আখির জিয়ন

 আখির জিয়ন

বিভূতি ভূষণ সরেন

বাড়েডি আতুরেন লুতি-তেরম তাকিন রেন সাধের বাবু কড়া 'ইপিল' অল পাড়হাও সেড়া অচ রেনাঃ কুরুমুটু দ বাং কম তাকিনা। দুলৗড় রিনিচ্ গিদরৗ স্কুল রেকিন ভর্তি কাদেয়া। পাশদ পাশ ইদি কেদায়, মেনখান নাপায় তেদ বাং। কোন রকমতে কলেজ রে ভর্তি এনায়। কলেজ রেঁহ মড়ে গটাং সেমেস্টার রেনাঃ গানাডে দ পারম কেদায়। আর অনা তায়নম গে  'লক ডাউন' এতহব এনা ,গটা দিশম করোনা আজার খৗতির। কলেজ খন আঁজম আগু আকাদা যে লক ডাউন ভোর দ কাথাচ্ 'অন লাইন' তেক পাড়হাও কওয়া। অনাতে আচ্ য়ু তাকিন মেতাঃ কিনা, মোবাইল কিরিঞ আঞ বেন। ইপিলাঃ কুকমু পুরৗও লৗগিৎ, অড়াঃ রেন মিৎটান মেরম খৗসি আর গেল বস্তা হুড়ু আখরিঞ কাতে কৗ  ওডি এমা দেয়াকিন। ইপিল দ বাজার খন অনা কৗওডি তে মারাং হাটাঃ লেকান মোবাইল এ কিরিঞ জং আনা। সুট আর জামা পকেট রেহঁ বাং সাহব কানা। আদখান অনা তায়নমদ on line class এঃ চং- বাং চং মোবাইল ঘানটাই ঘানটায়েদা দ সিঞ -ঞিদৗ ব্যস্ত মেনায়া। দাঃ সেন, রাচা সেন চালাঃ রেঁহ মোবাইল দ সঁগে বাড়ায়েদা। আচ্ গ -বাবা তাকিন নাপায় মনে কাতেঃ গে তাঁহে কানা। মেনখান ইপিল তিনাঃ গান নাপায় কৗমিরে বেওহার এদা? অনাদ ইপিল গে বাড়ায়ায়। আর নতে কিছু দিন তায়ম খানগে University পাহটা খন বাড়ায় অচকেৎ কওয়া যে, ফাইনাল সেমেস্টার 'অন লাইন' তেগে এম গানঃআ অড়াঃ খন। সাঁওতে University রেনাঃ মিৎটান Whatsapp নং রে উত্তর pdf কাতে ভেজা হুয়ু আ। দিন আর অক্ত মাছা প্রশ্ন সেটের এনা ইপিল আঃ মোবাইল রে। মজ্ বাং পাড়হাও খৗতির ঝত রেনাঃ উত্তর বায় অল দাড়েয়াদা। যাহা তিনৗঃ  অল আকাৎ, অনা কগে pdf কাতেঃ ভেজা কেদায়। আর নতে ঠিক বার (2) চাঁদ তায়ম খানগে বিনিড রেনাঃ কুড়ৗই অডকেন তায়া। পাশ হঁ পাশ কেৎ গেয়ায়। ,মেনখান আডি মজ্ তেদ বাং।

অনা তায়নম দ চাকরি পরীক্ষা ক এম এদা। পাশ দ বাংএ পাশ দাড়ে কানা, চেদাঃ সে লাতার ভিতগে আলগা গেয়া । নাপায় অল পাড়হাও বাং খৗতির। নাহাঃ যুগদ নাপায় বাং অল পাড়হাও আর রেজাল্ট লেখান চাকরি ঞামদ আডি আনাট গেয়া। আর নতে বাবায়াঃ যাহা অত-হাসা মেনাঃ আ, অনা রেহঁ হড়ম বাংএ খাটাও দাড়ে,নাহেল-কাঁড়বা সঝে বাং এ সাব দহ দাড়ে। সিতুং বাংএ সাহাও দাড়ে। 'আখির জিয়োন' রেনাঃ ঢঁগা তালা সামুদ্দর রে। নিতঃ উইহৗর এদায় গ-বাবা পাড়হাও রেনাঃ সুযোগ এম খৗতির হঁ নাপায়তে বাং পাড়হাও লেদা । অনা তেগে তেহেঞ ঞালাঃ ঞালাঃ তালা জলারে।