মানতান সাসাপাড়াওইচ্, আবোওয়াঃ কাথা
মহাদেব হাঁসদা,
২ নভেম্বর,২০২০
সারহাও- শ্রী কা ন্ত সরেন
মানতান মহাদেব হাঁসদা গমকে, রেভাঃ পি. ও. বোর্ডিং (২নভেঃ, ১৮৬৫-২৫ সেপ্টেম্বর, ১৯৩৮ ) আঃ জানাম মাহা দিশৗ কাতে মিৎ টাং নাপায় অনলে সদরাঃৎ বনা। বোর্ডিং সাহেব এটাঃ দিসমরেন হড় কানরেহঁয়, কৗমিহট আকাদায় আবো দিসম লৗগিৎ, আবোওয়াঃ পৗরসী লৗগিৎ, আবোওয়াঃ সাঁওতা লৗগিৎ। লৗই গানঃ আ, নুকুয়াঃ তিতেগে সান্তাড়ী পৗরসীরে সাঁওহেৎ চর্চা এতহব আকানা। বোর্ডিং সাহেব আঃ কৗমি দ, ঞিদৗ চাঁন্দো সাও তুলৗজখা গানঃ আ। নুই আতে গরবরেনাঃ কাথা দ নিয়ৗগে ; বাহরে দিসমখন হেজ্ কাতে আবোওয়াঃ , পৗরসী চেৎ কাতে, আবোওয়াঃ সাঁওতা রেনাঃ আরিচৗলি নেমাচার লায়-লাকচার কুদুম কৗহনী সেরেঞ এমানাঃ হালাং জাওরা কাতে আবোয় সেপেঞ হ-ট আকাৎবনা। নং কান মৗনমীগেক মেতাক কানা গৗ খুড় পৗরসী দরদিয়ৗ, গৗখুড় খঁন্দরন্দিয়ৗ।
জিয়নভোর আবোওয়াঃ পৗরসী খঁন্দরন্দ তালাতে, পৗরসী সাঁও মনে জিউয়ী তপললেন তায়া। জৗনিচখান নুই লেকা আবো অকয়হঁ, আবোওয়াঃ পৗরসী লৗগিৎ মেৎদাঃ আউরীবন জর-য়া । সান্তাড়ী পাথাম ( হড় হপনরেন পেড়া, ১৮৯০-১৯০৪) , ডিকসেনারী (dictionary) Vol 1 to Vol V, হড় কৗহনী (১৫৮৮ গটেন ), হড়াঃ রোগ সারাও রান (৩০৫ লেকানাঃ) এমানাঃ কদ নেতারদ ভাবনা লেকান কাথা। সাওতে সাঁওতারেনাঃ মিৎবার বোগে- বৗড়িচ কাথা, আঁধা পৗ তয়ৗউ ( ভূত চূড়িন ডাইন) , বঙ্গাকড়া-বঙ্গাকুড়ি কওয়াঃ কৗহনী এমানাঃ ক তুমৗল দহ দ, আবোঠেন নেতার দ কুকমু লেকানাঃ ব্যাপার। মানতান হাঁসদা গমকে, উনিয়াঃ জানাম মাহারে উনি দিশৗ কাতে আবহঁয় জাগাওকেৎ বনা। আবো সানাম উনিয়াঃ অল ক পাড়হাও কাতে, সাঁওতা আর পৗরসী নাপায় ডাহারতেবন ডাহরাও দাড়ে আকিনা মেনতে, ইঞাঃ পৗতয়ৗউ। বোর্ডিং সাহেব আঃ এনেম দিশৗ কাতে, ইঞ পাহটা খন তাঁহেয়েনা মৗনসালাঃ জিয়নভোর জঁহার।
.webp)
