ওয়েল ফেয়ার অ্যাসসিয়েশন হুগলি চাঁগা পাহ্টা খন ডি.এম. ঠেন ডেপুটেশন কো এম কেদা

আবোওয়াঃ ওয়েব পেজ- ফেক এস.টি. কোওয়াঃ নাহাচারতে পছিম বাংলারেন সানাম আদিবাসী কো হেঁতেল গেজেলঃ কানা। লৗইগানঃ আ সানাম সরকারি চৗকরি আর নানাহুনৗর স্কুল, কলেজ সাঁওতে একাডেমিক ঠাঁওরে যেলেকা মেডিক্যাল, ইঞ্জিনিয়ারিং এমন চেৎ টিচার্স ট্রেনিং রেনাঃ এডমিশন রেহঁ অ-আদিবাসী কো এস.টি. সার্টিফিকেট জোগাড় কাতে ভুরতি রেনাঃ ডগর লেতাড়গে সামাংরে হিজুঃ কানা মেনতে অভিযোগ এ আগু কেদা ওয়েস্টবেঙ্গল সিডিউল্ড ট্রাইব ওয়েল ফেয়ার অ্যাসসিয়েশন। সরকারি দপ্তর করেহঁ রোস্টার বাং মানাও বাতাও হোয়োঃ কানা মেনতেহঁ দাবীয় রাকাপ আকাদা অ্যাসসিয়েশন।

তেহেঞ ১০ ফেব্রুয়ারী হুগলী জেলা পাহটা খন সানাম আদিবাসী কো মিৎ জুগুৎ কাতে ডি.এম. ঠেন গণ-ডেপুটেশন কো এম কেদা। দাবী কো মুদ্‌রে বাডায় আকানা- এনুয়াল রিটার্ন্স অফ এপোয়েন্টমেন্ট ই-ফাইলিং যেমন হুগলীরে আডি লগন www.wbreservation.gov.in ওয়েবসাইট তালাতে পারশালঃ মা। দুয়ারে সরকার প্রকল্প তালাতে যাঁহা এস.টি. সার্টিফিকেট এম হোয়োঃ কানা অনাকো গৗহির ভাবতে খঁদরঁদ কাতে এম হোয়োঃমা। নিট ২০২০ বিডৗওরে পাশ আকাৎ সন্দেহ তালিকারেন এস.টি. পৗঠুওয়াঃ কোওয়া সার্টিফিকেট যেমন দহড়া খঁদরঁদ কাতে ঞেল হোয়োঃ মা। এস.এস.সি., পি.এস.সি.,ডাবলু.বি.সি.এস. সাঁওতে নানাহুনৗর সরকারি আর বে-সরকারি বিডৗও রেনাঃ রেকমেন্ডেশন আর রিক্রুমেন্ট অর্জরে পৗঠুওয়াঃ কোওয়াঃ ক্যাটাগরি ওয়াইজ ঞুতুম, পৗরিস, অ্যাপ্লিকেশন নম্বর আর রেজিস্ট্রেশন নম্বর সহ যেমন তালিকা পারশালঃ মা। স্কুল, কলেজ, ইউনিভার্সিটি সাঁওতে নানাহুনৗর সরকারি চৗকরি ঠাঁওরে হানড্রেড পয়েন্ট রোস্টার যেমন ঠিক সাঁহিচ্‌ মানাও-বাতাও হোয়োঃ মা অনা লৗগিৎ হঁ আরদাশ কো দহ আকাদা অনাবেগর নানাহুনৗর চৗকরিরেনাঃ রিক্রুমেন্ট আর নানাহুনৗর অ্যাকাডেমিক ইনস্টিটিউশন রে কম্পিটেন্ট রিপ্রেজেন্টেটিভ লেকাতে কম কাতেৎ রেহঁ আদিবাসী হড় কো দহয় রেনাঃ দাবী হঁক এম আকাদা।

ওয়েস্টবেঙ্গল সিডিউল্ড ট্রাইব ওয়েল ফেয়ার অ্যাসসিয়েশন রেনাঃ হুগলি জেলা চাঁগা পাহটা খন প্রেসিডেন্ট দুর্গা চরণ সরেন, এডভাইজার সুনীল মান্ডি, সেক্রেটারী দুর্গা মুরমু, এক্সিকিউটিভ মেম্বার কৃষ্ণ প্রসাদ হেম্ব্রম আর অরুন সান্ডিল এমান গোমকেকো ডি.এম. ডেপুটেশন রেকো সেটের তাঁহেকানা।