আবোওয়াঃ ওয়েব পেজ- সাঁওহেদ্ দ সাঁওতা রেনাঃ মিৎ আরসি লেকাগে, যেলেকা মিৎ টাং মৗনমি দিনৗম দিন আয়াঃ মুখৗ ন এ ঞেল তায়া। অনকাগে সাঁওতা হঁ আয়াঃ মুখৗন সাঁওহেদ্ আরসিরে ঝালকাও রাকাব্ তায়া। আর সাঁওহেদ্ দ সাঁওতা রেনাঃগে লৗয়-লেগচার-নেমাচার খন এহব কাতে বাপলা-বিহৗ, পরব-পার্বন এমান করেনাঃ রূপে সাব্ রাকাবা। মেনখান নেশদ ধৗরতি জাকাত কোভিড-১৯ খৗতির মিৎ-বার বাপলা-বিহৗ হোয়োঃ কান রেহঁ, সানাম লেকান পরব-পার্বন কোগে হৗপিদ্ তাঁহেয়াকানা। এনহঁ অনা তালারেগে সাঁওহেদ্ চারচাও দ বাং থামগৗড়ি আকানা মেন্তে ওয়েবনার তালাতে ঞেলঃ গঃ কানা। অনাগে বাঁকুড়া জিলৗ সাঁওহেদ্ আখড়াদ মিৎ সৗবুদ এ দহয়া।
দক্ষিন বাঁকুড়া সানতালি রাইটার্স অ্যাসোসিয়েশন্ হতেচ্তে পে-মাহা রেনাঃ সাঁওহেদ্ আখড়া ওয়েবনার তালাতে আডি নাপায়তে হুয় পারমেনা মেন্তে বাডায় আকানা। নোওয়া ওয়েবনার সাঁওহেদ্ আখড়া পারমেন ১ নভেম্বর খন এহব কাতে হলা ৩ নভেম্বর হিলোঃ মুচৗৎ এনা। নোওয়া সাঁওহেদ্ আখড়া দিনৗম সিগাঁড় ৫.৩০ টাড়াং অক্তে সাঁওহেদ্ আরশাল ঘাঁরঞ্জ ইউটিউব তালাতে সদর সামাং অঃ কান তাঁহে কানা।
বাডায় আকানা নোওয়া ওয়েবনার সাঁওহেদ্ আখড়ারে আয়মা ঞুম হালাং গৗখুড়িয়ৗ অনলিয়ৗ, অনড়হিঁয়ৗ কো সেলেদ্ লেন তাঁহে কানা। আর নোওয়া সাঁওহেদ্ আখড়া চাচালাও রে তাঁহেকানায় ঞুতুমান অনলিয়ৗ মানতান লক্ষন কিস্কু গোমকে। দিনৗম দিন গে ওয়েবনার সাঁওহেদ্ আখড়ারে সেলেদ্ লেন অনলিয়ৗ, অনড়হিঁয়ৗ আর নতে ঞেঁঞেঁলিয়ৗ-আঁজমিয়ৗ সানাম কোগে দক্ষিন বাঁকুড়া সানতালি রাইটার্স অ্যাসোসিয়েশন্ পাহ্টা খন গুণ মা্নাও সারহাও এ চাল আকাৎ কোওয়াঃ আখড়ারেন সভাগমকে মানতান সন্তোষ কুমার টুডু।
.webp)
