(ᱞᱟᱦᱟᱠᱷᱚᱱ ᱛᱳᱸᱜᱮ...)
ᱛᱩᱞᱟ.ᱡᱚᱠᱷᱟ ᱨᱮᱱᱟᱜ ᱨᱩᱯ ᱟᱨ ᱨᱟᱥᱟ
ᱥᱨᱤᱠᱟᱱᱛᱚ ᱥᱚᱨᱮᱱ
ᱛᱩᱞᱟ.ᱡᱚᱠᱷᱟ ᱫᱚ ᱡᱟᱱᱟᱢ ᱟᱠᱟᱱᱟ, ᱱᱟᱯᱟᱭ ᱡᱤᱱᱤᱥ ᱧᱮᱞ ᱠᱷᱚᱱ᱾ ᱢᱤᱫᱴᱟᱝ ᱱᱟᱯᱟᱭ ᱡᱤᱱᱤᱥ ᱥᱟᱱᱟᱢ ᱥᱮᱛᱮ ᱫᱚ ᱵᱟᱝ ᱱᱟᱯᱟᱭ ᱫᱟᱲᱮᱭᱟᱜ ᱻᱟ᱾ ᱢᱮᱱᱠᱷᱟᱱ ᱛᱩᱞᱟ.ᱡᱚᱠᱷᱟ ᱛᱟᱞᱟᱛᱮᱜᱮ ᱱᱟᱯᱟᱭ ᱜᱩᱱ ᱜᱩᱢ ᱳᱰᱳᱠᱚᱜ ᱻᱟ᱾ ᱱᱚᱣᱟ ᱫᱚ ᱚᱢᱨᱤᱛ ᱦᱚ ᱞᱟᱹᱭ ᱜᱟᱱᱚᱜ ᱻᱟ᱾ ᱱᱚᱣᱟ ᱨᱮᱱᱟᱜ ᱦᱮᱲᱮᱢ ᱫᱚ ᱚᱱᱛᱚᱨᱮ ᱞᱟᱹᱭ ᱫᱟᱲᱮᱭᱟᱜ ᱻᱟ᱾ ᱱᱤᱭᱟ.ᱫᱚ ᱯᱷᱤᱞᱳᱥᱳᱯᱷᱤ (philosophy) ᱥᱟᱶ ᱱᱟᱯᱟᱭ ᱥᱟ.ᱜᱟ.ᱭ ᱢᱮᱱᱟᱜ ᱻᱟ᱾ ᱡᱟᱦᱟᱭ ᱠᱚ ᱯᱷᱤᱞᱳᱥᱳᱯᱷᱮᱨ ᱠᱟᱱᱟ ᱠᱚ, ᱩᱱᱠᱩ ᱫᱚ ᱢᱤᱫᱴᱟᱝ ᱱᱟᱯᱟᱭ ᱵᱟᱦᱟ ᱢᱮᱫ ᱛᱮ ᱧᱮᱞ ᱟᱨ ᱢᱚᱱᱮᱛᱮ ᱧᱮᱞ ᱨᱮᱱᱟᱜ ᱡᱚᱛᱷᱟᱛ ᱯᱷᱟᱨᱟᱠ ᱠᱚ ᱵᱩᱡᱷᱟ.ᱶ ᱫᱟᱲᱮᱭᱟᱜ ᱻᱟ᱾ ᱢᱤᱫᱴᱟᱝ ᱱᱟᱯᱟᱭ ᱵᱟᱦᱟ ᱥᱳᱨᱨᱮ ᱛᱮᱸᱜᱳ ᱞᱮᱱ ᱠᱷᱟᱱ ᱢᱚᱱᱮᱨᱮ ᱢᱤᱫᱞᱮᱠᱟᱱ ᱨᱟ.ᱥᱠᱟ. ᱥᱟᱲᱮᱨᱚᱜᱻᱟ᱾ ᱚᱱᱟ ᱱᱟᱯᱟᱭ ᱵᱟᱦᱟ ᱨᱮᱱᱟᱜ ᱜᱩᱱ ᱦᱟᱛᱟᱝᱛᱮ (ᱵᱩᱨᱫᱷᱤ) ᱵᱩᱡᱷ ᱨᱮᱱᱟᱜ ᱨᱤᱠᱟ.ᱭ ᱦᱳᱭᱳᱜ ᱻᱟ ᱟᱨ ᱚᱱᱟ ᱨᱮᱭᱟᱜ ᱜᱚᱱᱚᱝ ᱵᱩᱡᱷ ᱠᱟᱛᱮ ᱡᱤᱭᱚᱱ ᱥᱟᱶ ᱢᱤᱫᱴᱟᱝ ᱥᱟ.ᱜᱟ.ᱭ ᱧᱟᱢ ᱨᱮᱱᱟᱜ ᱵᱷᱟᱵᱱᱟ ᱳᱰᱳᱠ ᱦᱳᱭᱳᱜ ᱻᱟ᱾ ᱛᱩᱞᱟ.ᱡᱚᱠᱷᱟ ᱫᱚ ᱦᱳᱭᱳᱜ ᱠᱟᱱᱟ, ᱢᱤᱫᱴᱟᱝ ᱥᱤᱨᱡᱚᱱ ᱨᱮᱱᱟᱜ ᱡᱚᱛᱷᱟᱛ ᱨᱩᱯ ᱵᱚᱦᱚᱜ ᱛᱮ(ᱢᱚᱱᱮᱛᱮ) ᱵᱟᱲᱟᱭ , ᱚᱱᱟ ᱨᱮᱭᱟᱜ ᱟᱥᱚᱞ ᱜᱩᱱ ᱱᱟᱭᱟ ᱠᱟᱭᱛᱮ ᱥᱤᱨᱡᱚᱱ᱾ ᱤᱝᱨᱮᱡᱤᱛᱮ ᱞᱟᱹᱭ ᱜᱟᱱᱚᱜ ᱻᱟ, 'To see a thing as it is.
ᱛᱩᱞᱟ.ᱡᱚᱠᱷᱟᱭᱤᱪ , ᱥᱟᱶᱦᱮᱫ ᱨᱮ ᱚᱱᱚᱞᱤᱭᱟ. ᱟᱜ ᱩᱭᱦᱟᱨ-ᱵᱷᱟᱵᱱᱟ, ᱥᱟᱵᱟᱫ ᱵᱮᱣᱦᱟᱨ, ᱟ.ᱭᱟ.ᱛ ᱜᱚᱲᱦᱚᱱ ᱫᱟᱲᱮ, ᱥᱟᱶᱦᱮᱫ ᱨᱟᱥᱟ ᱜᱟᱵᱟᱱ ᱫᱟᱲᱮ ᱮᱢᱟᱱ ᱠᱚᱭ ᱧᱮᱞᱟ᱾ ᱚᱱᱟ ᱯᱟᱲᱦᱟᱣ ᱠᱟᱛᱮ ᱨᱟ.ᱥᱠᱟ. ᱥᱟᱶᱛᱮ ᱢᱚᱱᱮᱨᱮ ᱟᱡᱛᱮᱜᱮ ᱚᱱᱛᱚᱨ ᱥᱩᱠᱷ ᱧᱟᱢ ᱞᱮᱠᱟᱱ ᱠᱟᱛᱷᱟᱭ ᱵᱷᱟᱵᱱᱟ ᱧᱟᱢ ᱻᱟ᱾ ᱟᱨᱦᱚ ᱞᱟᱹᱭ ᱜᱟᱱᱚᱜ ᱻᱟ, ᱠᱩᱱᱟ.ᱢᱤᱭᱟᱜ ᱨᱩᱯ ᱥᱮᱛ ᱠᱚᱭᱚᱜ ᱞᱮᱠᱷᱟᱱ ᱡᱮ ᱞᱮᱠᱟ ᱢᱮᱫ ᱵᱟᱝ ᱡᱟ.ᱯᱤᱫᱚᱜᱻᱟ, ᱱᱟᱯᱟᱭ ᱥᱟᱶᱦᱮᱫ ᱫᱚ ᱚᱱᱛᱚᱨ ᱠᱷᱚᱱ ᱚᱱᱠᱟ ᱵᱟᱝ ᱢᱮᱴᱟᱶ ᱞᱟ.ᱜᱤᱫᱚᱜᱻᱟ᱾ ᱱᱟᱦᱟᱜ ᱡᱩᱜᱽᱨᱮᱱᱟᱜ ᱥᱟᱪᱟᱨᱦᱮᱫ ᱞᱮᱠᱟᱛᱮ, ᱛᱩᱞᱟ.ᱡᱚᱠᱷᱟ ᱫᱚ ᱨᱟᱡᱟ.ᱨᱤᱨᱮᱱ ᱵᱤᱨᱳᱫᱷᱤ ᱫᱚᱞ ᱞᱮᱠᱟᱢ ᱢᱚᱱᱮ ᱞᱮᱠᱷᱟᱱ ᱵᱟ.ᱲᱤᱪ ᱫᱚ ᱵᱟᱝ ᱦᱳᱭᱳᱜ ᱻᱟ᱾ ᱛᱩᱞᱟ.ᱡᱚᱠᱷᱟ ᱟᱛᱮ ᱟᱭᱢᱟ ᱚᱱᱚᱞᱤᱭᱟ. , ᱜᱮᱭᱟᱱᱤ-ᱜᱩᱱᱤ ᱢᱟ.ᱱᱢᱤ ᱟᱭᱢᱟ ᱞᱮᱠᱟᱱ ᱠᱟᱛᱷᱟ ᱠᱚ ᱞᱟᱹᱭ ᱟᱠᱟᱫᱟ᱾ ᱡᱮ ᱞᱮᱠᱟ ᱚᱥᱠᱟᱨ ᱚᱭᱟᱤᱞᱰ ᱮ ᱞᱟᱹᱭ ᱟᱠᱟᱫᱟ, ' A creation within creation '. ᱴᱤ. ᱮᱥ. ᱮᱞᱤᱭᱚᱴ (T.S.Eliot) ᱮ ᱞᱟ.ᱭ ᱟᱠᱟᱫᱟ, " Every form of genuine criticism is directed towards creation. The historical or philosophic critic of poetry is criticising poetry in order to create a history or a philosophy; the poetic critic is criticising poetry in order to create poetry.
ᱛᱩᱞᱟ.ᱡᱚᱠᱷᱟᱭᱤᱪ ᱟᱜ ᱟᱭᱢᱟ ᱜᱩᱱ ᱛᱟᱸᱦᱮᱱ ᱛᱟᱭ ᱨᱮᱦᱚ, ᱡᱟᱦᱟ ᱞᱮᱠᱟᱱ ᱥᱟᱶᱦᱮᱫ ᱨᱮᱜᱮ ᱰᱩᱵᱩᱡ ᱠᱟᱛᱮ ᱫᱟᱜ ᱧᱩ ᱞᱮᱠᱟᱱ ᱫᱟᱲᱮ ᱛᱟᱸᱦᱮ ᱞᱟ.ᱜᱛᱤ ᱠᱟᱱ ᱛᱟᱭᱟ᱾ ᱱᱩᱭ ᱟᱜ ᱢᱤᱫᱵᱟᱨ ᱜᱩᱱ ᱫᱚ ᱱᱚᱝᱠᱟ ᱺ ᱯᱳᱭᱞᱳ ᱜᱩᱱ ᱫᱚ ᱦᱳᱭᱳᱜ ᱠᱟᱱᱟ, ᱱᱩᱭ ᱫᱚ ᱡᱟᱦᱟ ᱞᱮᱠᱟᱱ ᱥᱟᱶᱦᱮᱫ ᱜᱮ ᱥᱮᱴᱮᱡ ᱞᱮᱠᱟᱱ ᱫᱟᱲᱮ ᱛᱟᱸᱦᱮ ᱞᱟ.ᱜᱛᱤ ᱠᱟᱱ ᱛᱟᱭᱟ᱾ ᱫᱚᱥᱟᱨ ᱜᱩᱱ ᱫᱚ ᱦᱳᱭᱳᱜ ᱠᱟᱱᱟ, ᱚᱱᱟ ᱥᱟᱶᱦᱮᱫ ᱟᱯᱱᱟᱨ ᱠᱟᱛᱮ ᱯᱟ.ᱴᱷᱩᱭᱟ. ᱥᱟᱢᱟᱝ ᱨᱮ ᱟᱨᱦᱚ ᱱᱟᱭᱟ ᱢᱤᱫ ᱥᱤᱨᱡᱚᱱ ᱞᱮᱠᱟᱛᱮ ᱥᱚᱫᱚᱨ ᱦᱳᱭᱳᱜ ᱻᱟ᱾
ᱱᱟ.ᱭ ᱟᱜ ᱛᱟᱲᱟᱢ ᱰᱟᱦᱟᱨ ᱞᱮᱠᱟ ᱥᱟᱶᱦᱮᱫ ᱦᱚ ᱡᱩᱜᱽ-ᱡᱩᱜᱽ ᱠᱷᱚᱱ ᱵᱚᱱᱚᱫᱚᱞ ᱦᱤᱡᱩᱜ ᱠᱟᱱᱟ᱾ ᱥᱟᱶᱦᱮᱫ ᱫᱚ ᱡᱩᱜ ᱥᱟᱶ ᱛᱟᱲ ᱢᱤᱞᱟ.ᱶ ᱠᱟᱛᱮ ᱡᱟᱱᱟᱢᱚᱜ ᱻᱟ᱾ ᱢᱤ-ᱢᱤᱫ ᱡᱩᱜᱨᱮᱱ ᱦᱚᱲ ᱢᱤ-ᱢᱤᱫ ᱞᱮᱠᱟᱱ ᱥᱟᱶᱦᱮᱫ ᱠᱚ ᱠᱩᱥᱤᱭᱟᱜᱻᱟ᱾ ᱚᱱᱟ ᱞᱮᱠᱟᱛᱮ ᱛᱩᱞᱟ.ᱡᱚᱠᱷᱟ ᱨᱮᱱᱟᱜ ᱰᱟᱦᱟᱨ ᱦᱚ ᱛᱷᱚᱲᱟ ᱵᱚᱱᱚᱫᱚᱞᱚᱜᱻᱟ ᱢᱮᱱᱛᱮ, ᱞᱟᱦᱟ ᱨᱮᱜᱮ ᱢᱤᱫᱵᱟᱨ ᱚᱱᱚᱞᱤᱭᱟ. ᱠᱚ ᱞᱟᱹᱭ ᱟᱠᱟᱫᱟ᱾ ᱱᱤᱭᱟ. ᱟᱛᱮ ᱧᱩᱛᱩᱢᱟᱱ ᱛᱩᱞᱟ.ᱡᱚᱠᱷᱟᱭᱤᱪ ᱴᱤ.ᱮᱥ.ᱮᱞᱤᱭᱚᱴ (T.S.Eliot) ᱟᱜ ᱚᱞ ᱫᱤᱥᱟ. ᱞᱮᱠᱟᱱᱟᱜ ᱾ ᱩᱱᱤᱭ ᱚᱞ ᱟᱠᱟᱫᱟ " Each age demands different things from poetry, though its demands are modified from time to time, by what some new poet has given. So our criticism, from age to age, will reflect the things that the age demands; and the criticism of no one man and no one age can be expected to embrace the whole nature of poetry or exhaust all of its uses." ( ' The Modern Mind. ' T.S. Eliot).
ᱛᱩᱞᱟ.ᱡᱚᱠᱷᱟ ᱟᱛᱮ ᱫᱷᱟ.ᱨᱛᱤ ᱡᱟᱠᱟᱛ ᱚᱱᱚᱞᱤᱭᱟ. ᱢᱟᱱ ᱨᱚᱵᱤᱱᱫᱨᱚ ᱱᱟᱛᱷ ᱴᱷᱟᱠᱩᱨ ᱟ.ᱰᱤ ᱱᱟᱯᱟᱭ ᱢᱤᱫᱴᱟᱝ ᱠᱟᱛᱷᱟᱭ ᱞᱟ.ᱭ ᱟᱠᱟᱫᱟ: " ᱡᱟᱦᱟᱭ ᱯᱟ.ᱴᱷᱩᱭᱟ. ᱡᱟᱦᱟᱛᱤᱱᱟ.ᱜ ᱱᱟᱯᱟᱭ ᱠᱟᱭᱛᱮ ᱢᱤᱫᱴᱟᱝ ᱚᱱᱚᱲᱦᱮ ᱥᱟᱶ ᱟᱯᱱᱟᱨᱟᱜ ᱟ.ᱱᱟ.ᱭᱠᱟ.ᱶ (feelings) ᱮ ᱞᱟᱹᱭ ᱥᱚᱫᱚᱨ ᱫᱟᱲᱮᱭᱟᱜ ᱻᱟ, ᱩᱱᱤᱜᱮᱭ ᱦᱳᱭ ᱫᱟᱲᱮᱭᱟᱜᱼᱟ ᱢᱤᱫ ᱡᱚᱛᱷᱟᱛ ᱛᱩᱞᱟ.ᱡᱚᱠᱷᱟ ᱦᱚᱲ "᱾ ᱨᱚᱵᱤᱱᱫᱨᱚ ᱱᱟᱛᱷ ᱴᱷᱟᱠᱩᱨᱟᱜ ᱱᱚᱣᱟ ᱠᱟᱛᱷᱟ ᱛᱩᱞᱟ.ᱡᱚᱠᱷᱟ ᱨᱮᱱᱟᱜ ᱜᱟᱝ ᱱᱟ.ᱭ ᱢᱚᱱᱮ ᱠᱟᱛᱮ, ᱟᱭᱢᱟ ᱦᱚᱲ ᱜᱮᱠᱚ ᱢᱟᱱᱟᱶ ᱼᱵᱟᱛᱟᱶ ᱟᱠᱟᱫᱟ᱾ ᱚᱱᱟᱛᱮ ᱞᱟᱹᱭ.ᱜᱟᱱᱚᱜᱻᱟ - ' ᱛᱩᱞᱟ.ᱡᱚᱠᱷᱟ ᱫᱚ ᱦᱳᱭᱳᱜ ᱠᱟᱱᱟ ᱢᱤᱫᱴᱟᱝ ᱵᱟᱦᱟ ᱥᱳᱨᱨᱮ ᱟᱨ ᱢᱤᱫᱴᱟᱝ ᱵᱟᱦᱟ ᱥᱟᱲ ᱦᱚᱪᱚ '᱾
.webp)
