মলং যশ

 (হুডিঞ মাছা কৗহ্‌নি)

মলং যশ

- বীরসা কিস্কু

জাম্বড়ুঘুটু লাতার মোড়, ঞেলে দুমুর রাসা ক চেপেচ এদ লেকা হড় ক উয়ুং আকাদা লটারী ছাতারে। দামু হঁ হড় ঠেলাও সাহা কাতে রিডেৎ বলয়েনায়। লটারী রেয়াঃ রাসা চেপেচ লৗগিদ, কয়ঃ আচুর এদায় গোটা টেবিল, অকাটা টিকিট রে মিৎ কোটি দ মেনাঃ  আকাদা। ধুতিরেয়া কড়ঁচ ঠেমা খন পেগেল টাকা অডক কাতে হালাং কেদায় মিৎটান লটারী টিকিট।           

দামু দ হুড়ু ইর তুলুচ ঘানে ঘানে বেড়াগে কয়ঃ গে কানা, তিন্ রে গেলবার টাড়াং সাডেয়া অনা তায়ম গে লটারী রেনাঃ রেজাল্ট ক উদুগা, অনাতে মনে দ লটারী রেগে ঢাং আকানা ।           

 বেড়া হঁ তিকিন খন নাসেনা লাডে গদ আকানা, দামু হঁ হুড়ু ইর বৗগি কাতেৎ সটাং ডুলুং গৗডিতে অটাং এনায় জাম্বড়ুঘুটু মোড়। রেজাল্ট ঞেল কাতে আডিগে ছিস ছাস বাড়ায়েনায়, মিৎ টান সুইখা বাং মিলৗও লেনা বাংখান পুনগেল মড়ে শাশায় রেয়া শিরপৗ ঞাম কেয়া। দামু দ শিরপৗ ঞামরেয়া আশতে উনগে আরহঁ মিৎ শায় গনং রেয়া টিকিটে কাটাও কেদা।

 নংকাগে দিন দিনতে টিকিট কাটাও রেয়াঃ গনং হঁ বাড়তিয়েনা। অড়াঃ রেনা ধন সম্পত্তি হঁ  আধিয়েনা।  মিৎ সেরমা আচুর তেগে সানামা চাবায়েনা। বাড়গে দুয়ৗররেয়া খেচ পিঁডৗরে দুড়ুব কাতে উইহৗর আচুর এদায় ইঞৗ মলং রেয়াঃ যশগে বৗনুঃ তিঞৗ।