᱱᱚᱞᱤᱭᱟ ᱦᱚᱨᱚᱞᱟᱞ ᱢᱩᱨᱢᱩ ᱟᱜ ᱯᱚᱛᱚᱵ ᱛᱩᱞᱟ.ᱡᱚᱠᱷᱟ᱾
ᱯᱚᱛᱚᱵ ᱧᱩᱛᱩᱢ- ᱥᱳᱱᱟ ᱢᱤᱨᱩᱣᱟᱜ ᱥᱟᱸᱫᱮᱥ ( ᱜᱤᱫᱨᱟ ᱥᱟᱶᱦᱮᱫ)᱾ ᱩᱪᱷᱟ.ᱱ - ᱯᱮᱵᱨᱩᱟᱨᱤ,᱒᱐᱒᱑᱾

ᱛᱩᱞᱟ.ᱡᱚᱠᱷᱟ- ᱥᱨᱤᱠᱟᱱᱛᱚ ᱥᱚᱨᱮᱱ

ᱢᱟᱱᱚᱛᱟᱱ ᱚᱱᱚᱞᱤᱭᱟ ᱦᱚᱨᱚᱞᱟᱞ ᱢᱩᱨᱢᱩ, ᱟᱭᱟᱜ ' ᱥᱳᱱᱟ ᱢᱤᱨᱩᱣᱟᱜ ᱥᱟᱸᱫᱮᱥ ' ᱨᱮ ᱜᱤᱫᱨᱟ ᱠᱚ ᱞᱟ.ᱜᱤᱫ -ᱪᱤᱱᱤ ᱞᱟ.ᱰᱩ ᱠᱷᱚᱱ ᱦᱚ ᱦᱮᱲᱮᱢ ᱥᱟᱸᱥᱮᱥᱮ ᱟ.ᱲᱛᱤ ᱟᱠᱟᱫ ᱵᱚᱱᱟ᱾ ᱱᱚᱣᱟ ᱥᱟᱸᱫᱮᱥᱛᱮ ᱥᱟᱱᱛᱟᱲᱤ ᱜᱤᱫᱨᱟ. ᱥᱟᱶᱦᱮᱫ ,ᱟ.ᱰᱤ ᱱᱟᱯᱟᱭ  ᱞᱟᱸᱦᱟᱥᱮᱫᱻᱮ ᱛᱟᱲᱟᱢ ᱠᱮᱫᱟ᱾ ᱱᱩᱭ ᱦᱚᱨᱚᱞᱟᱞ ᱢᱩᱨᱢᱩ ᱜᱚᱢᱠᱮᱭᱟᱜ '...ᱥᱟᱸᱫᱮᱥ ' ᱨᱮ ᱢᱤᱫ ᱥᱟᱭ ᱵᱟᱨᱭᱟ (᱑᱐᱒) ᱚᱱᱚᱲᱦᱮ ᱢᱮᱱᱟᱜ ᱻᱟ᱾ ᱱᱚᱣᱟ ᱯᱚᱛᱚᱵ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱛᱩᱨᱩᱭ ᱛᱷᱟᱨ (᱖) ᱟᱨ ᱡᱚᱛᱚ ᱠᱷᱚᱱ ᱡᱟ.ᱥᱛᱤ ᱔᱔ ᱜᱚᱴᱮᱡ ᱛᱷᱟᱨ ᱟᱛᱮ ᱚᱱᱚᱲᱦᱮ ᱻᱮ ᱚᱞ ᱟᱠᱟᱫᱟ᱾ ᱢᱤ ᱼᱢᱤᱫᱴᱟᱝ ᱚᱱᱚᱲᱦᱮ ᱨᱮᱱᱟᱜ ᱥᱟᱨᱠᱟᱛᱷᱟ ᱞᱮᱠᱟᱛᱮ, ᱪᱤᱛᱟ.ᱨ ᱦᱚ ᱚᱱᱠᱟᱱᱟᱜ ᱜᱮ ᱵᱮᱱᱟᱣ ᱟᱠᱟᱱᱟ᱾ ᱜᱤᱫᱨᱟ ᱩᱢᱮᱨ ᱨᱮ ᱡᱟᱦᱟ ᱠᱚ ᱥᱟᱶ ᱥᱟ.ᱜᱟ.ᱭ ᱛᱟᱸᱦᱮᱱᱟ ,ᱚᱱᱠᱟᱱ ᱚᱱᱚᱲᱦᱮ ᱜᱮ ᱯᱚᱛᱚᱵ ᱨᱮ ᱜᱟᱦ ᱟᱠᱟᱱᱟ᱾ ᱡᱮ ᱞᱮᱠᱟ ᱺ ᱦᱟ.ᱲᱭᱟ.ᱨ ᱫᱷᱟ.ᱨᱛᱤ, ᱫᱟᱜ ᱡᱟ.ᱯᱩᱫ, ᱰᱟᱦᱟᱨ ᱫᱷᱩᱲᱤ, ᱪᱮᱲᱮ- ᱪᱩᱯᱲᱤ, ᱡᱤᱭᱟ.ᱞᱤ ᱟᱨ ᱠᱳᱵᱷᱤᱰ-᱑᱙ ᱞᱮᱠᱟᱱ ᱟᱡᱟᱨ ᱦᱚ᱾ ᱚᱱᱟ ᱥᱟᱶᱛᱮ ᱠᱟ.ᱦᱱᱤ ᱛᱟᱞᱟᱛᱮ ᱚᱱᱚᱲᱦᱮ ᱦᱚ ᱡᱮ ᱞᱮᱠᱟ ᱢᱮᱱᱟᱜᱻᱟ ᱚᱱᱠᱟᱜᱮ ᱢᱮᱱᱟᱜᱻᱟ ᱵᱷᱟ.ᱲᱩᱝᱵᱷᱟᱜ ᱞᱮᱠᱟᱱ ᱚᱱᱚᱲᱦᱮ ᱦᱚ᱾ ᱟᱨᱦᱚ ᱢᱮᱱᱟᱜ ᱟ ᱱᱟᱦᱟᱜ ᱱᱟᱜᱟᱨ ᱵᱟᱡᱟᱨ ᱜᱤᱫᱨᱟ. ᱠᱚᱣᱟᱜ ᱯᱩᱛᱩᱞ ᱟᱛᱮ ᱚᱱᱚᱲᱦᱮ᱾ ᱚᱱᱚᱲᱦᱮ ᱚᱞᱨᱮ ᱟᱭᱢᱟ ᱞᱮᱠᱟᱱ ᱪᱷᱚᱱᱫᱚ ᱵᱮᱣᱦᱟᱨ ᱟᱠᱟᱱᱟ᱾ ᱢᱤ ᱢᱤᱫ ᱡᱚᱠᱷᱚᱡ ᱯᱳᱱᱭᱟ-ᱢᱚᱲᱮ ᱜᱚᱴᱮᱡ ᱟ.ᱲᱟ. ᱟᱛᱮᱦᱚ ᱛᱷᱟᱨᱮ ᱵᱮᱱᱟᱣ ᱟᱠᱟᱫᱟ ᱟᱨ ᱵᱟᱝ ᱠᱷᱟᱱ ᱵᱟᱨᱭᱟ ᱟ.ᱲᱟ. ᱟᱛᱮᱦᱚ ᱟᱨ ᱵᱟᱝ ᱠᱷᱟᱱ ᱢᱤᱫᱴᱟᱝ ᱟ.ᱲᱟ. ᱟᱛᱮᱦᱚ ᱛᱷᱟᱨᱮ ᱵᱮᱱᱟᱣ ᱟᱠᱟᱫᱟ᱾

ᱟᱵᱳᱵᱚᱱ ᱧᱮᱞ ᱟ.ᱜᱩᱭᱮᱫᱟ, ᱜᱤᱫᱨᱟ. ᱥᱟᱶᱦᱮᱫ ᱢᱟᱱᱮᱜᱮ ᱢᱤᱫᱴᱟᱝ ᱡᱟᱸᱦᱟᱞᱮᱠᱟᱱᱟᱜ ᱪᱷᱚᱱᱫᱚ ᱛᱟᱦᱮᱱ ᱜᱮᱭᱟ᱾ ᱪᱷᱚᱱᱫᱚ ᱵᱟᱝ ᱠᱷᱟᱱ ᱢᱚᱱᱮ ᱠᱚ ᱵᱟᱝ ᱛᱤᱨᱯᱤᱛᱚᱜᱻᱟ; ᱨᱟ.ᱥᱠᱟ. ᱵᱟᱝ ᱥᱟᱲᱮᱨᱚᱜ ᱻᱟ᱾ ᱢᱮᱱᱠᱷᱟᱱ ᱱᱩᱭ ᱦᱚᱨᱚᱞᱟᱞ ᱜᱚᱢᱠᱮ ᱫᱚ, ᱪᱷᱚᱱᱫᱚᱭ ᱢᱮᱫ-ᱞᱩᱛᱩᱨ ᱟᱠᱟᱫ ᱨᱮᱦᱚ- ᱜᱚᱴᱟ ᱯᱚᱛᱚᱵ ᱨᱮ ᱥᱚᱢᱟᱱ ᱛᱮ ᱵᱟᱭ ᱡᱚᱛᱚᱱ ᱫᱟᱲᱮ ᱠᱟᱶᱫᱟ᱾ ᱱᱩᱭ ᱫᱚ ᱡᱟ.ᱥᱛᱤᱭ ᱵᱷᱟᱵᱱᱟ ᱟᱠᱟᱱᱟ, ᱜᱤᱫᱨᱟ. ᱠᱚ ᱞᱟ.ᱜᱤᱫ ᱡᱚᱛᱷᱟᱛ ᱚᱱᱚᱲᱦᱮ ᱚᱞ᱾ ᱚᱱᱟᱛᱮ ᱚᱱᱚᱲᱦᱮ ᱨᱮ ᱧᱮᱞ ᱟᱠᱟᱱᱟ, ᱞᱩᱛᱩᱨ ᱯᱷᱮᱰ-ᱯᱷᱮᱰᱛᱮ ᱪᱷᱚᱱᱫᱚ ᱯᱟᱨᱚᱢ ᱪᱟᱞᱟᱶ ᱟᱠᱟᱱᱟ᱾ ᱢᱮᱱᱠᱷᱟᱱ ᱮᱠᱟᱞ ᱡᱮ ᱪᱷᱚᱱᱫᱚ ᱵᱟᱝ ᱻᱮ ᱵᱮᱶᱦᱟᱨ ᱟᱠᱟᱫᱟ- ᱱᱚᱝᱠᱟ ᱫᱚ ᱵᱟᱝ᱾ ᱟᱨ ᱢᱤᱫ-ᱵᱟᱨ ᱱᱚᱝᱠᱟᱱ ᱟ.ᱲᱟ.ᱭ ᱵᱮᱶᱦᱟᱨ ᱟᱠᱟᱫᱟ, ᱡᱟᱦᱟᱠᱚᱫᱚ  ᱱᱟᱣᱟ-ᱱᱟᱣᱟ ᱢᱚᱱᱮ ᱦᱳᱭᱮᱱᱟ᱾ ᱱᱤᱛᱳᱜ ᱫᱚᱵᱚᱱ ᱧᱮᱞ ᱞᱮᱜᱮ ᱱᱩᱭ ᱟᱜ ᱢᱤᱫᱵᱟᱨ ᱚᱱᱚᱲᱦᱮ᱾

ᱱᱟᱯᱟᱭ ᱪᱷᱚᱱᱫᱚ ᱛᱮ ᱜᱟᱵᱟᱱ ᱟᱠᱟᱱ ᱵᱟᱨᱭᱟ/ᱯᱮᱭᱟ ᱚᱱᱚᱲᱦᱮ ᱥᱟᱵ ᱨᱟᱠᱟᱵ ᱮᱱᱟ᱾
(᱑) ᱟᱞᱮ ᱟᱛᱩ ᱨᱮ ᱢᱮᱱᱟᱭ ᱢᱤᱫ/ ᱯᱟᱸᱰᱩ ᱯᱩᱨᱩᱫᱷᱩᱞ ᱦᱟᱲᱟᱢ,
ᱪᱮᱛᱟᱱ ᱠᱩᱞᱦᱤ ᱞᱟᱛᱟᱨ ᱠᱩᱞᱦᱤ/ ᱞᱮᱵᱫᱟ ᱟᱛᱮᱭ ᱛᱟᱲᱟᱢ᱿
( ᱟᱞᱮ ᱟᱛᱩᱨᱮᱱ ᱦᱟᱲᱟᱢ - ᱚᱱᱚᱲᱦᱮ)
(᱒)ᱤᱧᱟ.ᱜ ᱫᱤᱥᱚᱢ ᱱᱟᱯᱟᱭ ᱫᱤᱥᱚᱢ/ ᱟᱭᱳ ᱵᱟᱨᱟᱭᱟ.ᱨᱤ,
ᱢᱮᱱᱟᱜ ᱵᱚᱱᱟ ᱵᱚᱭᱦᱟ ᱞᱮᱠᱟ/ ᱠᱟ.ᱢᱤ ᱚᱨᱟᱯᱟ.ᱨᱤ ᱿( ᱸᱤᱧᱟ.ᱜ ᱫᱤᱥᱚᱢ ᱸ- ᱚᱱᱚᱲᱦᱮ)
(᱓) ᱢᱟᱨᱮ ᱪᱟᱛᱚᱢ ᱵᱷᱟᱜᱤ ᱪᱟᱛᱚᱢ/ ᱠᱚᱫᱚᱨ ᱵᱟ.ᱱᱩᱜ ᱟᱱᱟ,
ᱱᱟᱦᱟᱜ ᱪᱟᱛᱚᱢ ᱥᱤᱢᱯᱟ.ᱥᱟᱲᱟᱝ / ᱮᱱᱦᱚ ᱦᱟᱛᱟᱶ ᱥᱟᱱᱟ᱿ ( 'ᱪᱟᱛᱚᱢ ' ᱼᱚᱱᱚᱲᱦᱮ)᱿
ᱱᱚᱣᱟ ᱚᱱᱚᱲᱦᱮ ᱨᱮ ᱟ.ᱲᱟ. ᱠᱚᱨᱮᱱᱟᱜ ᱟ.ᱰᱤ ᱡᱚᱛᱷᱟᱛ ᱵᱮᱣᱦᱟᱨ ᱟᱠᱟᱱ ᱠᱷᱟᱹᱛᱤᱨ, ᱪᱷᱚᱱᱫᱚ ᱦᱚ ᱟ.ᱰᱤ ᱱᱟᱯᱟᱭ ᱦᱳᱭᱟᱠᱟᱱᱟ᱾
ᱱᱤᱛᱳᱜ ᱫᱚᱵᱚᱱ ᱧᱮᱞ ᱞᱮᱜᱮ,ᱵᱟᱨᱭᱟ ᱟ.ᱲᱟ. ᱟᱨ ᱢᱤᱫᱴᱟᱝ ᱟ.ᱲᱟ.ᱛᱮ ᱵᱮᱱᱟᱣ ᱟᱠᱟᱱ ᱛᱷᱟᱨ ᱨᱮᱱᱟᱜ ᱚᱱᱚᱲᱦᱮ ᱺ
(᱑) ᱥᱤᱛᱩᱝ ᱥᱤᱛᱩᱝ
               ᱯᱚᱛᱟᱢ,
ᱠᱩᱠᱩᱰᱩᱵᱩᱨ ,
            ᱨᱟᱜᱟᱢ᱿( ᱯᱚᱛᱟᱢ- ᱚᱱᱚᱲᱦᱮ)᱿
ᱛᱩᱨᱩᱭ ᱛᱷᱟᱨ ᱛᱮ ᱚᱞ ᱟᱠᱟᱱ,ᱚᱱᱚᱞ ᱨᱟᱦᱟ ᱨᱮᱱᱟᱜ ᱢᱤᱫᱴᱟᱝ ᱚᱱᱚᱲᱦᱮ ᱺ
(᱑) ᱛᱤ ᱵᱟᱱᱟᱨᱤᱧ ᱢᱤᱫᱟ/
              ᱟᱨᱤᱧ ᱱᱮᱦᱚᱨᱟᱢᱟ,/
         ᱟᱫᱚ ᱵᱟᱝ ᱤᱧ ᱨᱟᱜᱟ/
        ᱫᱮᱱ ᱥᱮ ᱪᱟᱸᱫᱳ ᱢᱟᱢᱟ/
    ᱮᱢᱟᱧ ᱢᱮ ᱛᱚᱣᱟ ᱫᱟᱠᱟ/
    ᱨᱟ.ᱥᱠᱟ. ᱠᱟᱛᱮᱧ ᱡᱚᱢᱟ᱿
( ᱪᱟᱸᱫᱳ ᱢᱟᱢᱟᱴᱷᱮᱵ ᱱᱮᱦᱚᱨ - ᱚᱱᱚᱲᱦᱮ) ᱿
ᱱᱤᱛᱚᱜ ᱫᱚᱵᱚᱱ ᱧᱮᱞ ᱞᱮᱜᱮ ᱪᱷᱚᱱᱫᱚ ᱵᱟ.ᱱᱩᱜᱻᱟ ᱱᱚᱝᱠᱟᱱ ᱢᱤᱫᱴᱟᱝ ᱚᱱᱚᱲᱦᱮ ᱺ
(᱑) ᱧᱤᱫᱟ. ᱨᱮᱱᱟᱜ ᱧᱩᱛᱟᱹᱛ. ᱥᱟᱦᱟᱭᱛᱮᱭ/
         ᱨᱟᱠᱟᱵ ᱥᱤᱧ ᱵᱮᱲᱟ /
   ᱰᱤᱜᱤᱢᱤᱜᱤ ᱫᱷᱟ.ᱨᱛᱤᱯᱩᱨᱤ/
     ᱦᱩᱭᱮᱱᱟ ᱟᱸᱜᱟ᱿( ᱥᱤᱧ ᱵᱮᱲᱟ - ᱚᱱᱚᱲᱦᱮ)᱿
ᱪᱷᱚᱱᱫᱚ ᱵᱟᱝ ᱡᱚᱲ ᱟᱠᱟᱱᱟ, ᱱᱚᱝᱠᱟᱱ ᱢᱤᱫᱴᱟᱝ ᱚᱱᱚᱲᱦᱮ ᱺ
(᱑) ᱮᱱᱟ ᱵᱤᱴᱤ ᱜᱤᱥᱤᱨ-ᱜᱤᱥᱤᱨ /ᱟᱸᱡᱚᱢ ᱢᱮᱥᱮ ᱞᱟᱦᱟ/
ᱛᱩᱯᱩ ᱯᱷᱟᱨᱪᱟ ᱠᱟᱢᱛᱮ ᱫᱮᱞᱟᱧ/ ᱨᱚᱦ ᱱᱟ.ᱠᱤᱡ ᱠᱟᱢᱟ᱿(ᱵᱤᱴᱤ - ᱚᱱᱚᱲᱦᱮ)᱿
ᱱᱚᱣᱟ ᱚᱱᱚᱲᱦᱮ ᱨᱮ ᱧᱮᱞᱚᱜ ᱠᱟᱱᱟ, ᱢᱟᱛᱛᱨᱟ ᱥᱮ ᱥᱚᱞᱚᱝ ᱛᱮ ᱢᱤᱞᱟ.ᱣ ᱟᱠᱟᱱ ᱨᱮᱦᱚ- ᱞᱩᱛᱩᱨ ᱨᱮ ᱵᱟᱝ ᱴᱷᱤᱠᱽ ᱜᱮ ᱟᱸᱡᱚᱢᱚᱜ ᱠᱟᱱᱟ᱿
ᱟᱨ ᱡᱟᱦᱟ ᱢᱤᱫᱵᱟᱨ ᱟ.ᱲᱟ. ᱠᱚ ᱱᱟᱭᱟ ᱞᱮᱠᱟ ᱢᱚᱱᱮ ᱦᱳᱭᱮᱱᱟ ᱚᱱᱟ ᱠᱚᱫᱚ ᱦᱳᱭᱳᱜ ᱠᱟᱱᱟ ᱺ
ᱥᱮᱥᱮᱨ-ᱢᱮᱥᱮᱨ, ᱟ.ᱰᱤᱨ-ᱠᱩᱰᱤᱨ, ᱜᱤᱥᱤᱨ-ᱜᱤᱥᱤᱨ ᱮᱢᱟᱱ᱾
ᱢᱟᱱᱚᱛᱟᱱ ᱚᱱᱚᱞᱤᱭᱟ ᱦᱚᱨᱚᱞᱟᱞ ᱢᱩᱨᱢᱩ ᱜᱚᱢᱠᱮ, ᱟᱭᱢᱟ ᱞᱮᱠᱟᱱ ᱢᱚᱥᱞᱟ ᱟᱛᱮ ' ᱥᱳᱱᱟ ᱢᱤᱨᱩᱣᱟᱜ ᱥᱟᱸᱫᱮᱥ ' ᱮ ᱟ.ᱲᱛᱤ ᱟᱠᱟᱫ ᱵᱚᱱᱟ᱾ ᱚᱱᱚᱲᱦᱮ ᱠᱚᱨᱮᱱᱟᱜ ᱨᱟᱥᱟ ; ᱪᱮᱯᱮᱡ ᱞᱮᱠᱟᱱᱟᱜ᱾ ᱯᱟ.ᱴᱷᱩᱭᱟ. ᱠᱚᱭᱟᱜ ᱢᱚᱱᱮ ᱨᱮ, ᱱᱟᱯᱟᱭ ᱴᱷᱟᱣ ᱻᱮ ᱦᱟᱢᱮᱴᱟ ᱢᱮᱱᱛᱮ ᱤᱟ.ᱜ ᱯᱟ.ᱛᱭᱟ.ᱶ ᱿

Tags

Top Post Ad

Below Post Ad