আবোওয়া কাথা ওয়েব পেজরে উছৗন আকান মিৎ জড় কৗহ্নি চেতান মানতান শ্রী কা ন্ত স রে ন গোম্কেয়াঃ তুলৗজখা-

 মানতান সাসাপড়াওইচ, আবোওয়াঃ কাথা

১. কুতরু হপনাঃ কাথা ( হুডিঞ কৗহনি)

 নিকোলাস মারানডি

 ২২ জানুয়ারি,২০২১

তুলৗজখা- শ্রী কা ন্ত স রে ন

নিকোলাস মারানডি আঃ ' কুতরু হপনাঃ কাথা ' মিৎটাং হুডিঞ কৗহনি কানরেহঁ, নওয়া কৗহনি রেনাঃ জিউয়ী মেনাঃ আ। আবো আশপাশ করে জাহায় জিয়ৗলি ক তাঁহেনা, উনকুহ চাঁন্দোরেন কান গেয়া ক। উনকু চেতান দায়া- দুলৗড় উদুঃ,আবোওয়াঃ সরেস কৗমি মুদরে মিৎটাং। সেতা হপনাঃ কৗহিসতে উনকু বৗইহৗড়সেৎ ক গিডি হট লেৎ কওয়া; মেনখান উনকুয়াঃ রাঃ-রধন আঁজম কাতে, আরহঁ ক রুয়ৗড় আগু কেৎ কওয়া। নুকু সেতা হপন রুয়ৗড় আগু রেগে, কৗহনি রেনাঃ মৗন বৗড়তি আকানা। মানতান অনলিয়ৗ গমকে, আয়মা সারহাও।

২. কারধানী
 বাড়তাং সরেন
১২ ফেব্রুয়ারি,২০২১
তুলৗজখা- শ্রী কা ন্ত স রে ন

মানতান বাড়তাং সরেন আঃ ' কৗরধৗনী ' রে জটা জানগুরু আঃ নাপায় কৗরধৗনী উদুঃ আকানা। নওয়া কৗরধৗনী দ মিৎ লেকান হড় ক লৗগিৎ জথাত কানরেহঁ,নাহাঃ অক্তে নওয়া রেনাঃ সাঁওহেৎ রাসা হাড়হাৎগে বুঝাঃ কানা। কৗহনি রেয়াঃ উইহৗর-ভাবনা মিৎ কিতৗ গায়ান লেকানাঃ কানরেহঁ, গনং আন উইহৗর-ভাবনা কানগেয়া। মান অনলিয়ৗ গমকে আঃ, নাপায় সিরজন ভাবনা খৗতির নাপায় সারহাও।